سبرنغ رول
 

لو جاينك ضيوف ومستعجله وحابه تقدمي شيء خفيف وفي نفس الوقت لذيذ وطريقة عمله سريعه..

أقدم لكم طريقة السبرنج روول بالأندومي...

الطلبات:
1-عجينه سبرنج روول
2-أندومي
3-بصل
4-إبزار كاري
5-صوص الصويا الحلوهـ إندنوفي
6-خضار مجمدهـ
7-دقيق


الطريقه:
أسلقي الخضار المجمدهـ بعدين قطعي البصل قطع صغيرهـ أو أفرمي في المكينه بعدين لمن تنسلق الخضار صفيها وحطيها في صحن وجيبي قدر وحطي في زيت وبعدين حطي فوقه البصل يعني كشني إلين يدبل ويصير لونه ذهبي بعدين حطي عليه الخضار إلي سلقتيها وبعدين حطي الإبزار اللي موجود في الأندومي فوق البصل والخضار وحطي إبزار الكاري فوقه وحطي صوص الصويا الحلو وحطي ملح ليمون شويه فوق البصل والخضار وقلبيها وأرخي النار عليها وخليها تتخمر بس لازم تقلبيها بين فترهـ وفترهـ..
في هذا الوقت حطي مويه في قدر تاني وحطيها على النار وخليها تفور وبعدين حطي الأندومي في القدر إلي في المويه وخليها تستوي شويه..
لمن تستوي الأندومي صفيها وطفي النار على الخلطه إلي سوتيها قبل كدهـ وحطي الخلطه في زبديه وحطي فوقها الأندومي وقلبيها مع بعضها وخليها إلين تبرد..

بعد ماتبرد الأندومي جيبي عجينة السبرنج روول إلي طبعاً حتكوني طلعتيها من الفريزر من أول..

جيبي العجينه وأفتحيها وخدي واحدهـ وحطيها طبعاً في صحن طويل وخدي من الأندومي وحطيها على العجينه وأبدأي لفيها طبعاً كلكم تعرفوا طريقة لف السمبوسك السجايري السبرنج روول يتلف ينفس الطريقه بعدين جيبي الدقيق وحطي في زبديه وحطي فوقه مويه وقلبي إلين يسير لا تقيل ولا خفيف بعدين في أخر طرف العجينه حطي قليل من الدقيق عشان العجينه تمسك نفسها وماتتفتح في القلي وأستمري بنفس الطريقه إلين تخلصي الأندومي والسبرنج روول بعد ماتخلصي أقلي في زيت جديد..

بالهنا والعافيه..

أتمنى تعجبكم الطريقه..

وإنشاء الله أجبلكم طرق طعام جديدهـ وطعمه..

تحياتي..

تسلمين على الطبخة,,,


يعطيج العافية,,,,

وصفة اكثر من رائعة


تسلمين