موضوع للمميزين فقط " صورة وقصيدة "

#**3141** (**permalink**) 06-04-2010, 10:45 PM

ما بيّن بعينك على كثر ما جاك
لا واحسافة ليتني ما عطيتك

تخطي وأعذرك وأتحمل خطاياك
هويت غلطاتك كثر ما هويتك

ضحيت بالدنيا علشان دنياك
خليت كل اللي يبيني وجيتك

كنت بعيوني وين ما أطالع ألقاك
حتى ولوغمضت عيني لقيتك

من كثر ما أحبك وأقدرك واهواك
ما أذكر اني في حياتي عصيتك

ولا فاد كل اللي أسويه وياك
أتعبت قلبي ليتك تحس ليتك

والحين روح أرجوك ساعدني أنساك
لا تجي حتى لو اني بغيتك

وان مر في بالي بقايا لذكراك
بحاول أنساها مثل ما نسيتك

#**3142** (**permalink**) 07-04-2010, 02:00 PM

اذكر اني كنت عايش بالليالي الاولية
واذكر اني كنت عايش وقتها باحظان غابة
ماعرفت الاعبارة مثلها مثل الوصية
عيش عمرك ذيب تسلم من انياب الذيابة

#**3143** (**permalink**) 08-04-2010, 08:50 AM

اصعب سؤال اللي جوابه للأسف مثله سؤال
ماهو تفلسف إلا موقف صار وأسمع ثاني بيت

البارحه يومه سأل وش ذكرك بذيك الليال
كان الجواب بكل بساطه من متى اصلاً نسيت

أدري ان جمع الصعوبه والبساطه شي محال
لكنها صارت كذا واللي أهم اني دريت

ان الحياة في بعد أحبابك إذا جف الوصال
تعيشها لو تقتنع انك خلاص اصبحت ميت

يا صاحبي لو كل شي يمر بالخاطر يقال
ما كانت العبرة تولجني ليا منك طريت

شفني قدرت أحبس دموعي بس دمع القاف سال
ويا كبرها ساكت ولكن داخل أوراقي بكيت

عمر الحكي ماكان دافي لابتدى بقولة تعال
لأجل التجاهر رجحة حروفي ليا مني حكيت

الحال في بعدك قسم بالله ماأسميه حال
أنوي على الضحكة وأحس كلي خطا لأني نويت

تصور أنك من رحلت أشوفك لجسمي ظلال
لا شفته أمشي ببتعد وأثره معي مهما مشيت

لا دام يعني في بحرك لفرحتي مليون جال
وشفيه موجك ما ركد قربت أموت وما رسيت

يرضيك ما عادت معي تفرق إذا جالك مجال
لاني اقتنعت أنك نهاية واني ببطي ما بديت

صرت أعقد حجاجي لا جابوك بأطراف الجدال
وقبل لاقالوا أسمك كأني ميت ثم حييت

تعبت أعيش الدور وأفتح للمعاذير الخيال
واتخيل أني جيت في بالك وانك استحيت

تردني كلك وله وتقول كأن البعد طال
ومن الفرح ما أعاتبك وأقول ياأخي ما بغيت

حتى وأنا أتخيل حشمتك لأن قلبي لا يزال
يكرر أسمك داخل أعماقي بنبضه لا سهيت

قلي شسوي فيك وأنت بداخلي أصدق مثال
للحب واحساس القصيد إن عانق الليل وسريت

ربي يصبرني على الفراقا مادام الحظ مال
وأنت بيجي لك يوم بتعرف ليه في بعدك شكيت

إذا بلاك الله وعذبك إشتياقك بس تعال
واقرأ القصايد في غيابك كل أبوها بيت بيبت

بتدري إن اصعب سؤال اللي يجي رده سؤال
لا قلت لي وش ذكرك ثم قلت لك متى نسيت

محمد جار الله السهلي

#**3144** (**permalink**) 09-04-2010, 03:15 AM

بضّبّط الدلـه .. ( وأصـف الفناجيـل )
وبسمعـك بيتيـن .. وأفهـمى دليلـه !!

لا غبتى عني .../ كن مابـه رجاجيـل
ولا صرتى حولي كن عندي .. ( قبيلـه )

#**3145** (**permalink**) 09-04-2010, 03:16 AM

شخص مثلي وش يسوي غير يكتب امنياته
يرسمك في كل صفحه ويحرق الصفحه الأخيرهـ ..

ويتمنى بس يلقى شخص مثلك في حياته
في زمن ماصرت القى شخص فاهم أستشيرهـ ..

::

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"الزعيم" و"العميد" و"فارس الدهناء" يبدأون مشوارهم الآسيوي	تركي عفيش	الرياضة والشباب	3	26-01-2011 09:39 AM
المالكي : لن أزيل صورة "مناحي" إلا إذا أزيلت صور "كنتاكي"	محمد	احتواء ما لا يحتوى	6	25-12-2009 12:02 AM
موضوع قوى جدا " لازم تدخل وتقراه وتعلق كمان "	العراب	احتواء ما لا يحتوى	10	06-11-2008 04:00 PM
"كيف تصبح المرأة ملكة"موضوع مفتوح للرأي و للحوار حولها...	ينابيع السبيعي	حوار ومنطق	11	24-04-2008 03:31 AM
شعبان عبد الرحيم "يتوسط بأغنية" للمصالحة بين "فتح" و"حماس"	محمد	افق تكنولوجي	10	22-07-2007 04:57 AM

موضوع للمميزين فقط " صورة وقصيدة "

صهيل القصيد