مجالس الرويضة لكل العرب - يالله عفوك يوم تصفية الحساب _

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

يالله عفوك يوم تصفية الحساب __ لأبن فطيس المري

يالله عفوك يوم تصفية الحساب

كلمات الشاعر / محمد بن حمد بن فطيس المري

يالله عفوك يوم تصفية الحساب $$ يومٍ حصاد لما زرعنا في السنين
يوم الحشر قرب ولا معنا زهاب $$ اليوم في الدنيا وبكره راحلين
نجمع ذنوب ونرتجي عــــفو وثواب $$ وعلى نصر ربي لنا مستعجلين
تدرون ليه آمالنا كنها ســـــــراب ؟ $$ تدرون ليه النصر سيف الأولين؟
الأولين أعمالــــــهم وفق الكتــتـاب $$ قاموا عليه وباعوا الدنيا بدين
وحنا غفلـــــنا بين ما لذ وطــــــــاب $$ والنصر سيف ما يسله غافلين
نصبح على شوف انتهاكات وخراب $$ ونمسي على دمع وتنهات ونين
بصدورنا شي تذوب إله الهضـــــاب $$ وأفعالنا والواقع رياح وطحين
وعلى العيون من الفتن مثل الضباب $$ ماعاد ندري من يسار ومن يمين
ما للضعيف إلا الدعا لو ما يجاـــب $$ ما غيره إلا الشوف مكتوف اليدين
يالله زلزل تحت الأعداء التـــــراب $$ والطف بنا واحقن دماء المسلمين
ندعيك يا قادر على جعل الســحاب $$ جيش لنصر قلة مستضعفين
أغرقهم بنوع من أنــــواع العقاب $$ غرق الغلام اللي يحسب أنه فطين
لو ما عصا نوح نجابــه في رحاب $$ سفينته وأمضى معه ف العمر حين
لكنه اختار الخســـــــارة والذهاب $$ إصنع بهم صنعك به وأنت المتين
وإلا خذهم يا مجريٍ سود الحقاب $$ أخذ العجوز اللي بقت في الغابرين
ذوقهم اللهم أنـــــــواع الــــعذاب $$ اللي عثوا في أرضك من المفسدين
وألطف بمن لبسوا من التقوى ثياب $$ عبادك المستهدفين المتقين
تكالبت عليهم أنيــتاب الذئـــــــاب $$ ولا غير عونك يا معين الصابرين
من بينهم شيبة يعجـزون الشباب $$ من وقفته من طولها في الركعتين
ومن بينهم عذرا توّن بلا حجــاب $$ حجابها لفوا به الجرح المكين
تصيح ما هو من ألم ولا صــواب $$ تبغي الحجاب اللي خذوه المسعفين
وطفل عن عيون أمه الثنتين غاب $$ تبكيه عين وتلتفت لأخيه عين
من هول ما يجري لهم شاب الغراب $$ يا وسع حلمك وأنت ما فوقك مدين
أدعيك وأنت أدرى بحال أهل المصاب $$ وأمد كفي لك يا أكرم الأكرمين