للي وده يتونس يدخل ويضحك ..

ان شاء الله يعجبكم موضوعي اليوم واللي هو عن شقاوة الطفوله
راح اتكلم عن المواقف المضحكه صارت لي وصارت لناس اعرفهم
يلا نبدا على بركة الله واحد اثنين ثلاثه يلا>>>>>>بايخه ادري المهم

يمه عطانا ريال
هذا اليوم كان لمن كان عمري ثلاث سنوات واختي اللي اكبر مني كان عمرها خمس سنوات اتكشخنا ولبسنا ملابس العيد >>>>النفاشيه اللي تفشل تذكرونها خخخخخخخخ
كان ذاك الوقت نحس انفسنا كشخه وطبعا وقفنا عند باب بيتنا نستعرض كشختنا>>>>>>اخس ياالعارضات
المهم وكان قبل كم سنه قد صارت حرب الخليج وانفتحت الحدود ودخلوا اليمنين السعوديه بشكل موب طبيعي >>>تحس انها معلمة تاريخ
المهم وبينما كنا نستعرض كشختنا الا وفيه ذاك الرجال اليمني اللي على الزاويه وينادينا رحنا له نركض نحسبه معجب يبي توقيع خخخخخخ لا امزح مهبل رحنا له من اللقافه نبي نعرف ويش يبي الا ويمسكنا انا واختي وياخذنا ورا المسجد ويطلع ذيك السكين اللي ويش كبرها ويقول ولاكلمه ويش تتوقعون يبي منا؟؟؟؟؟







لا حرام عليكم مو اللي في بالكم ظلمتوا الرجال مايبي الا ذهبنا خخخخخخخ كنا لابسين غوايش واللي مايعرف الغوايش يسمونها معاضد واللي مايعرف المعاضد يطق راسه بالجدار>>>شكلها بتتصفق
المهم قام وطلع غوايشي وانا ساكته من الذراق ماقلت شي اما اختي قامت تبكي من الالم وكل ماتبي تصيح يقوم يشهر سكينه >>>اخس يايشهر اعجبتني
المهم ويوم طلع الغوايش والتي هي عباره عن اربع قطع قام وعطا كل وحده ريال >>>>>>والله انه كريم
المهم ورجعنا حنا وخشتنا لامي وقلنا لها يمه الرجال عطانا ريال
امي انهبلت وظنت زيكم في الرجال السوء وقمنا قلنا لها لايمه ماسوا شيء بس خذا ذهبنا عاد امي انهبلت وخذت الساطور>>>>>>تح سون امها صعيديه صح
وطلعنا ندور عنه وامي كل ماشافت رجال قالت هذا هو وحنا ايه لالالالا وكذا الحال بس طبعا مالقيناه وربي راحمه ولاكان انسلخ ذاك اليوم وراح في خرايطها


هيا
هذي هيا تصير بنت اخوي يوم كانت صغيره كانت تاكل أي شيء تعطيها اياه والله العظيم أي شيء حتى لو تراب قل لها بس ان هذا اكل وبتاكله وكانت اختي اللي اكبر مني منقهره منها لانها دايم لمن يزورونا تشرب لين تقول بس وبعدين تنام وتقول امها جيبوا بطانيه لهيا ولمن نجيب لها تفك البزبوز>>>>>>كن ايه عن التبول
المهم جا يوم وقررت عبير تنتقم منها الا وجابت علبة شامبو صانسليك خلاص بيخلص وتقوم وتحط فيه مويه وترجه وراحت لهيا قالت لها هيا هيا اشربي عصير وقامت البنت وشربت واشوي الاوالبنت حمرت عيونها وقامت تدمع ولمن سالناها اشفيك ورتنا العلبه وقالت عمتي قالت اشربيها>>ادري ادري اختي شريره خخخخخخخخخخ تستاهل البنت
ومره ثانيه جابت رطريط اللي مايعرفه هو مصطلح نقصد به لمن يختلط التراب مع المويه المهم وكورته لها وقالت لها هيا كيكه كليه وكلته المخروشه ههههههههههههه بس ماصار لها شيء.

السياره ولاشعري
لمن كنت صغير ه كنت متعقده من شعري الخشن>>>العبي علينا للحين
وكنت انقهر من اختي اللي اكبر مني كان شعرها ناعم وتحط لها قصه وحركات وانا دايم مغير قرينين وعلى ورا شعري كله وكان طويل وكثير بس انه خشن فجا يوم العيد وفكت اختي شعرها قلت ابقلدها >>>>>>>من النعومه تكفين
المهم وافك شعري وطبعا كان منتفش هذيك الايام ماكان الاستشوار دارج>>>>>>>الله يوفق اللي اخترعه قولوا يابنات امين
المهم وقام ابوي يزعجني اربطوا شعرها اللي كنه بلونه>>>>>جرح مشاعري
واقوم معصبه واقوله مالك دخل كيفي ومن القهر خذيت الكريم الابيض وادهن شعري وغرقته من الدهن عشان يهجد>>>>>>>>>ول اهجد خخخخخخخ
وجاتنا معلمتي تبي تتونس عندنا ولمن شافتني قالت لبنتها شفتي الشعر مو زي شعرك انا طبعا امتلات غرورا >>>>>>>>تكفون البنت كان شعرها اشقر وناعم حرير وكانت تهبل
المهم وبعد ماراحت وراح ابوي واخواتي للغنم يحلبونها وجلست انا لحالي بالبيت قلت الهي عمري لين يخلصون واقوم اخذ المشخاط >>>>>>>الكبري ت
واطلع برا عند سيارة ابوي واقول اشب السياره ولااشب شعري ؟اممممم قلت اشب السياره واجي احاول اشب السياره شبي شبي ماشبت والتفت للخيار الثاني اللي هوشعري واول ماحطيت المشخاط في شعري الا وقبع>>>>>اكيد مع كل ذاك الدهن صار قابل للاشتعال
واقوم اصيح وشافوني اهلي وجاوا يركضون وقام ابوي الله يرحمه يطفي شعري بيدينه واحترقت يدينه ويشيل من التراب ويحط علي وكان فيه سطل كبير مليان مويه خذته اختي الكبيره وكبته علي بس طبعا بعد ماتقعذذت واحترقت الجبهه والاذنين والشعر اهيء اهي ورحنا المستشفى >>>>>>>اكذب على من
مارحنا قام ابوي حط على الحروق معجون اسنان وعشنا حياتنا طبيعي وهذا انا كبرت ومافيني الا العافيه


الله يسامح عبد الله السدحان
هذا الكلام صار تقريبا لمن كان عمري سنتين قولوا ماشاء الله لاني للحين اذكر الدعايه حقت الجلمبو اللي سواها عبدالله السدحان يوم انه مسوي نفسه شايب واسنانه مسوسه والله للحين كل مااتذكر الدعايه احس بقشعريره في جسمي >>>>يشعر وقشعريره وش السالفه
المهم هذي السالفه تقول لها لي امي انا بس اللي اذكره اني كنت اخاف من ذي الدعايه موت المهم كنت جالسه مع اخوي محمد في المجلس وطلعت الدعايه وقعدت اصيح وابكي وافحط وجات امي قالت ويش سويت لها ياالكلب >>>>>اخر العنقود انا ترا يعني ياويله
قال يمه والله ماسويت لها شيء هي اللي صاحت من نفسها>>>>طبعا ماكان يعرفون عن عقدتي شيء
المهم وقامت امي الله يعطيها العافيه وخبطت محمد كم خبطه تحبها قلوبكم وفي يوم اخر كانت امي قاعده معي وطلعت الدعايه وقعدت اصيح وابكي وعرفت امي السر وقالت ياالعفنه وانا ضربته عشانك وقامت امي وضربتني عقابا لي >>>>>امحق دلع قال ايش اخر العنقود.

هذا وجهي إن اعرستي
هذي القصه صارت لمن كنت بسادس ابتدائي كانت عندي صديقه اسمها معجبه وكنت احبها مره >>>>>>حب بريء لا احد يفكر شيء ثاني
المهم وكنت دايم اباشر عليها في البقاله والبوفيه>>>والل ه من الهياط متحسفه على دراهمي
المهم وفي يوم كنا رايحين نتمشى في السوق اللي جنبنا واذن ورحنا نصلي في المسجد اللي في السوق ويوم رحنا الا ولقينا بنات تشاديات ويوم صلينا وخلصنا الا وطبعا ابو طبيع مايخلي طبعه اللي هو انا طبعا واتليقف على التشادياتان>>تب ي تعلمكم انهم ثنتين
المهم وينطون علي ونتضارب ياعليهم قوه واتضارب معهم وتمخيش وتشويش وتمعيط شعر لين فرقونا حريم دخلوا يصلون بس لاحظتوا شيء ؟؟وين معجبه اثرها طلعت ذروق وخلتني انطق ولافزعت لي>>>>حسافه ياالكباب اللي اكلتك اياه
ورجعت لامي في السوق ولقت الوجه طبعا ممخش وقالت وش صار قلت لها وقامت عطتني ذاك الكف اللي يحبه قلوبكم تقول ليش تتبعين معجبه وانصدمت طبعا ورحت امشي لبيتنا وانا ابكي >>>>>>>>>>تعرفو ن عاد البزارين مايتدلعون في البكيه بس يفتحون خششهم ويبكون مو الحين اذا قدنا بنص البكيه قعدنا نطالع اشكالنا في المرايه وحنا نبكي ونحاول نتدلع في البكيه
المهم انا طبعا لمن ابكي عيوني تحمر وتصير كانها جمر>>>>>جنيه ذي
المهم طبعا عارفين لمن الواحد يبكي ايش يطلع من خشمه فكنت امشي في السوق بهذه الهيئه عيوني حمر وخشمي........
وفمي مفتوح الا واشوي نط قدامي واحد حلو ووسيم وقال لي هذا وجهي إن اعرستي عاد انا سكت يوم قال لي كذا واتحطمت زياده على الكف اللي جاني وقررت اني لمن اتزوج راح انشر اعلان ويش كبره في كل جرايد المملكه واقول هذا انا اعرست عشان اشفي غليلي >>>>>>>>قصدها من هذا كله فيه احد يبي يتزوجها ترا يجي معها هديه للي بياخذها

.

اسناني واوا
هذي القصه يعلموني اخواتي بها حصلت تقريبا يوم كان عمري سنه وكانت اسناني التحتانيه توها طالعه >>>>>>يالبيه
المهم وكانوا اخواتي في السطح وماخذينا معهم ويوم قدهم بينزلون قامت اختي الكبيره وشالت اللي اكبر مني على ظهرها قمت انا اصيح على اختي الثانيه شيلني مثلهم وشالتني على ظهرها >>>>>>>>هم اربع بنات
المهم نزلت اختي الكبيره بسلام ولمن نزلت اختي الدبه اللي انا على ظهرها اتعكرفت وطاحت والله لايوريكم الدرج ويش طوله ولمن استقرينا انا وياها على الارض اكتشفوا شيء مرعب اسناني طاحت >>>>>>مااستمت عت فيهم
وقعدت اصيح وابكي وامي ماهي في البيت والبرطم انتفخ من الطيحه واختي الكبيره تحاول تسكتني اما البطه انخشت بالغرفه اللي في السطح ونمت ولمن جات امي قامت تناديني يا.......>>>مار اح اعلمكم هههههههه
جاتها اختي الكبيره وقالت نايمه الا وتشوف امي الدم على كتفها >>>>>>>>>>امي سكنيه تطقع بكونان وامثاله
وسالتها من وين الدم ذا قالت يد فلانه انقطعت ميد اختي اللي اكبر مني قامت امي نادتها يا...........وج تها تركض ماصدقت قالت امي وريني ياامك ايدك اللي انقطعت قالت لا مهوب انا فلانه طاحت من الدرج وانكسرت اسنانها وامي انهبلت وقامت تصيح وودتني المستشفى وسوت لي فحوصات واشعه وتسال الدكتور هي بتطلع لها اسنان مره ثانيه قال ايه لاتخافين >>>>>>امي تحبني >>>مستانسه
وامي حلفت انها ماتخلي اللي طيحتني >>>>>مسكينه تكسر الخاطر
والمسكينه منخشه بالسطح وجاها اخوي محمد وقال لها افتحي الباب افتحيه ولاكسرته عاد تعرفون هرمونات المراهقه الثائره مسوي فيها وتفتح له الباب وقام يبقسها ويصفقها مسكينه ولمن نزلت تحسب امي نست السالفه جتها امي على غفله منها وقبصتها قبصه خلت الجلد ينسل في يد امي>>>>>>>فلسفة امي ان البنت ماينفع لها الا القبص في الصدر وليس أي قبص بل القبص اللي يطلع معه الجلد واذا امي قبصتك تاكد انك ماراح تعود الغلطه بحياتك مره ثانيه وبينما الولد مايصلح له الا نتف الشعر من عند الرقبه وبعدها يتوب الولدوالبنت >>> جربوا فلسفة امي وتاكدوا من نتايجها