دردشة رمضانيه...مع (وفا العيون)..

بسم الله الرحمن الرحيم

حياكم الله في ثاني دردشه رمضانية..




ضيفتنا اليوم تميزت بثقافتها العاليه في جميع المجالات..

لها أسلوبها الخاص الذي يميزها عن الآخرين..



بسم الله نبدأ بطرح الأسئلة على السيده : -








اول سنه بدات فيها الصيام.. متى كانت ؟

أول سنه صمت فيها اتذكر كنت صغيرهـ بالروضه

وكان عمري خمس سنوات واتذكر كانو المعلمات يتهاوشون

مع أمي عشاني صغيرهـ وصايمه ههههههههه

*كيف مر اول يوم صيام عليك ؟

أكيد انواع الجوع وضع جديد وغريب بس كملت صيامي

لانو كان الصيام بإرادتي

ثلاثه اشخاصيآت رياضيه تدعوهم لمائده رمضانيه ؟

محد هههههههه

3 / ما هو جدولك اليومي في هذا الشهر الفضيل ؟؟

انام الصباح بعد صلاة الفجر وبعد قراءة القرآن واصحى

على الظهر اصلي ويجوني اخواني فديتهم انا انواع الطلبات

اليوم سوي لنا كذا وكذا ونبي كذا وادخل المطبخ مع امي

تقريبا الساعه 3 الين آذان المغرب وبعض الأيام اخواني

صلو وافطرو وانا جالسه أقلي ههههههههههه

وبعد مااخلص اصلي وافطر واجلس مع اهلي ونشرب شاي

وبعدها ادخل شوي النت مرهـ اكون ع الجهاز ومرهـ

اقوم منه وهكذا الين يجي وقت السحور اتسحر واشرب

شاي واريح على سحوري وشوي يأذن الفجر وهكذا

كل يوم > قصه حياتها اليوميه ههههههههههه

حدث رياضي اقيم برمضان مازال عالق بذهنك ؟

كان اخوي يلعب كورهـ مع اصدقاءهـ يقلدون اللاعبين

ومنها طاح وانكسرت يدهـ هههههههه > حدث رياضي

ثلاث اعضاء تعزمهم على مائدة الفطور؟

منال أحمد ،، تقى المرسى ،، حنان111

وجبة تحرص على تواجدها في والفطوروالسحور ..؟؟

ع الفطور التمر او الرطب والماي واللقيمات

والمكرونه بأنواعها يعني بالجبن او بالبشاميل او بالبيتزا

احرص نوعا ما على وجود الرز بس موب دايم

* اكله رمضانيه مفضله؟

سمبوسه سواء بالجبن او بالحشوهـ او بحشوة البيتزا

*تفضل السحور داخل المنزل اوخارجه ؟

أكيد داخل البيت ومع الغاليه واخواني وخواتي فديتهم قلبي

ماريك؟

بعتزال الاعب سامي الجابر؟

كانت صدمه بالنسبه لي لما عرفت وفي نفس الوقت خسارهـ

ماجد عبدالله؟

ماجد كان ومازال قمة الإبداع وكفى

زين الدين زيدآن؟

مااعرفه انا

/ هل هناك اختلاف في جدولك في رمضان وغيره ..؟؟

أكيد اختلف بس مو كثييير

/ موقف صار لك وانت صغير مع الصوم ..؟؟

لما كنت صغيرهـ شوي ومن الصيام كان راسي يألمني كثير

انا كنت افكر انو بس الأكل اللي يفطر شربت فيفادول و

رحت سألت أمي وكانو اخواني جالسين معها

يمه بس الأكل اللي يفطر قالت لي امي ايه قلت اشوى

اجل انا مافطرت شربت بس حبوب وجع الراس وصارو

اخواني كلهم يضحكون علي وانا مو فاهمه ليه هههههههه

ما هو اجمل وقت لديك في رمضان لقراءة القرآن

قراءة القرآن في كل الأوقات حلووهـ بس أكثر شي

المغرب وبعد صلاة الفجر

12 / من يشدك صوته من المقرئين ..؟؟

السديس

28 / اسئل سؤال وأجيب عليه ..؟؟

من تفتقدي برمضان هذي السنه ياوفا ؟؟؟

افتقد خالي ربي يرحمه اللي توفى قبل رمضان

*نصيحه توجهها للاعضاء برمضان؟

حافظو على أداء العبادات وقراءة القرآن والبر بالوالدين

واستغلو شهر رمضان بالطاعه وصلة االرحم وكثرة الإستغفار

حوآر حلو الله . . .



ههههههههه .. الأكل يفطر بس .. يا سلآم .. عآد هالموقف قمة البرآءة .. شوفو تفكير الصغآر ..



\\



يعطيكـ العآفية يالهلآلي ..

\\


في انتظآر الحوآر القآدم ..


\\




تحيــآتي ..]]~

	المشاركة الأصلية كتبت بواسطة الكايد

	حوآر حلو الله . . . ههههههههه .. الأكل يفطر بس .. يا سلآم .. عآد هالموقف قمة البرآءة .. شوفو تفكير الصغآر .. \\ يعطيكـ العآفية يالهلآلي .. \\ في انتظآر الحوآر القآدم .. \\ تحيــآتي ..]]~

ههههههههههههه

الله يعافيكـ يارب

إن شاء الله

يسلموو ع مروركـ الأكثر من الرائع

واو ما اروع هذا الحوار

راااااااااائع وصادق جدا
يعطيكم الف عافية

	المشاركة الأصلية كتبت بواسطة أينشتاين

	واو ما اروع هذا الحوار راااااااااائع وصادق جدا يعطيكم الف عافية

الله يعافيكـ يارب

يسلموو ع مروركـ الأكثر من الرائع