مدري وش صار بخفوقي يوم لامسني حنانك = هزني زلزل كياني ما احسب جبالي هزيله
ما احسب إن الورد يجرح لين شاكتني رموشك = وش تحارب يا خفوقي فارس يقابل قبيله ؟!
هز عرش قلوب ناس من جهلها تستجيرك = من هجير رمال جورك تهوي لجمره ولهيبه
آه من حسنك دمرها وش يعمرها دخيلك = لا ذهب عقل المتيم يا مناتي وش يجيبه ؟
لا تهادى في مشاتك قيدك يقيد لقدك = قاد قادات القيادة ذل ناسٍ ما تخيله
مجهرٍ هالكون خدك حسبي الله من خدودك = مشتري لقلوب حسنك ما تخافين النهيبه ؟
ايه انا يا بنت عاشق ليت جدي مثل جدك = لعن أبو ها لجد عاثر ما خدمني ويش أبي به
ساقني يم المواجع لا تركني ولا تركتك = بين هالنارين عايش كيف اهجه وكيف أحبه
بس دخيلك يامناتي لاتفكيني من ايدك = قيديني لين انزف ما ابي احدٍ يفكه
شفتي وش صار بخفوقي يوم لامسني حنانك = زلزل جبالي وارضي واحلف إني ما اسيبه