|
الزمن لا صار ضدك واحتوى درب المصايب دخولي النت بهالوقت والله ماهو بطرب للنت والمشاركات لكن طيحة الفراش عساكم ماتطيحونها مرض وهواجيس توصلك المجرات ولا لنا غير النت نحاول نلتهي فيه وحبيت اشاركم بهالقصيده واتمنى تنال بعض الاعجاب / * \ الزمن لا صار ضدك واحتوى درب المصايب لا تحاول تنكسر له لاتزيد الطين طينه للزمن حكمه غريبه تحكم بدرب الصعايب ويا كثر من ضيع الفرصه وهي فرصه ثمينه عز نفسك في زمانك لا تقول الحظ خايب وسق عمرك للمعالي واكسر النفس الحزينه والطريق اللي تشوفه يرسم الدنيا عجايب مد يدك في طريقه لين ماتمسك يمينه والرفيق ان طال وقته لا تحاتي وكل غايب حجته دايم معاه ولاتقول فلان وينه لا تكابر بالمصيبه لا حكو باغلى الحبايب قول غالي وكل غالي تكرم لعينه مدينه والبلا واكبر مصيبه لا تناسوك القرايب وتصبح الدنيا ظلام وتصبح اللحظه لعينه وقتهاا لا عاد ينفع لا عتاب ولا طلايب والزمن والحظ الاقشر العنه والعن سنينه لشاعرها سالم العجمي |
رد: الزمن لا صار ضدك واحتوى درب المصايب اول شي خلنا نهننيك بالسلامة.... ماتشوف شر انشاء الله والله يقومك بالسلامة ويعافيك ولا يوريك مكروة اقتباس:
هذا البيت اعجبني بقوة كل الشكر ياغالي...,, |
رد: الزمن لا صار ضدك واحتوى درب المصايب الله يسلمك ويعافيك وعساك ماتشوف اللي يكدر لك حياتك ولاهنت على مرورك دمت بسلامه |
رد: الزمن لا صار ضدك واحتوى درب المصايب لا تكابر بالمصيبه لا حكو باغلى الحبايب قول غالي وكل غالي تكرم لعينه مدينه والبلا واكبر مصيبه لا تناسوك القرايب وتصبح الدنيا ظلام وتصبح اللحظه لعينه الله الله فعلا مؤثرة وكلمات قوية تشكر على ذائقتك والله يقومك بالسلامة ان شاء الله |
رد: الزمن لا صار ضدك واحتوى درب المصايب ذائقـــــــة رائعة شكرا على الطرح |
| الساعة الآن 02:18 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..