|
خبر سار ويثلج صدورنا أهالي الرويضة بحمد الله رب العالمين بتوفيق من الله وبجهود أهالي الرويضة واخص رئيس المركز واخي سعد عبدالله الدحملي وباقي الشباب الله يجز يهم بالف خير ويكتب ذالك في ميزان حسناتهم اليوم من مصادر موثوقة بالوزارة و مديريةالشئون الصحية تم استلام التامين من المقاول المنفذ للمستشفى ومبلغة ميلون وسبعمائة الف وتم اخذ منسوب الارض الاسبوع الماضي من قبل المقاول والاسبوع القادم انشالله اخذ مجس التربة وخلال شهر بذن الله يبدا البناء بحول الله بعد توقيع العقد واعلان الوزير للمبنى هذا ما وردني وحبيت افرحكم بما افرحني وعقبال باقي المشاريع مبنى المحمكة ومبنى الشرطة ومبنى البلدية وباقي الدوائر الجوازات والمرور باذن الله ودمتم بود |
رد: خبر سار ويثلج صدورنا أهالي الرويضة خبر بالفعل يثلج الصدر الله يشكر سعيكم ويسدد خطاكم |
رد: خبر سار ويثلج صدورنا أهالي الرويضة والله يا بو علي طولت المده اذكر الوزير يوم جاء قال الشهر الجاي بيخلص عظم وابطينا عظم من عقيه وايضا نفس الكلام يوم زيارة ناظرة للموقع ما ندري لكن الله يكتب اللي فيه الخير وما قصرت ع الخبر |
رد: خبر سار ويثلج صدورنا أهالي الرويضة السلام عليكم ورحمة الله وبركاته واللة يبو على الكلام كثير كل شهر يقولون استلم المقاول ولى يقول يوسون الارض ولي يقول الدقاق يحفر ولي يقول جابوالسمنت ولي يقول انقلوه للحلبان وللكن وضحولنا بصورت العقد بكلمة واحدة الاوهياء اعتمدووو |
رد: خبر سار ويثلج صدورنا أهالي الرويضة اتمنى ان يكون الكلام صحيح لان مثل ماقال الاخ ابونواف كل يوم الشهر القادم حتى نصل الى عشر سنوات وهم يقولوا الشهر القادم لكن لن يفرح اهلي الرويضه حتى يبدا الانشاء |
رد: خبر سار ويثلج صدورنا أهالي الرويضة هذا اللي نتمناهـ اليوم قبل باكر ,, : الله يعطيكم العافيه ,, أبو علي لاهنت على الخبر .. :nabd: |
رد: خبر سار ويثلج صدورنا أهالي الرويضة الله يبشر بالخير ياخوي والله انا شبه فقدنا الامل في ذا المستشفى لكن اللهم لك الحمد ولاهي غريبه على رئيس المركز وايضا ابو عبدالله سعد الدحملي والله يجزاهم خير وجميع اهالي الرويضة يمتنون ان يكون انشا المستشفى على اسرع وقت وان مايكون اي كلام واتمنى ان يكون هناك لجنه من المواطنين تقوم بمراقبة المشروع لان المقاولين ماهم الا الربح المادي والدليل شوف اغلب المدارس الجديده عندنا بنايه اي كلام واخص تحفيظ البنات في المحدود اللي اسميه انا ملحق لان مدرسه اسم اكبر منه عموما انا ماراح اصدق لين اشوف القواعد مصبوبه , وطبعا صبت السقف راح تكون بعد ثلاث سنوات او اكثر |
رد: خبر سار ويثلج صدورنا أهالي الرويضة مشكور ابو علي خبر سعيد ومفرح تفائلو خير |
رد: خبر سار ويثلج صدورنا أهالي الرويضة أتمنى التوفيق للجميع .. يعطيكـ العافية .. تحياتي .. |
رد: خبر سار ويثلج صدورنا أهالي الرويضة بالتوووووفيق لكم :) |
رد: خبر سار ويثلج صدورنا أهالي الرويضة اخواني تفاؤل بالخير تجدوه انا ما نقلت الخبر الا لهدف والخبر اكيد انا راجعت السبت والاحد الوزارة والمديرية وقبل اسبوعين كنت هناك بس بعد استلام التامين من المقاول تغير الكلام وصار التنفيذ اكيد انا شا الله والايام جاية تعرفون عدم دفع التامين يعني منا قصة جديدة اعلانها وتقدم العروض يبغالها اكثر من سنة لاكن الحمد لله انة وافق على التنفيذ ومسكوه بالتامين والمبلغ ما هو بسيط اكيد مجبور على التنفيذ هذا ما عرفت من قسم المشتريات والمشاريع والله اعلم رس ط / ابو نواف /برق /خالد حمر / حفيد /الراسي/ سلطان / الكايد / روح شكرا على مروروكم وانا من داخلي ماني مصدق حتى يبدا التنفيذ ولاكن الكلام المره جد ما فية لعب فية حجز فلوس والله يوفق |
رد: خبر سار ويثلج صدورنا أهالي الرويضة الله يبشرك بالخير 000ابوعلي وجزاك الله خير 00وكل من سعى معك 000 وتفائلوا بالخير تجدوه 0000وفي نفس الوقت مايضيع حق وراه مطالب انا اقول واعيد 000ان متابعة هذا الموضوع 000وموضوع المركز الصحي المتوقف مسئوليه اعضاء لجنة اصدقاء المرضى 000التي تغط في سبات عميق من سنوات طويله 00 مسجله اسمائهم كااعضاء 000ومايدرون وش السالفه 000او يتحرون احد يعلمهم وش السالفه ووش اخر الاخبار ليش مايتجمعون 000ويرحوون يطالبون 000ويكون مبنى الشئون الصحيه بمنطقة الرياض ومكاتب المسئولين فيها شبه مقرات لهم ---وزارة الصحه مافيه الا رئيس اللجنه محمد بن علي بن خنين 000هو الي يكد عمره عشان هالموضوع 000اما البقيه اسماء على ورق مع احترامي الكامل لهم 00ولاعمالهم في غير هذه اللجنه 00اما هذه الجنه ماعطوها حقها 000رغم انها مهمه جدآ لكن اللي ماعنده وقت 00او مهوب فاضي 00يتنحى 000الديره لله الحمد ملينانه شباب متحمسين اعرفهم شخصيآ عطوهم فرصه 000عطوهم خطابات رسميه من رئيس المركز بانهم اعضاء في اللجنه 00وبطاقات خاصه بذلك وبتشوفون الخير وهدفهم متابعة جميع مايتعلق بالامور الصحيه 00في المدينه 00من جميع الجوانب 00ويكون مخصصين لذلك --ومسئولين عنه 000 اما المجاملات 0000على حساب 00اهم الامور بالمدينه 000ماتنفع احد حتى صاحبها 00 ابوعلي انت عليك مسئوليه في هذا الجانب 000وخلنا صريحين 000 رغم انك ماقصرت تقوم بالعمل وحدك 00تكابح لوحدك 000لاعضيد ولارفيق 000 سو ماقلت 000واشكر جميع اللي الاعضاء السابقين 000وكون لجنه جديده شبابيه 00وعط كل لجنه مهام 00 راحت سنين طويله وحنا نجامل 00وننسى 000او نتناسى 000على حساب ديرتنا الغاليه 00واهلها الغالين طبعآ الكلام هذا ينطبق على العديد من اللجان التطوعيه 00والكثير من الاعمال 000 واولها 000نادي الرويضه المحترم 0000وشبابه المنسيين 000ترى شبابه هم شباب ديراتنا 000ومستقبلنا00 للنقذه من الفراغ المدمر 0000وعواقبه المعروفه 0000 ونبرز اسمه 00 \ ونساهم لو في مقر ات له 000 |
رد: خبر سار ويثلج صدورنا أهالي الرويضة بالنسبه للمباني الحكوميه لبعض الدوائر الحكوميه 0000الموجوده مهوب اهم من وجود دوائر جكوميه جديده التركيز يجب ان يكون ايجاد دوائر حكوميه 000اما المباني المذكوره 000يراجعها ويتابعها موظفيها ومرئوسيها الله لايهينهم 000هم المستفيدين منها 000ويعني ظنك انهن بيزين عملهم ولا يتحسن 00 ولا الدعوى منظر جمالي للديره 00هذي الفايده الوحيده واذا خلصنا نمن ايجاد هذه الدوائر 000يمدي على الباقي 00 وجود هذه الدوائر الجديده يريحنا جميعآ كبار وصغار 000 اما بخصوص ان مبنى مستشفى الجديد انتقل لحلبان هذا كلام بعبد عن الصحه 000الا مستحيل انسوا هذا الموضوع 000وينا فيه 00الدعوى مهيب لعبة اطفال 000يالغالي |
رد: خبر سار ويثلج صدورنا أهالي الرويضة ابو رهف الله يعطيك العافية على المرور والتعليق بس احب اوضح لك شي لجنة اصدقاء المرضى رئيسها ابو علي طول الله عمرة انا ياصاحبي نائب وليس في يدي شي وابو علي ما قصر في مطالبة وكتب العيديد من الخطابات اغلبها انا اوصلتها بيدي للوزير وتكلم عند زيارة الوزير وبذل المستحيل عند زيارات ناضرة المتكررة لمحاولة تاجيل المبنى والرويضة ليست حصرا على احد عن غيرة انا اقول كل واحد منا يجب ان يكون لة دور في تطوير هذا البلد ان ما تقدر ولا تستطيع ولا عندك وقت شجع الي يرحون ويجون ويعملون لنمو هذه المدينة وتطويرها وانا متاكد واخص كل الشباب عندهم وطنية لمدينتهم ولن يتخرون ولا يتونون في خدمتها ودمت بود اخي الغالي ابو رهف |
رد: خبر سار ويثلج صدورنا أهالي الرويضة والله الظاهر انه بيجي مثل بيض الصعو وتذكر |
رد: خبر سار ويثلج صدورنا أهالي الرويضة شكرا على مررورك كابتن تفائل خير تجده |
رد: خبر سار ويثلج صدورنا أهالي الرويضة الشكر موصول لكل من طالب بالمستشفى وغيرها من الرجال الأوفياء الذين تركو أبنائهم وأعمالهم لعيون الرويضه وأهلها من دون أي مقابل وأخص بالذكر الأستاذ محمد خنين |
رد: خبر سار ويثلج صدورنا أهالي الرويضة اخي الغالي رولف هتلر شكرا على مرورك الرويضة غالية في انفسنا وماسوينا شي واجب علينا وعسى نشوف حب الرويضة في باقي ساكنيها بالتمسك بمايخدم الرويضة من خدمات او دوائر والمطالبة بها الي اعتمادها وتنفيذها على ارض الواقع دمت بود |
| الساعة الآن 07:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..