مجالس الرويضة لكل العرب - ورطــــــــة عــــــــــازف .... رجعنا..

حبيبي وانتهى مني وفى لغيري و أنـا الخـوان
وغيـر كـل وجهاتـي وضيـع داخلـي فينـي
وش اعزف لك من الألحان أغاني كان يا ما كان
مـدام انـه فعـل ناقـص دخيلـك لا تعنينـي
يقولون العرب أول كـلام بفايـت(ن) نقصـان
وأنا اللي باقي بعقلـي بعـض أطـلال تكوينـي
أبرحل فالمدى مسافر غريـب وداخلـه إنسـان
عجز يلقى احد صـادق أمـل وافـي يعزينـي
ابنسى كـان ومـا كنـا وأدور للهنـى أوطـان
وابنثـر بسمـه شفاتـي وأغنيهـا و تغنيـنـي
أنا ادري قهوتي علقم تحـر القلـب والشريـان
تخير بين رشفتها أو ابشر جـاك مـا فينـي ؟

بالفعل ابيات رائعه ...

راقت لي ابياتك الهادئة .... صح لسانك ...

و رغم المراره والألم ... اقول لك ابدعت ... لافض فوك عازف ...

بعدين مو حرام عليك تحرمنا من ابياتك وكلماتك الجميله ...

يالله كل فترة نبي لك قصيد جديد الحين صرنا جمهورك .... ومن حق الجمهور على شاعرهم
انه يهديهم اجمل قصائده ... بين كل فترة وفترة ...

اتمنى لك دوام الصحه والتوفيق ...

دمتَ بكل ألق وتميز ...

.
.

مهرة النسيان ... من قدك عازف ذكر اسمك بقصديته الحلوة ....

دمتِ بكل خير ... مهرة ....

همس الشفايف