| كنق الفياض | 06-04-2010 03:35 AM |
رد: موضوع للمميزين فقط " صورة وقصيدة "
http://www.7mmlbs.com/img/VeL52702.jpg ابي اسرق من همومي هموم تجرح الأبيات واخاف اكشف عن الخافي واتيه بوسط اهاتي حزين وباين بعيني واحاول اخفي الدمعات كثر ماخفي الدمعه احس تزيد عبراتي امد الكف كم مره ويصفعني الردى مرات ردى هالحظ قاعد لي يعكر كل لحظاتي يسافر بي ورى الدنيا لديره شعارها الآهات ترحب بي وتهلي بي وتدفن كل ضحكاتي تمد بساطها الداكن وتنثر شوك للخطوات وانا امشي رغم هذا واخاف تقل خطواتي رجعت لدنيتي شايل من همومي كثر ما فات رجعت وشايل بصدري عذاب الكون في ذاتي جروح وضيم مع ضيقه وغم وفوقهن حسرات ضياع وغربه وشكوه وعزه تبني سكاتي فراق وشوق للفرحه وونه وبعدها همسات واثاري الهمسه ياحظي صدى من صوت وناتي خلاص ولابي اسرق من فوادي بعد ما مات خلاص اليوم ياقلبي رثيتك في كتاباتي |
|
| كنق الفياض | 06-04-2010 03:36 AM |
رد: موضوع للمميزين فقط " صورة وقصيدة "
http://www.7mmlbs.com/img/9iJ49860.jpg
سجد قلبي على رمل الضلوع وهزه التنهيد وانا في جوفي خيام الندم والخوف منصوبه يارب افهق هلاكي والمنايا والدروب بعيد مادام المودماني للتراب تقوده دروبه ياغياث الضوامي والثمام وجرهدي البيد اعذني من جهنم والحشر والموت وكروبه انا مانيب لامشرك ولافاسق ولاعربيد انا اللي لا عصى واخطا تجهم واقلقه ثوبه وانا اللي يرتجف مثل ارتجاف الخايف الرعديد ليا شاف القبور الضيقات وحس بذنوبه انا عبدك ولد عبدك وجداني هل التوحيد خطاياي اخجلتني يالله الغفران والتوبه انا الانسان حمال النقايض والكمد والكيد غريق الطين واللذات من راسه لعرقوبه انا عبدك ياربي وانت تفعل ما تشاء وتريد سالتك يالله العفو العظيم وهين دروبه |
|
| كنق الفياض | 06-04-2010 03:39 AM |
رد: موضوع للمميزين فقط " صورة وقصيدة "
http://www.7mmlbs.com/img/MJt15881.jpg
هربت من الزمان اللي يسمونه صباح النور وزبنتك يا الظلام وستر مجروح الزمن ثوبه لقيتك ماسمعت احلى النصايح والعتب والشور على زين النهار اللي لقيت اشتقت لغروبه تجاهلت الشموس ولاالتفت لنورها المنشور وتلقيت الطريق المظلمه دوب القدم دوبه حسبت خطاي وعيوني مداها للعصى والسور صحيح الشوف لكني خذيت من العمى اسلوبه انا لي بالعمر مبدا ثبت بي والسنين تدور ملبسني لباس المنتصر والنفس مغلوبه يجملني بضحكه في صداها خاطرٍ مكسور يغني في شماله والدموع تهل لجنوبه أنا خصمي بشر واقوى سلاحي حظي المعثور اسوق به الركاب محمله وترد مسلوبه يعاند غيرة ٍ فيني ربت صدق وثقه وغرور تسامت في زمانٍ يفرش الهامات لدروبه أدوّر للوجيه المقبله وجهٍ حياه يثور ابي منه احتجاج على الزمان المر وعيوبه تهجيت الملامح والسطور اللي قريت سطور طريق ودخلتني في قيود الذنب والتوبه تصدد بي عيوني من حياها والدروب سفور توريني وجيه في زوايا الذنب مصلوبه تقلبها اليدين العابثه كن اليدين صخور عليها ذكريات مؤلمه بالدمع مكتوبه أنا وشلون ابستوطن رحابك ياصباح النور وانا فيني وطن ينزف قبايل دين .. وعروبه |
|
| كنق الفياض | 06-04-2010 03:42 AM |
رد: موضوع للمميزين فقط " صورة وقصيدة "
http://www.7mmlbs.com/img/HN818975.jpg من يعزي الارض بعد الياسمين ومن يعوض كل غايب عن هله السماء صارت مطر ولارض طين وماظهر شيئ يحل المشكله ودعتني بالنظر دون عين وانكسر عود بغينا نعدله في محطات غدت غربة حزين والوله لاهوب لي مانيب له في الحزن قلب وفي الدمعات عين وفي العمر لحظه مضت مستعجله |
|
| كنق الفياض | 06-04-2010 03:45 AM |
رد: موضوع للمميزين فقط " صورة وقصيدة "
http://www.9ii6-up.com/images/6ou9eprjr5db1gp2oix1.jpg صحيح أعشقك وأعشق العين واليد وصحيح أحب محادثك واجتماعك صحيح يجبرني على شوفك الود وصحيح يذوب القلب عند إستماعك لكن حقيقه لو تجي ساعة الجد يصبح هجومك مهزله في دفاعك عند الكرامه عزتي مالها حد محسّب حساب لجيتك أو وداعك شفني كما حرٍ على صيدته هد يجيب راسك لو يطول ارتفاعك ضد الخضوع وضد لا شفت انا الضد مثل البحر يفرقك ويفرق شراعك حذرا تعاملني تراضي مع شد ان ما شريت القلب والله باعك ماني غريب اوضاع يا راعي الصد ولا ني ضعيف العزم حبك وطاعك ولا توقع يصبح الدمع بالخد انا طباعي ما تماثل طباعك جاني سؤالك وانت خذ مني الرد واليا بغيت اتروح حزم متاعك |
|
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
HêĽм √ 3.1 BY: ! ωαнαм ! © 2010
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..
a.d - i.s.s.w
