شاعر // سأله الهمّ .. عن ماتمّ !!

السلام عليكم ورحمة الله وبركاته

من روائع ماقرأت ووددت نقلكم لكم


للشاعر عبيد الله العرابي

طبع المحب يشب سامحني على كثر العتـاب= لو ادري ان الصدق كذبه ما بحثـت اسبابهـا
لو علموني قبل لا يرمون في صدري حـراب= يمدينـي آخـذ للمعـارك سيفهـا وحرابهـا
خرجت من حلمي وعلمي توّه ألبسنـي ثيـاب= عزالله إني لآدفـن أحلامـي وأهيـل ترابهـا
ياكثر ماغشتني أحلامي وضّيعـت الحسـاب= ما تنكشف بـدري وتتركنـي وتقفـل بابهـا
هاك إعترافاتـي وسجلهـا وضمّنهـا كتـاب= وأرسم معاناتي بعدعـاش الظـلام وجابهـا
ماني غبي حتى أعطي الما طالبه واظما سراب= ولانـي نبـيّ أمـه ينزّلـه وحـيْ بكتابهـا
شاعر سأله الهم عن ماتم وأعطـاه الجـواب= وأحتاج يخرج من غباْ الرحله ولا يشقى بهـا
والعمر ميدان التجارب والخطا غيرالصـواب= والروح عيّـت لا تناسبهـا فنـون أحبابهـا
ياقلب صبرك معجزه لو فالصخر ما فيك ذاب= أنا أشهد إنـك مـا تليـن وللسنيـن حسابهـا
يفداك كل اللي مضى يا قلب من حب وعـذاب= وتفداك كـل التضحيـات وخيلهـا وركابهـا
ويفداك من يقفل ويفتح للفرح والحـزن بـاب= ويفداك من بكّى العيون اللـي تبـل أهدابهـا
والشعر سيفك والقصايـد لاتـذل ولا تهـاب= إضرب على روس الهموم اللي طوال رقابهـا
بكره يطيب الجرح (وتعلّه مراويح السحـاب)= وتموت كل الذكريات اللـي يحـوم غرابهـا