![]() |
انت ممرضني للشاعر سعد بن جدلان بسم الله الرحمن الرحيم
ياوليفـي دمعكـم فـي غيابـي ردّ لـي = وأدري انّ دمعتك خوفٍ عليّ ومن غلاي أنت ممرضني وأشوف المرض فيكم وفيّ = الهبوب البارده منّك هبّـت فـي حشـاي والله انّ كبدي عليكـم عراويهـا أضمـيّ = والمشارب غير هرجتك ماتقطع ضمـاي كيف تستغرب بطاي ومجييّ يـوم أجـيّ = منك اجيك أبدون رأيٍ وأروح ابدون رأي ليلي أسهر به والا جاء النهار أشلى شوّي = مـرتٍ أشلـى ومـرٍ يعاودنـي بـلاي وأنت سبّة كلّ شـي ولا داويـت شـيّ = كيف ياقـادر علـى داي ماتقـدر دواي بعد مـا شتتـوّ الفكـر وأخليتـو يـديّ = كثرت أعلوم الشماميت وأفرحتو عـداي مابعد جاني من يوم التقـو بـي والـديّ = ولابعد مرّ المحبين مـنّ حـوّاء وجـاي لوّ خبر به حيّ يبكي على فقـدان حـيّ = كان يمدي من عرفني يشاركنـي عـزاي جعل يسقى يوم كان الهوى ماغيـر غـيّ = فأول الرحلـه مثـل مبتـداك ومبتـداي الشاعر : سعد بن جدلان الاكلبي |
رد: انت ممرضني للشاعر سعد بن جدلان وهاهو السهلـــ2007ـــ ي يأ تينا برائعه جديده من روائع سعد بن جدلان كل الشكر لك اخوي السهلـــ2007ـــ ي |
رد: انت ممرضني للشاعر سعد بن جدلان كيف تستغرب بطاي ومجييّ يـوم أجـيّ === منك اجيك أبدون رأيٍ وأروح ابدون رأي السهلي تسلم يالغالي اختيار جميل للشاعر المعروف سعد بن جدلان سلمت ذائقتك يالغالي |
رد: انت ممرضني للشاعر سعد بن جدلان رائعة جميلة السهلي كل الشكر اخي الكريم |
رد: انت ممرضني للشاعر سعد بن جدلان وأنـت سـبّـة كــلّ شــي ولا داويــت شــيّ ............... ........كـيـف يـاقـادر عـلــى داي مـاتـقـدر دواي أبدعت الأختيار .. صح لسانك ولسان أبن جدلان .. أسمح لي قمت بالتنسيق للقصيده .. ودمت |
| الساعة الآن 08:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..