|
افضل خدمات dsl بالرويضة السلام عليكم ورحمة الله وبركاته اسعد الله جميع اوقاتكم بكل خير .. موضوع مهم تبين لي آثناء ما حصل لي مع شركة الاتصالات السعودية المحترمه ,, موضوعي ,, ( إعطال خدمة DSL شبه المستمر ) من منا لا يمر عليه شهر بالرويضة الا وحصل له عطل في خدمة DSL ؟؟ آعطال مفاجئ يحصل دائماً في كل شهر ,, كم يوم يكون عطلان ,, تطور الامر الى الشهر الماضي بأنقطاعه علي طوال الشهر ,, استفدت من الخدمه فقط 3 ايام ,, الشهر هذا تعطل الى يومكم هذا 10 ايام ,, بسبب الكابينة مظغوطه وماتتحمل ويحصل فيها دائماً إعطال ,, والمتضرر الاول المشتركين ,, تكرر للفني زيارتي والاطلاع على مشكلتي ,, والحل الاخير ,, يوجد تيكت عطلان من الرياض وليس من الرويضة .. التكيت معروف دائماً في العطل لمن يرفع فيه بلاغ بالعطل يأخذ 24 ساعه بعدها يتم أصلاحه ,, والى الان مر علي اكثر من 72 ساعه ولم ترجع لي الخدمه ,, الموضوع اللي لازم الكل يكون على بينه منه ,, يوجد هناك كابينة أتصال جديدة منشأة من بدايه هذا العام 1/1/ 1429 هـ والى الان نحن في عطالات لماذا لم يتم نقل الكابينة القديمه التي تشغل جميع تقسيمات 21 .. 22 .. 23 .. 24 .. بعد 655 .. للكابينة الجديدة ,, او فك الضغط على الكابينه القديمة بالجديدة .. المراد بالكابينة القديمة المقابلة للمستشفى من الجهة الغربيه بجوار حائط مدرسة الثانوية ,, لو تم تفعيل هذه الكابينة الجديدة ,, انحلت مشكال DSL بالرويضة لان طاقتها الاستيعابيه عاليه جداً ,, بالمعقول 8 اشهر والكابينة مركبة وجاهزة .. ولم يتم أستخدامها ,, ما الفائده منها اذاً ؟ لماذا لم يتم ترقية المشتركين عليها ؟؟ الى المسؤلين الى متى ونحن في عطل ؟ الموضوع هذا تكلمت فيه لانه صاير معاي ,, وقلت حيلتي من كثرت ماتردت على شركة الاتصالات ,, دون من ينظر في هذه المشكلة ,, كل يوم والاخر غدا سوف يتم اصلاح المشكله ,, اتمنى ألقى من يتجاوب معاي في موضوعي ياشركة الاتصالات ,, ما هو الحل الذي ممكن ان تحل هذه المشكله ,, غير الشكوى لان الشكوى مالها اي اعتبار الان ,, لكم ارق التحايا حفيد مجمش ( محمد علي السهلي ) :nabd: |
رد: افضل خدمات dsl بالرويضة الله يكون بعونكم أنا مو من الرويضة صح بيتعطل معي بس ما بتوصل لدرجة 10 ايام بالشهر الحمدلله |
رد: افضل خدمات dsl بالرويضة ارحب حفيدووووو و الله انا نعاني من ما تعاني لكن الاتصالات لاحس ولا خبر و اذا كلمتهم و سويت بلاغ قالوا بكره الفني بيجيك و تنطق لك يومين ثلاثة ما جاك احد انا لي شهر فترة النهار مقطوع من الساعة 8 صباحا حتى 5 العصر و اذا جاء الفني قال من الرياض واذا كلمة الاعطال قال من الكبينه مره ضيقت صدورهم ومن مدير الى مدير اخر واحد قال الكبينة الجديدة تبي ترقيه قلت وراء ما ترقونها الله لا يهينكم قال كيبل الالياف البصرية في الجهة الاخرى من الطريق السريع و حتى نوصله نحتاج الى قطع الطريق وهذا يترتب عليه التزامات ماليه و تصاريح من وزارة المواصلات و من البلدية وان شاء الله بيتم ذلك في القريب العاجل لكن هذا الكلام له شهرين و مازلنا ننتظر |
رد: افضل خدمات dsl بالرويضة حسبي الله عليهم شركة احتيالات تصدقون نفس الشي في الرياض نعاني من دي اس ال قمت طلعت جوال نت وشريحة وصارت مضحكة تفتح مواقع محددة فقط واللي مايعجبها ماتفتحه ويقولون جيل ثالث وسرعة 7 ميجا وهي والله ماتجي ربع ميجا سؤال هل جوال نت تشتغل في الرويضة والا موبايلي كونكت وان كان تشغل جربوها يمكن تضبط معكم وشكرا |
رد: افضل خدمات dsl بالرويضة اقتباس:
لا بتوصل عندنا واكثر ,, الا الان ولم نشوف اي تغير ,, نورتي بردك ,, بنبونته ,, |
رد: افضل خدمات dsl بالرويضة عبدالله بن فيصل ,, حياك الله وانت اظن من اللي يعناون من انقطاع الخدمه والخدمه السية من قبل شركة الاتصالات ,, اقتباس:
وظف على الشهرين مثلها ولاهي مكفيه ,, الله يعينك >> واحد مثلك تبيه يواسيك صعبه ههههههههههههه نورت بردك اخوي ,, لاكن ما الحل يا عبدالله مع امر الكابينه غير كلامهم لك ؟ لانه بصراحه شبعنا من رد الموظفين لنا بالامر هذا ,, وكل يوم تصريف لنا ومع ذلك تمر الايام ولا فيه احد يحس ,, تعطلت امور كثيرة لك وأظن انت فاهم علي ,, من المسؤؤل عن ظياع ما يحصل لنا ,, الدايل اب ليته يمشي الامور ,, لاكن برظه بطئ شديد ممل قعادته في ارجاء المملكه ,, عبدالله الله يكون في عونك وعوني ,,>> ضحايا الاتصالات :) دمت بخير |
رد: افضل خدمات dsl بالرويضة هذا حال شركة الانفصالات ولا حياة لمن تنادي ارفعوا اكفكم بالدعاء <<< ما فصل معه ال دي اس ال |
رد: افضل خدمات dsl بالرويضة الله يعينكم بس لاتظلمون الرياض الحمدلله ماينفصل عندنا ولا يتعطل ولله الحمد شوفو لكم حل مو طبيعي الوضع كذا |
رد: افضل خدمات dsl بالرويضة حفيد مجمش : ليتنا من حجنا سالمين ههههههههههههههه ههه ليت مدير الاتصالات السابق عبيد بن مشرع ماراح مكتب اتصالات الرويضة في وادي والمواطنين في وادي واذا داوم موظف تغيب الثاني الافضل يقفلونه ويريحون المواطنين من زركشته اللي على الفاضي ههههههههههههههه ه- عبدالله بن فيصل : خلهم يرقونه على بند الاجور او بند التشغيل الذاتي هههههههههههه والله اضحك لاننا بازين باتصالاتنا والجيل الثالث ووووووووووو وانا جايب جهاز من الصين حاولت اشغله رفض ويوم عطيته المهندس قال انت صاحي ؟!!!! هذا الجيل السابع يبغى لكم في السعودية 10سنين وياصلكم فاكر نفسك اتصالات الصين قلت اقعد وانثبر ياجوالي بتصير قطعة محنظه ونشارك بك في الجنادريه للتراث بعد سنوات ان شاء الله والجيل الرابع مابعد وصل ههههههههههههه سلام احتيالات مثل ماقال ابو عبدالله سعود |
رد: افضل خدمات dsl بالرويضة اقتباس:
الله يعنكم لاتشكي لي ثم ابكيلك :) هذا اللي صاير واظن الخدمه من الاتصالات وموبايلي بالرويضة بخصوص الشريحه .. فيه من يمدح وفيه من يذم ,, يعني الى الان ما فيه اي تطور ,, حياك الرب نورت مشاركتك سعود ,, |
رد: افضل خدمات dsl بالرويضة اقتباس:
والله من دعوة هههههه .. ليته ينفصل عندك كان انت اول من تظرب فيوزه هههههههه نورت بردك اخوي |
رد: افضل خدمات dsl بالرويضة الف شكر على الطرح القيم وبارك الله فيكم |
رد: افضل خدمات dsl بالرويضة انا ابغى اسس دي اس ال لي اكثر من شهر وانا كل اسبوع عندهم يقولون الرويضة عليها ضغط دي اس ال |
رد: افضل خدمات dsl بالرويضة الله ييسر اموركم ان شاء الله |
رد: افضل خدمات dsl بالرويضة [اللة يكون فى العون ويصبرنا على الشركة |
رد: افضل خدمات dsl بالرويضة سرق عيني عينك الله موجود الله موجود<<< متأثر |
رد: افضل خدمات dsl بالرويضة أبشرككككككم ركبولي دي اس ال 256 تخيلو ياخذون رسوم تاسيس واشتراك من شهر 6 وماركب عندي بعد بس ودي اسال سؤال تخبرون الفني الفلبيني باقي موجود ولا لا ؟؟؟ احس انه فاهم اكثر من الي يجي من القويعيه ؟ |
رد: افضل خدمات dsl بالرويضة اشكر مروركم جميعاً ,, اخوي اللي يبي ركب دي اس ال ,, حسب علمي خلال الستة اشهر الماضيه ركب بالرويضة لي ثلاثة مشتركين وبواسطه جامدهـ ,, اخوي اللي تسال عم الفلبينوا ,, راح عصرهـ ,, الشباب اللي يطلعون من القويعيه فيهم خير وبركه بعضهم فقط ,, واذا تبي احد منهم وفي الخدمه ,, راسلني على الخاص واذا تبي ارقامهم عطيتك ,, وماراح يقصرون ,, |
رد: افضل خدمات dsl بالرويضة ونجدد العطال ونفس المشكله ,, لم يستجد امر ولا حرك ساكن ,, وكل شهر يمر يحدث العطل من شركة الاتصالات السعوديه المحترمه ,, وهاء انا و24 مشترك معاي نفس المشكله ,, ولم ينظر في وضعنا من قبلهم كل شخص من الشركه يحول المسئوليه لاغيره ,, وكل يوم راح يتم أصلاح العطل ,, ولم يتم النظر واصلاح المشكله ,, الجدير بالبذكر نتمتع بعطل لنا 8 ايام حتى الان ,, ولم يتم اصلاح العطل ,, واخر شي توصل لنا انه فيه التماس في مقسم الخاص بالارقام المعطله من المركز الرئيسي من الرياض ,, وانه راح يتم أصلاحها في الايام القادمه ,, لعل وعسى يصح القول ويتم أصلاح المشكله ,, : دمتم |
رد: افضل خدمات dsl بالرويضة الله يعينكم خلك تنام بري |
رد: افضل خدمات dsl بالرويضة الله يعينك ياحفيد جدي رفعوا ضغطك بالعطلات ^^ يتمتع بخدمه اوكي من شركة الاتصالات هههههههه الله يعينك بس واشوا اني بالرياض والا كان علوم |
رد: افضل خدمات dsl بالرويضة اقتباس:
اي لا بالله انواع النوم :) |
رد: افضل خدمات dsl بالرويضة اقتباس:
: لا بالله تمنيت اني عندك ,, نورت بردك اخوي وتلطيف جوي :) |
رد: افضل خدمات dsl بالرويضة اقتباس:
بالمشكله بالنهايه بعد مرور 10 أيام ,, الكابينه والمقسمات اللي تحتوي عليها معلقه ,, اكتشف ذلك المهندس اللي وصل لنا من الدوادمي ,, وتبين انه الكابينه معلقه ,, في خلف الكابينه مثل المفتاح قام بإطفائه ومن ثم عاود التشغيل ,, وأصبح وضع الكابينه اوكي واصبح الاتصال اوكي :) << وش عقبه عقب ما نقطتوا المر في حلوق المشتركين يا شركة الاتصالات السعودية ,, بس زرف ولا هنا خدمهـ تجبر بالخاطر ,, : لنا اكيد عوده قريبه بشان الانقطاع :) << الله لا يقوله ويبطي بساعته ,, |
رد: افضل خدمات dsl بالرويضة الله يعينكم من جد .. والمشكله الأشتراك يخلص والشهر يمر وأنت ما أستفدت منه :( .. ودمت |
رد: افضل خدمات dsl بالرويضة والله الاعطاااال هذى صارت ضريبه يوميه ندفعها كل يوم ولاحياة لمن تنادى |
رد: افضل خدمات dsl بالرويضة اقتباس:
أيه الله يعين بس والله من أشتراك راااااح علينا ,,على الله العوض ,, نورتي بردك خيتي ,, |
رد: افضل خدمات dsl بالرويضة اقتباس:
لا ويلطف عليك الجو يقلو بإمكانك أسترداد قيمة الايام اللي تعطل فيها ,, وهذا نصب بنصب ,, نوردت بردك اخوي العراب |
رد: افضل خدمات dsl بالرويضة اللهـ يعينكم |
| الساعة الآن 11:31 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..