مجالس الرويضة لكل العرب - القصيدة التي تسببت بطرد ياسر التويجري من مصر ؟؟؟؟؟

احب اهديكم القصيده التي طرد بسببها ياسر التويجري من مصر...

وهي من ضمن قصائدالامسيه التي اقامها بالقاهره برعاية الملحقيه الثقافيه السعوديه

ياسر عرف بقصائده المثيره والمختلفه ك(قيادة المرأه) وغيرها الكثير..

وقد انهيت امسيته قبل عامين بمدينة بريده مسقط رأسه بعد القاءه قصيدة(قيادة المرأه),,,

والتي هدد بسببها بالملاحقه قضائيا..وهناك من يرى ان ياسر يسير على قانون(خالف تعرف)

والبعض من مؤيديه يؤكدون أنه الشاعر الجرئ بالساحه...

ولكم حرية الرأي..

البارحـه فـي يـوم عشـره ينـايـر
ثارت علـى الـراس المحمّـك ثوايـر

حاولـت اغيّـر فـالزمـان المغـايـر
ولا حصل لي شي غيـر الـذي صـار

الله يـعـزك ياقضـيـة فلسـطـيـن
مـن اربعينـك اليـن سبعـه وستيـن

ومـن اولـك واليـن بكـره وبعديـن
لولاك كان تضيـع نشـرات الاخبار

حنا عـرب نعـم عـرب يـا أوربـا
ماعنـدنـا الا جـبـن والا مـربّـى

الشـخـص منـنـا لاتبـيـن تغـبّـا
وهذي سياسـه للهُدوْ قبـل الاعـار

سيوفنـا وقــت المـلاقـا شطـيـره
يعنـي علـى ماقيـل مثـل الشطيـره

وهـذا دليـل(ن) مـع نقـاء السريـره
والله يجيب الخيـر ويطيـح الامطـار

سـلام يـابـوش الابــن يالمـبّـدى
ياللـي علـى كـل المـبـادي تـعـدّا

طيـب .. لـو نعـم ربعـي تــردّى
وقدامـنـا جـنـــــه وقدامـنـا نــار

ياكوندالينز رايـس اهـلا(ن) وسهليـن
يـام الجمـال اللـي يهـز السلاطيـن

غنجك ذبح لـه فـوق خمسـة ملاييـن
هذي ضحايـا والضحايـا بـك كثـار

فخامـة الرئيـس حسنـي مـبـارك
يحفظ جـزء عمـى وينسـى تبـارك

وأكبـر دليـل انـه يقـود المـعـارك
مو اقفـه لاجــــــات حـزات الاخطـار

القاهـرة بلـد حـظـاري وبـطـران
فيها البنـات انـواع واشكـال والـوان

مـن هارديـز اليـن ميـدان لبـنـان
وأحسن بنات اللي يجن طرق وصغـار

ورموشهـن شبريـن وعيونهـن سـود
وأنعم من الديباج وأرهـف مـن العـود

لباس مـن حلـوى وحجّـان وخـدود
كسلات في الممشى وفي الغنـج شطـار

أنـا هنـا يمكـن قبـل أربـع اعـوام
رحـــت اتمشـى عنـد هـامــات الاهـــرام

وركبـت مـع تكسـي وقـدام قــدام
حـتـى تعــديــنـا بــقـالــــه و دوار

وجينا وأثر فيهـا خيـول(ن) عريبـات
أجدادها قـد شاركـت فـي الغـزوات

اجارهـا يمكـن بـاربـع جنيـهـات
وزَوّد صـــفـر ولاتـدقــــق بالاسـعـار

أخذت لي خيـل(ن) وكربـاج وأقفيـت
يعني علـى قولـت عنيـت وتمشيـت

وياليتنـي مـع المقـاديـر ماجـيـت
ولا رأيـت اللـي يهستـر بالانـظـار

فيهـا البنـات يسابـقـن الرياجـيـل
اللـي عليهـم ضيّـقـات البناطـيـل

فـوق الخيـول يجـاذبـن المـواويـل
مهـار لكـن فـوق قبّـات الامـهـار

غازلـت لـي وحــده ولاعبرتـنـي
حلوه وفيهـا مـن ملامـح (برتنـي )

وأقفيت اشيل الهـم مـن فـوق متنـي
عقـب ماقالـت لـي حيـوان وحمـار

وأنا مانيـب انسـان واطـي وسافـل
أنـا مـن اللـي يحكمـون القـوافـل

أحيـان مكفـول(ن) وأحيـان كـافـل
و اكره ماشوف الظلم .. والذل .. والعار

أبترك الموضـوع وأدخـل بموضـوع
دام ان صوتي عند ( الاجواد ) مسمـوع

نبينـا (محمـد) ولاهـوب (ياسـوع)
المصطفى الهـادي شفيـع(ن) للابـرار

لو انتحـر صـدام مـن قبـل ينهـان
وخلاّ المشاكـل كلهـا فـوق بـرزان

ماكان مصخر بـه قـدم كـل الاعيـان
عزيـز قـوم(ن) ذل بيديـن الاقــدار

(سبيس تون) ان كان في النـاس حيـره
أفضـل بواجـد مـن قنـاة الجزيـره

تضحّـك الورعـان وقـت الظهـيـره
وهـذي تبكينـا اليـا جـات الاخبـار

ختامهـا مـدري وش اقــول لـكـن
ماحب انـا أسمـع اغنيـة (الاماكـن )

من ثقل همن بيـن الاضـلاع ساكـن

الله يحرول سـاق رجلـي عـن البـار

منقول