بالهون ياخافق على الحب طربان

السلام عليكم ورحمة الله وبركاته

صبح الله مساكم بكل ليل
هذي كانت رد مير ماجيب البدع لجل ماطول
اقول فيها

بالهون ياخافق على الحب طربان=بالهون ياشوق"ن" تمطى الحنيني
لايزهلك فالقلب غيره وتهمان=ولاتنحدر دمعات عين"ن" تبيني
ولاينكسر خاطر على البعد شرهان=ولاتيبس غصوص"ن" سقتها المزيني
طالع شمالك ثم طالع فالايمان=ياكثر خلق الله بجنبك تزيني
هذا يبي يغلي وهذا على شان=وهذا يبي يلعب وقلبه غبيني
وهذا يقول الصدق والصدق بهتان=وهذا على شانك سنينه تهيني
يشرون هرج الزور وللكذب قربان=ماحد معك يوفي ولالك يديني
مير الحقيقه منت عندي بسيان=انت الوله وانت رفيق السنيني
وانت الذي شايل عن القلب ضيقان=وانت الدوى لامن حرقني جبيني
وانت الذي لجله توجع وعيان=لامن لفاني الشوق عبرة تجيني
وانت ولاغيرك على القلب سلطان=وانت الذي مسماه خلي وضنيني
ليه العتب وانا من الشوق ضميان=وليه الزعل مادام حبك ضميني
ان كان لي خاطر بداخلك حيان=لاتعاتب اللي صار قلبه رهيني
مهبول مايدرك عن البعد ذهبان=همه في الدنيا غبار المطيني
تلوي ذراعي بس ارفق بتحنان=قلي قبل تلويه قلبك عويني
من شان موتي لاغداني بعجلان=وصرت للحفره قريب المنيني
اذكر وراي انسان مامثله انسان=يوفي معي في يوم راحوا ذويني

وسلامتكم
بجاد الحربي