| |
  |
 |
| |||||||
| قــاعـة كــبــار الضـيوف قـاعـة ضيـوفنا من جميع مناطق العالم العربي |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |
09-05-2008, 11:10 AM
| |||||||||
| |||||||||
رد: سلمان النمشان [ في ضيافة المجالس]
ارحب يا تركي ارحب صح بدنك ورفع شأنك اجل نشد بالحلال نربع في تلك الديار التي تجمع كل جمال طبيعي ولا ترى في الا الابتسامة الورد بمختلف انواعه يبتسم والشجر والنهر والبحر والثلج والمطر والعشب والهواء النقي والنسيم العليل والطفل ومخلوقات الله جميعها تبتسم مما يدخل السرور على الروح فتراك مبتسما لا تفارق الابتسامة محياك هناك تحتاج فقط الى ان تحمد الله على ان فرقك عن اهل تلك الديار في السعادة ينبع في كونك مسلم تصلي وتشكر الله على فضله بانتظار الفردوس الاعلى من الجنة ابشر بالصور يامالك من الخير |
|
09-05-2008, 11:43 AM
| |||||||||
| |||||||||
|
رد: سلمان النمشان [ في ضيافة المجالس] ^^^^^^ ^^^ ^^ ^ وفا العيون قلت : لالا مافي راااحه جيت انا فاقول: الله يحييك ان جيتي وان رحتي قلت : كيفك ان شاء الله تممممامو وكيفك مع الكرسي ان شاء الله مرتااح فيه فاقول : ابشرك اني بخير والدليل اني مريح في الاجابات وماخذ راحتي والا كان شفتيني اقول ايه لا يعني افهميها اذا قمت اقول ايه لا اعرفي اني مليت لكن بصراحة بصراحة الله يحلل تحقيق الامريكان في سجون غوانتمالا عن تحقيقكم قلت : من جد في احلى من كذا وربي ضيافتك احلى من الحلا نفسو فاقول : وانا اقول ليش الدكتور يقول انتبه على نفسك سكرك زائد احذر ان تصاب بمرض السكر هههه انت قلت : ههههههههههههه ياحليلك اذا بتجي نهايتي على يدك يهووون ويفداك والله وانا اقول : كلام الليل يمحاه النهار ما عرفت الوجه الاخر بعد والا لما قلت ذلك اسئلي من جرب , عندي من وسائل التعذيب ما يخفى على الحبيب كونه لا يستحق ذلك مني اما من حاول خلاف ذلك فاحد الحلول ان اضعه على كرسي الاعتراف وكل حسب مقامه نحسن استقباله هههههه منى عيني مبتغاي تهديني الاخت منال هدية الا وهي وضعك على كرسي الاعتراف يا رب حقق امنيتي وللاخت منال هدية ثمينة مني ان هي حققت ذلك لي لكن يارب انا وش اسوي في هذي الادمية انت تشتغلين في الدعاية والاعلان والا غسيل المخ بالكلام في الاخر تقول تفداك والله ماعلي تسلمين وكلامك مقبول لكن هذا لا يمنع من املي ان اجدك مابين عشية وضحاها على كرسي الاعتراف ماتمشي معي الكلمات المعسوله بعد ان اتجرع السم الزعاف انت قلت : لالا شنو آخر يوم انا قلت كل بعد رد لك تكتب لنا قصيدهـ مافي تهرب كذا اتفقنا صوح هههههههههه وانا اقول : لا ما هو صووووووح وحتى وماهوب صح ولو قلت عشرين مرة صح ما راح اقول انا اتفقنا اليوم جمعه واجور توزع خل اعطيك دعوه تنفعك يوم لا ينفع ما ولا بنون الا من اتى الله بقلب ليم (اللهم نور بصائرنا واغفر ذنبنا واسرافنا في امرنا واجمعنا في الفردوس الاعلى من الجنة مع الانبياء والرسل والصديقين نحن وامهاتنا وابائنا واخواننا واخواتنا والمسلمين والمسلمات والمؤمنين والمؤمنات امين امين امين ) ابشري كلما حانت فرصة اضفت قصيدة او خاطرة انت قلت : تعرف كأنك حاس ودي انام لانو نومي صاير قليل كثيييير بس بنفس الوقت احس مابي هههههههههههه اقرئي كلماتي التي قمت انت بكتابة ردك هذا عليها ستجدين اني قلت (نوم الظالمين عبادة )واجابتك هنا تؤكد انك معترفه انك ظالمه وعلى نفسها جنت براقش علاج قلة النوم عندي اذا فعلا تبين تنامين ارسلك لام سعود متأكد انك بترجعين تنامين 10ساعات هذا وانا متاكد انك الان تنامين 12ساعه بس عاد بعض النساء مايكفيها الا 18ساعه نوم و2وساعه اكل و4 ساعات حكي اتمنى لك راحة بال وهدوء وسعادة متمنيا لك نوما هادئا وصحة ودعينا نبدأ اسبوعا جديدا نسأل الله ان يكون الاجمل والافضل والاكمل والمفيد عندما تصفو وتسمو النفوس تصل الى طهر الارواح الذي لا يعرفه الا الطاهرون فقط شرواك آخر تعديل سلمان يوم
09-05-2008 في 11:26 PM. |
|
09-05-2008, 02:09 PM
| |||||||||
| |||||||||
|
رد: سلمان النمشان [ في ضيافة المجالس]
عدنا الله يعين الا باسئلك اجاثا كريستي وش تقرب لك احس بينكم علاقة وشبه كبير سنا وفكرا المهم انت قلت : الآآآآآآآى سلمان جونااااااان الكلمات وربي وانا اقول : اذا احد فهم وش تقول يترجملي الا اذا كانت تقصد ان الابيات ادخلتها عالم الجنون فانصحكم بسرعه اتصلوا باقرب مستشفى لانقاذ الفتاة ثم تقولين : روووعه كثييير وتلومني لما اطلب منك تكتب لنا قصيدهـ كل بعد رد ابداااع وأكثر والله صح السانك ولا تحرمنا ابداعك،، واقول : صح بدنك هذي فهتمها والابداع في المتلقي لا في الكاتب فشكرا على كلماتك التي تدفعني للمزيد من الابداع انت تقولين : يوووهـ سلمان تبي تجنني انت أموووت بشي اسمو ثلج انا وربي مقدر كذا والله من كثر مااحبو باليوم كل شوي أكل أسناني تعبت من تكسير الثلج هههههههههه صور جناااان والتقاط حلووو كثيييييير ثم اقول : وانت الى الان ما بعد تجننتي اللي اشوفه الله يخلف على منتداكم جنان رئيسته الفخرية وبعدين يا جماعه هالانسانة بديت اشك انها متئثرة بكلمات من الشمال الغربي للمملكة خصوصا عند حرب وجيرانهم الى جاء الواحد يتكلم الا يزيد (و) يعني كذا يقولون كيف حالكو وش اخباركو اجل تاكلين اسنانك سبحان الله ياجماعه اول مرة اسمع واحد او وحده يقول او تقول اكل اسناني خابرالاسنان هي اللي تقرض وتجرش الاشياء بس وحده تاكل اسنانها هذي جديده علي باسجلها من النوادر التي التقيتها في حياتي شكرا وفا العيون على اطرائك لكن ترى الكمرا هي اللي صورت المناظر اما تأثير تلك المناظر في الروح فيختلف من انسان الى انسان وهنا ماخفي كان اعظم ولكن حنيني لتلك المواقع يجعلني اسافر سنويا امتع روحي بنعم الخالق وابداعاته اعود للاجابة : تقولين يارعاك الله : تراي مانسيت الأسئله الحين بسألك يلا هذي الأسئله،، فأقول : انشديني اني مالحقني شك ابد ان الاسئلة جزء متأصل ومتجذر في حياتك الحمد لله اني ما ني طالب عندك والا كانت الحصة كلها اسئله سبحان الله ما اقدرك على طرح الاسئله الغير مستهلكة يعني هنا ابداع منك تقولين : شنو كان شعورك لما عرفت انك ترشحت لكرسي اعتراف؟؟؟ وشنو شعورك الحين تغير وإلا نفسو؟؟؟ فأقول : شنو منين هالبنت ياجماعه قسم احترت ما ادري من اي جهة هي المهم رشحت بضم الراء وتشديد بكسرة على الشين من اخي ابو هلا الذي كنت اعرف انه يبرني ولا يضرني فقبلت طواعية وحبا في المنتديات التي يعي الجميع قدر ما تكنه نفسي لهم من اعتزاز ولكن مع استمراري في الاجابة على الاسئله وجدت اني وكأنما انفتح علي نهر من الكلمات بتلقائية مصدرها ويعلم الله حقيقة ذلك الروح بعيدا عن اي ظن سيء الالتزام بضرورة الاجابة وعدم اهمال اي كلمة ربما هو الذي كنت حذرا في كيلا افسر كما اتهمتني همس باني اهمل ردا او انسانا وانا ان شاء الله ابعد من ان اقصد التهميش هذا فقط ما يمكن ان يكون جعلني حذرا كيلا اقع في المحضور ولكني اجد متعة في صفاء الارواح ووضوح المبادئ وصدق المحاورة بعيدا عن سفاسف الامور هنا اجدني فخورا بمشاركتي معكم في هذا الاعتراف الذي يزيدني شرفا انه مع اخوة واخوات اهم صفة فيها الصفاء والوضوح والصدق والمبادئ الطاهرة فشكرا لاتفيكم حقكم اعود للاجابة انت تقولين : بما إن سلمان شاعر مبدع هل كان لأبنائه نصيب من شعرهـ؟؟؟ فاجيب : نعم لدي ابنة ارى فيها علامات النبوغ والابداع في كل موقف تفاجئني بكلمات فيها من الصدق والاحساس ما يجعلني اضطر لتسجيلها صوتيا بصوتها وهي تلقيها فتبعث في داخلي من الاحساس ما الله به عليم واخر ابداعاتها كان في كلمات تتحدث فيها عن وداع اقسم اني اتفاعل بالبكاء في كل مرة استمع اليها تلقيها خاصة وانها سجلت ذلك بتأثيرات صوتية وبالقاء رائع يأسرني ماشا الله تبارك الله انت تقولين : أيهما أقرب لقلب سلمان الصحراء أو البحر؟؟؟ ولماذا؟؟؟ الصحراء عندما ابحث عن الاختلاف في تضاريس الارض وشبة النار ورؤية ابداع الخالق في توزيع انواع الزهور دون تدخل الايدي البشرية ومتى ما اردت ان حادث واسامر اخواني واصدقائي وكل منا همه الاخر واسعاده كما ان للصحراء متعة في الخشونة بتعويد النفس على البعد عن الرفاهية والتنعم الذي لا يجلب الا الامراض وفيها كسر للروتين اليومي المعتاد اما عن البحر فهو بالنسبة لي يختلف حيث ان فيه مغامرة وحذر دائم كما انه المكان الوحيد الذي ارتاده متى ما اردت الا افكر الا في نفسي وجربي حتى وانت في المسبح ستجدين انه المكان الوحيد الذي لا يفكر الانسان الا بنفسه لحظتها وهذا بالنسبة لي اي البحر ملاذ من يريد الانفراد بنفسه لا يفكر الا فيها فقط لكن في كلا الحالتين للقمر منظر يسلب الالباب وللهدوء راحة نفس للشروق تفاؤل وللغروب مراجعة وامل غد افضل اعذروني فاصل اعلاني ثم اعود آخر تعديل سلمان يوم
09-05-2008 في 11:23 PM. |
|
13-05-2008, 01:05 PM
| |||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||
رد: سلمان النمشان [ في ضيافة المجالس]
شنو رايك بكتاباتها البوليسيه قولي تحب تقرأ لها؟؟؟ يمكن تقرب لي وانا مدري بسأل ابوي فديته ربي يرجعه لي بالسلامه،، 
تكون اروع وأكثر إبداع،،
ياحليلك سلمان ويحليل كلامك والله هههههههههه
اقصد اكل ثلج واكسرهـ بأسناني ومن كثر مااكل ثلج اسناني تعبت من تكسيرهـ كذا صوح ههههههههههه
ويكفي انو سلمان اهو اللي ملتقطها،،
وتجيها ركض وتصحى الصباح من بدري عشانها ههههههههه
بطيبة قلبو وتواضعو وروحو الحلوووهـ ،،
مااوصيك عليها سلمان انتبه عليها وخليها بقلبك وشلون ماتطلع مبدعه ووالدها سيد الابداع ماشاء الله،، سلمان الف شكر ويسلم قلبك على الإجابات الحلووهـ والوافيه ماقصرت،، وان شاء الله لي عودهـ بأسئله جديدهـ ههههههههه وفا
|
|
15-05-2008, 11:10 PM
| |||||||||||
| |||||||||||
|
رد: سلمان النمشان [ في ضيافة المجالس]
السلام عليكم ورحمةالله وبركاته قبل ان ندخل الى قصة السورية اليكم هذا النص الشعري اتمنى ان يصل اى ذائقتكم: تعال نسولف شوية
أنا ماني على بعضي ولكن مستحي لاقول = حيا سموه رباني وانا ادري ليش عانيته احبك إيه اودك إيه اجي ناصيك عرض وطول = تحسبني اباتراجع بعد ما الشوق صاليته تعال نسولف شويه تجي سائل واجي مسؤول= تعال نجهز الجلسة بعد ما القلب راضيته تعال احكيلك علومي جنون الوضع والمعقول = تعال بداخل احساسي كلام عنك صفيته تعال احكيلك اسراري واذا ودك اجيب حلول= وباكتب كامل القصة من اول يوم وافيته غزال ما تحسبنه بني ادم ظريف الطول = حظيظ يوم قابلته سعيد يوم ناجيته غريب اشباه من شفته وانا ابحث دايم مشغول = ادور سيرة اعمامه- خواله –حارته- بيته سباني دون ما ادري خذاني صرت به مهبول =علاجي نظرة اعيانه الى شفته وحاكيته احبه إيه - اوده موت – وهو قاتل وانا مقتول = كذوب ان قلت ما احبه سكن قلبي وحبيته حبيبي تعتقد اسلى غرامك بعد هذا القول = انا مجنون لو اني بعد هذا توريته تعال وقرب هنيا وخذ مني عهود سهول = تغيب الشمس في المشرق لو حبك تناسيته وسلامتكم آخر تعديل سلمان يوم
15-05-2008 في 11:21 PM. |
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| النمشان: سنكون جاهزين قبل مهرجان التمياط | الصارم 717 | الرياضة والشباب | 1 | 02-11-2009 04:53 PM |
| النمشان: سنكون جاهزين قبل مهرجان التمياط | hamo0ode | الرياضة والشباب | 4 | 02-11-2009 03:08 PM |
| الشاعرة (ينابيع السبيعي) في ضيافة قلوب المجالس.. | محمد | قــاعـة كــبــار الضـيوف | 74 | 07-02-2008 09:19 AM |
| سلمان النمشان ودعواتكم | محمد السهلي | مرفأ البداية وروح التواصل | 12 | 06-04-2007 01:32 AM |
 |  |
العرض المتطور
