|
دنيا رديه ..؟! السلام عليكم ورحمة الله وبركاته مساكم الله بالخير والرضا والعافيه وسعيد بوجودي بينكم بهذا الصرح الشامخ والمتالق بجهود القائمين عليه واعتذر عن تاخري بالمشاركه لظروف خارجه عن الاراده * * *
والبارحه ليلي قضيتـه هواجيـس=يمضي علّي الليـل مطـول طريقـه اقوم واقعد بيـن حـزن وتعافيـس=وراجع الماضي وبالصـدر ضيقـه وذكرت وقت ٍ فات حلو التعاميس=وقت ٍمضى محلاه..ومحـلا ..بريقـه دنيـا رديــه ماعرفنالهاقـيـس=ماعادندري ويـن وجـه الحقيقـه قامت تخبط بيـن غـش وتباليـس=الاجودي مافيـه أحـدن يطيقـه ايامها صـارت علينـا معاكيـس=لاماصفـت ايامـهـا لودقيـقـه ترى الحظيظ اللي بناء الطيب تاسيس=يبقـى ذكـره والعلـوم العميقـه واللي تعوذكل ساعه مـن ابليـس=وداءفروضـه ودنيتـه ماتعيـقـه للآخره يعمل ويدفع مـن الكيـس=ليـوم ماينفـع اخـوه ورفيـقـه واللي مدنس نفسه اليـوم تدنيـس=لابد... من يوم ٍ وكاسـه يذيقـه واختامها اعداد رمـل التضاريـس=صلو على محمـد شفيـع الخليقـه وسلامتكم |
رد: دنيا رديه ..؟! واللي مدنس نفسه اليـوم تدنيـس لابد... من يوم ٍ وكاسـه يذيقـه صح لسانك يا بن عبود الله يحييك ويسعدك في منتداك البيت بيتك تفضل متى شئت لكن بعد هذه القصيدة لا تبعد عنا وبانتظار جديد جزلاتك لا خلا ولا عدم |
رد: دنيا رديه ..؟! للآخره يعمل ويدفع مـن الكيـس ليـوم ماينفـع اخـوه ورفيـقـه واللي مدنس نفسه اليـوم تدنيـس لابد... من يوم ٍ وكاسـه يذيقـه واختامها اعداد رمـل التضاريـس صلو على محمـد شفيـع الخليقـه اللهم صلي على سيدنا محمد .. ما شـاء الله .. طرح في غاية الروعه .. تسلم على هذا الطرح .. في انتظار المزيد من صوبك .. تحياتي لك .. |
رد: دنيا رديه ..؟! والبارحه ليلي قضيتـه هواجيـس يمضي علّي الليـل مطـول طريقـه اقوم واقعد بيـن حـزن وتعافيـس وراجع الماضي وبالصـدر ضيقـه وذكرت وقت ٍ فات حلو التعاميس وقت ٍمضى محلاه..ومحـلا ..بريقـه
|
رد: دنيا رديه ..؟! قصيدة رائعه اخي الكريم دمت بود |
| الساعة الآن 12:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..