الكرز واحد .. ومليوون أحبه

الكرز واحد وعشرين حبّه
..... رفرف الغصن و أورق عندليبه

إفتحوا للشبابيك المحبّه
..... وإصدحوا بالهلاهيل الرطيبه

غافل الشمع في عيده تنبّه
..... راح ياخذ من الظلمه نصيبه

طفل من عادته يكسر لعبّه
..... و إش عليه إن كسر خاطر حبيبه

سنّةٍ من سننه المستحبّه
..... يترك قلوب عشاقه عطيبه

ضااااع من قال أنا ضايع بحبه
..... والله إنّ الدلاله ضيعتي به

قبلت الله عليه إشلون ربّه
..... خالقٍ بأي سما يوم يحكي به

لو مكنته .. تغافلته بحبّه
..... مير هو .. شايفٍ في الأمر ريبه

ماحسن الظن في ريحٍ تهبّه
...... يحسن الظن في مثلي .... مصيبه

المسبه .. بهالطرف المسبه
...... ما سوى طرفه الساهي يعيبه

عِجْزت مرايته فيه إتّشبّه
..... حاولت فيه .. ما قدرت تجيبه

ضامر ٍ مثل رجل براس قبّه
...... ينفح بغيمتين الصدر طيبه

بعد هذا و إش اللي ينكتب به
..... قبل هذا وإش اللي .. ينقري به

منبع النهر والنهر و مصبّه
..... مشرق النور و النور و مغيبه

إن بغى يسلب الرمان لبّه
...... وإن بغى صابت النعناع خيبه

و إن حلى اللعب والميدان طبّه
...... ما لك إلا تقول .. الله حسيبه

والله إنّ القلوب المستتبّه
...... تصطفق .. تقل ناهبها نهيبه

يا هل العِرْف ما قبله يجبّه
...... كيف أجل مْركي بالحشا صليبه

الكرز .. واحد ومليووووون أحبه ..
...... من هـــــنا .. لين سكرّه و حليبه ..



فهد عافت ..

اتنمى تنال اعجابكم ..

حفيد

اللـــــــه اللــــــــه

صح لســـــــــانك

جناااااان الكلمات وربي

روعه حفيد وذووق حلو بالاختيار

يعطيك العافيه ماقصرت،،

وفا

	المشاركة الأصلية كتبت بواسطة ابو طارق

	اللـــــــه اللــــــــه صح لســـــــــانك

والسانك ,, سررت بردك خيو ابو طويرق

	المشاركة الأصلية كتبت بواسطة وفا العيون

	جناااااان الكلمات وربي روعه حفيد وذووق حلو بالاختيار يعطيك العافيه ماقصرت،، وفا

الاروع ردك المتواصل ..

ويعافيك ربي ..

دمتي بخير