08-09-2008, 12:04 PM
|
|
الخلطه الصابونيه لبشرتك الخلطة تعطيك بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس
وطريقتها سهله وتونس وممتعه .. والأشياء اللي نحتاجها مع فوايدها 1-صابونه الكركم -وحدة فقط------------------------ ( تبييض+ نظافة+ تشيل الحبوب الدهنيه بالجسم )
2-صابونه الغار-وحدة فقط-------------------------- ( تبييض + نظافة وتشيل الحبوب وتصفي)
3-صابونه البابايا -وحدة فقط-------------------------( تبييض + تشيل الحبوب وتوحد اللون)
4-ماي ورد غرشه كامله------------------- ( ترطيب نعومه تبييض)
5-ربع ملعقه كبيره كركم جسم ------------------------( تبييض)
6-ملعقة كبيره ملح خشن -------------------( تطهر الخلطة + نظافة)
7-1صابونة الجلسرين من نتروجينا اواي نوع من الجلسرين ( مرطب ومبيض + منظف)
8-ملعقة وسط نشا-------------------------- ( تبييض + لتماسك الخلطة) والحين نبشر صابونه الكركم وصابون الغار وصابونه البابايا
نبشرهم في المبشاره حقت السلطة عرفتوها
نبشرهم ونحطهم في صحن بروحهم راح تصير عندك كميه من الصابون المبشور
نخليهم ونروح نأخذ قدر ضيق اشوي ما يكون كبير ونحط فيه موية ورد كله و4ملاعق كبار مبشور صابونة الجلسرين وبعدين الكركم حق الجسم اشويه وبعدين ملح خشن ونحركهم ونحطهم على النار وإذا سخنت بس اشوي المويه نحط الصابون كله مع بعض ونحرك راااح تلاااحظين انه على طول بيسيح ويذوب مع موية الورد الحار ونحرك لحد ما يندمج ويصير مثل الخلطه كنها عصيدة .. أي والله صج بيذوب وتتكون عندك الخلطة والحين إذا سخنت الخلطة وبدت تطلع فقاعات اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي ملعقة النشا على طول وهي حارة على الخلطة وحركيها زين.. وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها وانتظريها على ما تبرد ونبدى
نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله. طريقة استخدامها: مع كل استحمام استخدميها اخذي كميه في ايدك وفركي فيها جسمك كااامل ومع الوجه حتى الرقبة وخليها عليك من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو
وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومه وترطبين الجسم بعد الصابون.
الكريم المبيض بعد الحمام 6 كبسولات فتامين E الزيتية + يخلط مع علبة كاملة لوشن ايبيديرم لوشن
مبيض فعال بالبايا خيالي..
توقيع : روحي بين اياديه بروح هناك..لآخر شبر في الدنيا..عشان أبكي..الين أنساك || عآدي التعـب عآدي .. و [ النـصـر ] هو ملحـه || | |