صباحْ فاردْ شراعه قلوب

بتبدر فِ النسيمْ غنوه

و( نيل ) مهما يمرّرنا

نقول بردُه الحياه حلوه

وليه الحزنْ فيه بالكوم

يفيض بالدمع والقسوه

في شط بيغسله بهموم

وشط يداري فِ الشكوى

دا كانت ضحكته تسكرْ

وكان فلاحْ ومتعافي

وليه دلوقتْ صوته أنينْ

وكان صوته نغمْ دافي

يا بويا مينْ كسر عودك؟

وشلّ ف ايدي مجدافي؟

ومينْ يا نيل حنى ضهرك؟

وعكر قلبك الصافي؟

وليه نخلك صبحْ عاري؟

مطاطي للزمن والريحْ

وكان يعشقْ شموس عزّك

ويغزلْ ضيّها تسابيحْ

صباحك نيلْ يا بو الطيبة

يا بلسم والغيطانْ مجاريحْ

هنستنى الليالي تعودْ

وتزرعْها النجوم تفاريحْ

العزيزة

مذهلة

لقلبك كل الحب والود غاليتي

امتناني لحضورك الأروع

مودتي وتقديري

أخي الرائع

أبو نواف

صباحك / مساؤك روح وريحان

سعدت بقراءتك الرقيقة وحرفك النبيل

لكَ مدائن الشكر عزيزي

تحيتي وتقديري