صد وتغلى واحرق اعصاب مغليك

صد وتغلى واحرق اعصاب مغليك
وش قيمـة الغالــي اذا ماتــغــــلا

ابعد وطنشني واذا قلت وش فيـــك
قول الهوى لعبه وحـنا انتســــلا

ابيك بارد دم تقهر محـــــاكيك
وانا ابتظاهر بالصبـــر واتحـلا

وان جيت يمك مد عني خــطاويك
من شيمة المقفي خطاويــه عجــلا

لا تلتفت لـــي لو اصوت واناديك
وان طاحت الدمعه ترا العين خجلا

واذا التقينا صدفه وقمت اراعيك
راع بطرف عينك وصد وتعـــلا

وان قلت لك تكفى ذبحني تجافيك
والقلب ياقلـــبي مــن الصــد ملا

قل بدري وطبطب عليه بياديـــك
وتل الخفـــوق بسهم الاعيان تــلا

نذرن علي لابيع هالكون واشريك
يااحلا من السكر يابو عيون نجـلا

وابوس رأسك ثم اقبل خطاويـــك
واستسمحـك لو جاتنــــي مــنك زلا

ولك العهد لو تحرق اعصاب مغليك
يزود ماينقـــص غلا من تغـــلا


منقـــول

الله الله رائعة من جمان
قصيدة تدغدغ الوجدان
أخي الكريم بقايا جروح
ابدعت أبدعت الإختيار
تقديري
لوجودك والذائقة الفذة
اختك
ينابيع السبيعي

أخي الكريم

بقايا جروح

سلمت لاختيارك ونقلك المميز

لكن رجااااااءً كل موضوع أو نص منقول

اكتب تحته كلمة منقول

تحياتي

مشكوووووووووووو ووور

واااااو قصيدهـ أكثر من روووعه

ابداع بالاختيار وذووق عااالي

جنان والله

ربي يعطيك العافيه ماقصرت

وفا