"خوفي تمادى بي سيوف طعونه"

"يعيش في بوح الغلا مكنونه"
*

يدري حبيبي افتديه بدمي =حرفي تبعثر في بواطن كونه
الله عليمٍ ينجلي به غمي=روحي وقلبي يالملا يفدونه
بسقيه من نبعٍ حواه بأسمي=وبرقيه بآياتٍ فلا يحسدونه
ما دام طيفه واقعي في حلمي=خوفي تمادى بي سيوف طعونه
لامن تناثر له حروفي لمي=هو بالموده من نثر لي مزونه
لامن طلبته قال(حبي) سمي=حين اسأله.. قصيدتي موزونه؟
يقول ياورد القوافي شمي=من قافها المعنى تقل مجنونه
ويدري حبيبي بالغلا هو كمي=ما ينوزن ثقل الغلا لعيونه
هو لي حياتي بسمة من فمي=ونظرات عيني بالغلا مفتونه
ما بين شوق وبين هاجس همي=يعيش في بوح الْغلا مكنونه

*
ينابيع السبيعي