هل انت مع تفتيش الوالدين لخصوصيات ابنائهم؟؟؟ السلام عليكم ورحمه الله وبركاته.... الحمدلله والصلاة والسلام على رسول الله وعلى آله وصحبه أجمعين : اما بعد : الموضوع هذا الله يسلمكم انا شفتة على ارض الواقع وتضايقت منه بعض الشي وحبيت اطرحه عليكم عشان اشوف ... 7 7 7 مع دخول التكنولوجيا والالكترونيات في كل مكان اصبح المحمول في يد الصغير والكبير البنات والاولاد علي مختلف الاعمار...ولا يهون الجوال بعد... وعلي مختلف المستويات , فهل يحق للأم والأب تفتيش اجهزة ابنائهم؟؟ سواءٍ كمبيوترات او جوالات؟؟؟ والأطلاع على, اتصالتهم , رسائلهم ام هذه حريه شخصيه لا يحق لاحد التدخل فيها ؟؟ ياليت نشوف تعليقاتكم.... ولكم مني كل الشكر., |
رد: هل انت مع تفتيش الوالدين لخصوصيات ابنائهم؟؟؟ اهلين ومرحبتين بقايا جروح نعم يحق للأب والأم من وجهة نظري الإطلاع على المحمول والجوال إذا كان الأبن او البنت قاصراً وإعطاءه هامش من الحرية في ذلك مثال: انك ماتجي وتفتش الجوال او المحمول عينك عينك وتقول تعال ابا افتش واشوف وش انت مسوي لا موب كذا يعني تجي بأسلوب مثلاً وش الجديد عندك بالله اشوف جوالك شوي وتقوله عادي ادخل الرسايل ولا عادي ادخل الأسماء ومثلها بالمحمول ولكن ثق تماماً أن التربية مهما تكلمنا عنها في مثل هالأمور راح تجيب نتيجة بس موب على طول يعني بعض الأمور لابد من تجربتها لحب الإطلاع من قبل صغار السن ومع الوقت والحرص من قبل الوالدين راح يعرف الأبن او البنت انه مايصلح مثل هالأمور اي كانت وراح يرتكها بنفسه سواء من الرقابه الأسرية او من التأثير التربوي عليه كل الشكر والتقدير لك على الموضوع الجميل |
رد: هل انت مع تفتيش الوالدين لخصوصيات ابنائهم؟؟؟ اقتباس:
ابو سيف (049) اشاطرك الراي .... الاساليب السلسة لللتعامل مع مثل هذه الاشياء في وجهة نظري انها من افضل الطرق لمعرفة الخصوصيات كل الشكر على ردك ومرورك الرائع..,, |
رد: هل انت مع تفتيش الوالدين لخصوصيات ابنائهم؟؟؟ اكيد هالشي ضروووري وويحق لهم .. بس ووالله معاناه .. عني امي تذبحني بامور صغيره يعني المفروووض يخلوون شووي الواحد ع راحته .. بس مافي المتابعه موجوده الله يديمهم فوووق راسنا .. طرح موفق تحيتي لك |
رد: هل انت مع تفتيش الوالدين لخصوصيات ابنائهم؟؟؟ هذه حريه شخصيه لا يحق لاحد التدخل فيها ولكن أنا شخصيا سامحتلهم بذلك وسامحتلهم يردو حتى على مكالماتي وانا غير متواجدة أو بعيدة عن هاتفي ----------------------------------------------------- ولكن في نظري اقول : هذه حريه شخصيه لا يحق لاحد التدخل فيها |
الساعة الآن 04:22 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..