مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)
-   نشيد الروح (http://www.rwwwr.com/vb/f37.html)
-   -   النص الكامل لمرثية الشاعر سيف بن عفيش في أخيه علي"أبوثامر " (http://www.rwwwr.com/vb/t1638.html)

فهد السبيعي 24-12-2006 10:26 PM

النص الكامل لمرثية الشاعر سيف بن عفيش في أخيه علي"أبوثامر "
 
أخواني الأعزاء كما وعدتكم اليكم النص الكامل لمرثية الشاعر الكبير سيف بن عفيش في أخيه رحمه الله علي بن عفيش , والتي أورد بعضا منها الأخ الغالي عبدالرحمن بن سيف بن عفيش.

وراك يا مشرف طويل الظلالي = عليك يسفن السوافي و مـــــهدوم
ياقصر أبوثامر سقاك الخيالي = عساه يسقيك المطر دايم الــــدوم
يا قـصر مثلي لوعـتك الليــالي = نمسي بحزن ونصبح الصبح بهموم
ياقصر يا عزي لحالك وحالي = حيل الله أقوى أمر من الله مــقسوم
يا قصر بتقعد من الرود خالي = حاميك راح و بتروح بك الــــــــقوم
يا قصر بنرخصك ولا أمس غالي = وعلى الزباين بينظهرك للـــــسوم
يا قصر فاختك السعد والجمالي = بتقعد من الأفراح والخير مــــحروم
ومن عقب منتب مدهل للرجالي = اليوم يا مشرف تغني بك الـــــــــبوم
وكم ليلة دسمك قرم العيالي = وكم نشمي سند مع الحزم مـــــعزوم
الا أقبلوا يفرح بهم ما يبالي = له مجلس دايم من الربع مــزحوم
وكم حايل منه أحمر الدم سالي = من حد سكين على الحلق مــــسموم
من كف أبو ثامر كريم السبالي = رجل الكرم جعله عن النار مــــرحوم
ويشهد لي الخالق عزيز الجلالي = في المرجله والضيف ما يلحقه لــوم
يا ما تهوجس به هواجيس بالي = ان صرت واعي وان دخل عيني النوم
ياونتي مانيب داله وسالي = ولو كثرت الاشوار ما كان مـــعلوم
وياونتي تصفق يميني شمالي = بليل طويل أقعد من الحزن واقـــوم
يا قلب لاتستكثر اللي جرالي = على أبو ثامر بتحزن ومــــــــــلزو م
فقدت أخوي وخبث الحزن فالي = ويا ما بنوح وبا تمناه من يــــــــــوم
يا ليـتني فـقدت حــالي ومـــــالي = وعلي قعد لو ماجد القوت وهــــدوم
لو كان ماجد ما اشتري به نعالي = شوفه غناة وعز وان عشت محشوم
ولا قط يوم با المهـونة رضـا لي = ولا حط له سر عن أخوه مـــــــكتوم
الله يبيحه عد ذاري الرمالـــي = وعساه بالجنه وعن النار مــعصوم
دنيا ترا أخرها الفنا والزوالــي = وكل ادمي له يوم والأجل مـــــحتوم
ولا هوب لا بول ولا هوب تالــي = غدا مثل غيره سواليف واحــــــلوم

ودمتم سالمين
اخوكم فهد السبيعي

تركي عفيش 24-12-2006 11:33 PM

ابوعبدالرحمن صح لسانك ولسان شاعرنا سيف بن عفيش في مرثيه للاخيه ابو ثامر الله يرحمه ويغفرله

وشكر لك اخي ابو عبدالرحمن وبنتظار القصايد القادمه

ابو نـــmkـــواف 25-12-2006 12:14 AM

ابو عبدالرحمن


الله لا يهينك على وضع القصيدة كاملة هنا


صح لسانك ولسان الشاعر سيف بن عفيش

محمد 25-12-2006 03:12 PM

صح لسانك ولسان الشاعر

ورحمة الله على ابوثامر وجميع موتى المسلمين

عبدالرحمن سيف 25-12-2006 04:36 PM

السلام عليك اسعد الله مسائك بكل خير

الله يرحم ابو ثامر وصح لسانك ولسان سيف < ابد ماكنه ابوه ههههه

ومشكور على النقل الرائع واكمال القصيده قدها وقدودها يابو عبدالرحمن ويعطيك العافيه الصراحه ماقصرت والله هذا وانا ولده ماقدرت احصل على القصيده كامله بس شي جميل انك مازلت تحتفظ بمثل هذا القصائد وباقيه عندك واكيد انها مهيب لحالها اكيد معها كذا قصيده فلا تبخل علينا بكل قصائد الشاعر الكبير سيف بن عفيش

ومره اخرا مشكور وكل الشكر على النقل الا اكثر من رائع ولا ننحرم من جديدك يابو عبدالرحمن



تقبل تحياتي : اخوك الصغير عبدالرحمن سيف العفيش


الساعة الآن 06:47 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w