|
حبٌ عفيفٍ والصراحه سواقيه مـن روائــع مـحـمـد ابـن فـطـيـس واتـمـنـى تـنـال اعـجـابـكـم \ * / ماكني اعرفه ولاكني ابغيه وانا عليه من امه احب واجرى ياكثرها تسليمةٍ يوم الاقيه لي عين تكتب له وله عين تقرى وان حل طاريه تجاهلت طاريه ماكني ادري عنه وانا به ادرى *بسكات يغليني وانا حيل مغليه لاتيليفون ولامواعيد غدرى* يصون ودي عن عذوله واحاميه واناعليه احجى من القلب واذرى *حبٌ عفيفٍ والصراحه سواقيه في وقتنا ماظنتي قد يطرى* لا اسولف بحبه ولانيب كانيه وغيري لو انه يوالفه كان هذرى احشم قريبه حشمةٍ له واداريه واخشى يجى في خاطره شي وادرى ليت الزمن يرجع وانا اعلمه ليه والا الحظوظ من المقابيل تشرى كل العذارى بالوفا ماتساويه كنه اليمين وباقي الغيد يسرى قولوا له اني مارتضي بالبدل فيه لامال قارونٍ ولاعرش كسرى يرتاح ماغيره ملا عين هاويه غلاه نهر النيل والقلب مجرى واكبر دليل اني إلاغاب احاتيه كم ليلةٍ ماتت على كف مسرى وان قالوا انه شرق وازريت لااجيه وجهت وجهي كل مانمت حدرى وســـلامــتـكـم |
رد: حبٌ عفيفٍ والصراحه سواقيه قولوا له اني مارتضي بالبدل فيه لامال قارونٍ ولاعرش كسرى يرتاح ماغيره ملا عين هاويه غلاه نهر النيل والقلب مجرى .... صح لسان المبدع محمد .. وسلمت يمينك ع هالاختيار الذوووق.. ابيات بمنتهى الجمال.. قصيده رائعه تدل ع ذووقك الراقي .. دمت بهذا التألق بآنتظآآر جديد ذآقتكـ.. تحيتي لك |
رد: حبٌ عفيفٍ والصراحه سواقيه محمد بن فطيس شاعر رائع ومتمكن كنق تسلم على ما نقلته من جمال وابداع تحياتي لك |
رد: حبٌ عفيفٍ والصراحه سواقيه احب قصائد بن فطيس اساسا قمة في الشعر والتصوير تشكر الكنق على الاختيار |
رد: حبٌ عفيفٍ والصراحه سواقيه الشاعر مبدع ودايم قصائدهـ جنان رووعه القصيدهـ واختيار ذووق منك صح السان الشاعر محمد وسلمت يمناك يعطيك العافيه ماقصرت ع الاختيار الروعه وفا http://www.3z.cc/sml/30/0001.gif |
| الساعة الآن 10:17 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..