ورطــــــــة عــــــــــازف .... رجعنا..

هلا باللي يصوت لي يدور في جروحي الحان = يبي مني رسالة حب عباير من وسط عيني
هلا بك يا بعد كلي بقهويك الهوى فنجان = دلال(ن) هيلها دمعي وقهوتها شقى سنيني
أبكتب بعض إحساسي مطالب مهره النسيان = قليل(ن) من كثير الهم ولو قصرت اعذريني
جراحي ما غدت همي أساسا صارت العنوان = ولا همي الصدق والكذب ولا من هو يواسيني
حبيبي وانتهى مني وفى لغيري و أنا الخوان = وغير كل وجهاتي وضيع داخلي فيني
وش اعزف لك من الألحان أغاني كان يا ما كان = مدام انه فعل ناقص دخيلك لا تعنيني
يقولون العرب أول كلام بفايت(ن) نقصان = وأنا اللي باقي بعقلي بعض أطلال تكويني
أبرحل فالمدى مسافر غريب وداخله إنسان = عجز يلقى احد صادق أمل وافي يعزيني
ابنسى كان وما كنا وأدور للهنى أوطان = وابنثر بسمه شفاتي وأغنيها و تغنيني
أنا ادري قهوتي علقم تحر القلب والشريان = تخير بين رشفتها أو ابشر جاك ما فيني ؟