مجالس الرويضة لكل العرب - النصر يطلب ياسر القحطاني بالاعاره

معليش راح اتدخل مع اني مالي دخل في الكوره بس ممكن النصر مسوين هالحركه وهذي امنيتهم مساكين خبرتهم على قدهم ومن يتمنى لا عب هداف مثل اللاعب ياسر القحطاني يستفيدون من خبرته وتخيل ان الخبر صحيح هم المستفيدين بغض النظر عن المبلغ هم يبون هداف هذا رايي

انا احب الهلال من يوم كنت صغيره بالابتدائي اتذكر كنت اشرب البيبسي اللي تحته نقطه زرقاء واقول انا هلاليه والاخضر سعوديه والاصفر نصراوي وهذي حركات الاطفال

1-بس اتوقع جمهور الهلال كبير عشان>> اللي يحب ويتابع ويشجع الهلال مايخسر والهلال جابوا كؤوس تملي ناديهم من كثرها >>ما ابالغ دايم النصر حليفم وهزيمتهم نادره عيني عليهم بارده

رايي ان افضل نادي هو الهلال بدون منازع لا الدعم والمستوى Top>>لا تعليق

وبصراحه هم يستاهلون لان محد وصل فريق السعوديه لكأس آسيا الا بوجود لا عبينهم انا ما حب التعصب لنادي معين بس هذي الحقيقه اللي محنا قادرين نعترف فيها

2- السبب الثاني لكثره جمهورهم >>لاعبينهم نصهم خبره ومن الخارج ويجددون عقودهم بسرعه يعني ما فيه مجال اللاعب ينتهي عقده يبي يروح عياله الا يجددون عقده بالملايين واللاعب لازم يقتنع .

وش رايكم نعدد الانديه السعوديه:
1- الأهلي 2- الشباب 3- النصر 4- الأتحاد 5- الوحده 6- الوطني 7- القادسيه 8-الاتفاق
وبس هذي الأنديه اللي اعرفها حسب علمي>>والا ادبي هع بلاغه اتوقع مع هالخيارات الناس راح يختارون الاتحاد والنصر>>استنتاجي انا

االزبده والسمنه من ردي (انهم يحلمون)اذا هذي الصوره مسويها شخص فهو بارع بالفوتوشوب لانه قدر يغش الناس بس التاريخ والتوقيع مو موجود >>وحبل الكذب قصير

بس انا اشجع نادي الرويضه>>قصدي منتدى مجالس الرويضه

بدون زعل هذا ردي ورايي بعد انتوا وش رايكم وش النادي اللي تفضلونه