اهديت لك يازين قلبي هدية

اهديت لك يازين قلبي هديه:

وش عاد تهديـــــــن

يازين لمريت سلم عليه:

ياكامل الزين

لو بصبعك يازين رد التحيه:

ياداعج العين

كويت قلبي كيتن فوق كيه :

من بين ضلعين

ياروح روحي رد الروحي عليه:

شفت العذابين

ارحم تراني زرت حوض المنيه:

والموت قافين

واليا ذبحتني بلاي خطيه :

وش تستفيدين

رمح الهواء قاعد له عسكريه:

بين الحجاجين

فيها صواريخ وبها مدفعيه:

لك مستعدين

رميتني بالفردو البندقيه:

يوم انت ترمين

هذي طعونك بينات وخفيه:

يوم انت ترمين

سلمت روحي رافع لك يديه:

حسب القوانين

انا صويب وعلتي باطنيه:

محد مداوين

الا انت يابو قذلتً هلهليه:

ادواك يشفين

ياغصن وردً في ذا راضي لفيه:

يشرب من العين

يشرب من الشلال صبح وعشيه:

بين البساتين

يابوثمان تقل تثلج برديه:

بين الشفاتين

لو شافوه العشاق قبال شفيه:

صارو مجانين

يابو جديله ليه من فوق ليه:

مجدول سافين

امين رب البيت يسخرك ليه:

ايضا قل امين

ونعيش انا وياك عيشه هنيه:

رغم الحسودين

ماانساك انا مادامت اروح فيه:

لو كنت ناسين



:
:
:

كلمات : الشاعر / فهد العلوش

أن شاء الله نالت أعجاب الجميع
:

دمتم بخير

حفيد مجمش

وااااااااو حفيد وربي الكلمات جنان

حلووهـ كثير ذوق وروعه

صح السان الشاعر وسلمت يمناك

يعطيك العافيه ماقصرت،،

وفا

ما شاء الله عليك ياحفيد
اثر عندك ذائقة مهيب صاحية....
وينك من زمان؟


اختيار رااااااااااائع

كل الشكر

	المشاركة الأصلية كتبت بواسطة وفا العيون

	وااااااااو حفيد وربي الكلمات جنان حلووهـ كثير ذوق وروعه صح السان الشاعر وسلمت يمناك يعطيك العافيه ماقصرت،، وفا

هلا فيك وفا

نورتي بردك الاروع

دمتي بخير

كلمات جميلة صدح بها الفنان سلامة العبدالله

كل الشكر لاختيارك حفيد