مجالس الرويضة لكل العرب - تكفون آرائكــــم

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

- - تكفون آرائكــــم (http://www.rwwwr.com/vb/t17392.html)

تكفون آرائكــــم

آآه واويلاه من جنح الضلام=يوم انادي فيه مايعطي جواب
لاصدى جاني ولارد الكلام=غير قلبي حن من تحت الحجاب
وش تبي ياقلب وش عندك علام=تفزع بصدري فزعات"ن" عجاب
رد صوته قال اسمع ياغلام=قال لي فكر وارجع بالصواب
كيف تترك وقت عشته فالغرام ؟=كيف تتصرف ولاتحسب حساب
انتبه ياصاح وخل عنك الملام=انت تهوى نجم من فوق السحاب
ماعشقت البيض في وسط الغمام=ان عشقك للثريا لاتهاب
قلت خير القول في صمت الكلام=والتزمت الصمت قافل كل باب
ثم غفت عيني وراحت للمنام=وزارني حلم"ن" خياله كالضباب
وشفت طير"ن" كنني شفت الحمام =يعزف الحانه على اوتار الرباب
قالت برقه تحيتها وسلام=وصوتها المبحوح في اذني عذاب
فز قلبي بشوق ويتنفس هيام=قمت اتلمس شعرهاا والهداب
وسلهمت بعيونها تحكي الملام=لاااااا ورب الكون ماذقت العتاب
روف بي ياخل تكفى يالغرام=قالت بنبراتها كافي غياب
لاتعذبني ترى هذا حرام=لاتخليني حبيسة هالسراب
بعد فرقك مادخل فمي طعام=لاولا شفت الهناء عقب الذهاب
هلت ادموعي من تحت اللثام=وحاولت تمسح دموعي بالثياب
قالت اتمالك هداد الانهزام=لاتخلي دمعتك توحي المصاب
وانتهى حلمي وهميت المقام=وقمت اناجي ربنا رب الشهاب
يغفر اذنوبي فوقت الانسجام=وانطفى شوقي ونوخت الركاب

احتري نقدكم ياتسبار
<< تسنه يتوسل عاد ارحموه

للكاتب / بجاد الحربي << ترا انا هع هع

رد: تكفون آرائكــــم

حياك الرب ومنور اخوي الكريم وهناك ملاحظة وهي كتابة الاسم الصريح للشاعر

حفاظا على حقوقه فلطفا لا امرا تذيل الاسم تحت القصيدة وسلامتك من كل شر

اما اخوك فليس بشاعر حتى ينقد قصيدتك وهناك من سيلبي طلبك من مقرضي الشعر --

رد: تكفون آرائكــــم

مير الله يحييك اخي السهلي
ونسيت ملاحظتك وطبعاً انا كاتب الابيات المتواضعه
وجزاك الله خير على المرور
يا اخي حتى ولو منتب شاعر عطني رايك هع
المهم مشكور
وكلي امل في حضور التسبار لجل ينقدون الخرابيش اللي فوق ^^^^^

تحياتي وتقديري لكم

رد: تكفون آرائكــــم

عني ماعرفت هالابيات شعر فصيح والا عام احسها ملخبطه شوي <<مو شاعره بس تقدر تقوول افهم شوي

المعنى رائع ..

صح لسانك ..

وسلمت يمينك..

ننتظر جديدك بشوق

تحيتي لك

رد: تكفون آرائكــــم

تسلم يدك مذهله وربي ان الشعر مذهل زيك

تقبلي مروري البسيط علة موضوووووووعك الراائع ومني جزيل الشكر

اخوك ابو لجين

:)