مجالس الرويضة لكل العرب - أغراض الشعر كلها عندنا فخر

السلام عليكم ورحمة الله وبركاته
اخواني الأفاضل يشرفني ويسعدني أن أكون حرفا بين سطور منتدى الرويضة يتزين بألوانه ويرقص طربا بنشوة حضوره بجوار كلماتكم
جميل أن يعرف الإنسان بنفسه استبيحكم عذرا في اقتحامي لصفحاتكم البيضاء لأخط عليها بسواد قلمي فخري بقبيلتي القبيلة التي يفخر بها الفخر نفسه قبيلة بمثابة الجليد على قمم الجبال الشاهقة إذا ما طلعت عليه الشمس تحول أنهارا جارية يسقي الفجوج و الشعاب
ليس فخرا كتبته إنما هناك من مدح قبيلتي من غير الوداعين فافتخرنا بمدحه فكانت أغراض الشعر عندنا كلها فخرا
لذلك أقدم لكم قصيدة للشاعر

قصيدة الشاعر: سعد بن مهدي الحبابي القحطاني في مدح الوداعين أهل السليل عندما رافقهم اربع سنوات من خلال عمله كمعلم بمحافظة السليل

يالله يالمطلوب ياقاضي الدين=ياواحد كل الملا تلتجي له
فرد صمد مد البلد بالميامين= وامن وآمان عقب ماهي محيلة
يالله عساه ايدوم آمين وآمين=ياناصر دينــــــــــــ ــــك ومن ينتميله
من بعدها والقول يلقا براهين=والعز منهاج القبــــــــايل الاصيله
قول الحبابي بالحقايق ويازين=رسم الكلام اللي يثبـــــــــت دليله
في مركب الايام والعمر يومين= حسب الضروف وللمعالي وسيله
ومن طيب حضي جيت بين الوداعين=قبيـــ ـــــــــلة بالعز نعم القبيله
اهل السليل في المواقف سلاطين=عند القسى مثل السيوف الصقيله
روس الرجال مرجحين الموازين= اهل المراجل والفعول الجزيله
عاداتهم تعرف مع العسر واللين= وقفاتهم عند الشدايد ثقيله
واهل الفعايل ملحقين المخلين= واهل الجهام اللي قليل مثيله
يرعون به حد المعادي جريين=من بطن نجد الى النفود المهيله
تشهد لهم طالاتهم في الميادين=لاجا نهار فيه قدح الفتيله
وتشهد لهم عشر السوالف بتمكين= عند الخوي والجار لاقل حيله
وسلومهم وعلومهم بالعناوين= في روس مشذوب الرجوم الطويله
اربع سنين بينهم تعجب العين=والطيب يثنى كل يوم وليله
خوة شرف كني مع الربع لدنين = عزي لمن دنياه ماتستوي له
ماهيب تستغرب من اول وذالحين= مجنى حرار وكلهم من فصيله
وكل اخويانا بافخر فالهم زين = ومن قدم الناموس يلقا بديله
واليوم جانا النقل من وين لا وين=الله يعلم والليالي كفيله
والله لولا الخط ماحن براضين= لاكن كل ماضي في سبيله
بين العمل والبيت ميه وعشرين=والوقت قاسي والمسافة طويله
ان جيت منا لا المناعير وافين=وان جيت منا حاجة مستحيله
لاكن على ماقيل لو طول البين= القدر يملا الصدر والله وكيله
وعلى المعزة والمواصل مقيمين=سلم الرجال ومن دعانا نجي له
الله يثبتنا على الحق والدين=ويزيل عنا كل عيله وميله
وختامها ياشين فرقا المحبين =واللي شكاها ياعرب عزتي له
الشاعر سعد بن مهدي القحطاني

تحيتي أقدمها باقة ورد مهداه
أختكم
سجود الرمش