الضيقة لمحمد بن فطيس
الضيقة اللي دايمٍ تالي عصير=وش حيلتي وأردها لا تجيني لا طال ظل العود حزة عشى الطير= كنها على سجن الحديد تحديني يضيق صدري كل ما جات وأسير=ولايخفف سوج رجلي حنيني لا حولنا مشراف ولا اقدر اطير= يالله قمسة خير لا تبتليني وعقارب الساعة توقف عن السير= ولاكن في الدوحة سواتي حزيني والعبره اللي تاصل الحلق وتحير= يا قربها لو قيل لي يا عويني أمل شوف الناس ورد ومصادير=واللي يقول اشفيك كنه يهجيني يعني على ما قيل من باب تصوير=(لاحدٍ أبي قربه ولا أحدٍ يبيني) أروح أدور خط مابه دواوير= وأدور اللي هادها تهتديني وآخذ مع الهاجوس سجة وتفكير=وأراجع اللي فات بيني وبيني وأحسب ذنوبي وأدور التكفير=عساي ما قصرت في والديني وعساي ما قارنت من ينفخ الكير=واللي يحمل المسك جعله قريني ويطري علي يوم الحشر وأطلب مجير=ما أعطى كتابي في شقيقة يميني ويطري علي صدقان كثر الدنانير=اللي اتعاديني إلا كثر ديني وراعي الهروج اللي سوات المناشير=أصد عنه وأدري انه يعنيني الله حسيبه يوم عرض القواوير=والله حسبي من صواب مكيني وإلا طرالي واحد سانه اصغير= أم أصغر بيومين ولا سنيني دريت وش قومي وعينت تفسير= للضيقة اللي من زمن تعتليني حبه بصدري سالفة سر في بير= وكن الفواد يقول هذا زبيني أشفق على علمٍ يجي منه من غير= لا يسمع اللي سولفوا به ونيني يا كثرهم غيرهم ولكن خبر خير=ما غير شوفه في الوجود يهنيني رايي كذا يا عاشقين الغنادير=ماله على وجه البسيطه وزيني العام أجيهم من حساب المسايير=واليوم حال عداي وينه وويني خطاي تعليق الأمل في المدابير=الين راح وشفت حقري بعيني صبرٍ جميل وخابر إنه مقادير = والله على تخفيف حزني عويني ذي حالتي لين اتغبا الشمس واصير=معطى سراحي عقب مانا سجيني واذا امتلى جوف الشجر بالعصافير= طلبت من رب العباد يهديني يعتقني المذن عقب ضيقة عصير=اللي على سجن الفراق اتحديني |
رد: الضيقة لمحمد بن فطيس صبرٍ جميـل وخابـر إنـه مقاديـر والله على تخفيـف حزنـي عوينـي ذي حالتي لين اتغبا الشمس واصيـر معطى سراحي عقب مانـا سجينـي صح لسان الشاعر الكبير محمد بن فطيس قصيدة مليئة بالصور الجمالية يصور فيها الشاعر الضيقة اليومية التي تنتابه كل عصر اختيار موفق اخي شقران واهنيك على احساسك |
رد: الضيقة لمحمد بن فطيس
|
رد: الضيقة لمحمد بن فطيس قصيدهـ حلووهـ كثير وكلام بالصميم والله رووعه وأكثر واختيار راقي وذووق لشاعر كبير صح السانه وسلمت يمناك شقران يعطيك العافيه ماقصرت،، وفا http://www.3z.cc/sml/30/0001.gif |
رد: الضيقة لمحمد بن فطيس صح لســـــــــــــ ـان ابن فطيس وسلمت يمناك شقران |
الساعة الآن 09:45 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..