مجالس الرويضة لكل العرب - وصوف المطر ومسمياته

اخواني اتشرف ان يكون لي موضوع عن وصف المطر في هذا المنتدى الغالي
ارجو ان ينال قبولكم ورضاكم :
اولاً/ الرش وهو المطر الخفيف الذي يزيل (يقتل) الجره( جرة انسان او حيوان او سيارة)

تانياًُ/ سواد ثراء : يعني اذا شفت الأرض كأنها سوداء وهو اقوى من الرش

ثالثاً/ يبيض: يعني اذا شفت الأرض كأنه لون ابيض وممكن تشوف بعض الماء على الأرض ولكن يختفي بسرعه

رابعاً / يملا الحجر: ويخرم يعني تشوف الما بالحجرويزيد عليه وفيه ناس يقولون يكثر الما ء

خامساً/ الواسم: المطر اللي يمشي الجاده وتشوف له بالأرض ممشا بسيط

سادساً/ الشاهد : وهو الي يمشي الدعوب الصغيره والحشاط (الأرض الصلبه )

سابعاً/ الشاهد الحديد : وهو اقوى من الشاهد واقل من القشع وهو اللي يمشي اغلب الدعوب ولكن مايمشي الشعيب

ثامناً /القشع : وهو اقل من السيل ولكن يمشي نصف الشعيب
تاسعًا / سيل المهتنى: وهو يمشي جميع الشعبان من الجال الى الجال ولايسبب أضررعلى احد
عاشراً / السيل: واللي يخل كل شعيب من الجال الى الجال ومثل مايقولون يركب العطا والوطا وهذا النوع ممكن يحصل منه اضرار هذا على حد علمي والله اعلم

منقول بتصرف