مجالس الرويضة لكل العرب - الــطعـنه اللـي مـن ورى الــظهر تنـهيكـ .. ؛

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

الــطعـنه اللـي مـن ورى الــظهر تنـهيكـ .. ؛

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
واغلى من اخوانه بقلبه يعـــــــــــــ دك

وياصاحبي هالحين بانت خوافيك
علقتني مابين مزحـك وجـدك

وش جاك مني ياعشيري وانا اخوك
قبل امس انا صاحبك واليوم ندّك

لاضاق صدري من عنا الوقت انا اجيك
واشوف دمعات الغلا فوق خدك

والحين تظلمني وانا منك وفيك
بكل احترام اقول ياخوي حدك

ثمن كلامك ياعسى الله يهديك
لاصار ماي الوجه يعجز يردك

ثوب الردى ياصاحبي مايقديك
الثوب ماهوب لك ولا القد قدك

وانا خلاص اليوم والله مابيك
النفس طابت سو ماهو بودك

الطعنه اللي من ورى الظهر تنهيك
وشلون لاجاتك من اللي يودك

لاواهني يوم انا اموت بييديك
ذابح وتبكي من ذبحته بيدك

منقوووول

رد: الــطعـنه اللـي مـن ورى الــظهر تنـهيكـ .. ؛

الله الله

قصيدةٍ مامثلها

كل الشكر كنق الفياض

رد: الــطعـنه اللـي مـن ورى الــظهر تنـهيكـ .. ؛

ابيااات رائعـــــــــه ..

تسلم يمينك ..

تحيتي لك

رد: الــطعـنه اللـي مـن ورى الــظهر تنـهيكـ .. ؛

الكنق القصيده هذه من اجمل ما قرات

بس فيه عيب مدري من النقل والا

اقتباس:

وش جاك مني ياعشيري وانا اخوك

المفروض وانا اخيك عشان تمشي ع الوزن

وهذا ابدا ما يعيبها

كل الشكر لك

رد: الــطعـنه اللـي مـن ورى الــظهر تنـهيكـ .. ؛

بارك الله فيك وفى قلمك

بالتوفيق

ننتظر المزيد من أبداعك