سبحان من هو صوّرك ياهوى البال=ربّي عطاك الحسن جمله وتفصيل
ماالوم مثلك لو على الأرض يختال=وماالوم نفسي لو تعلقت بالحيل
حسنك سحرني وصرت من حال في حال=لامن ذكرتك قمت اجرّ المواويل
طيفك معي في كلّ حلّ ٍ وترحال=ملكتني ياابو الرموش المظاليل
ألهيتني عن كلّ من يلبس الشال=وْمكّنت حبّك بالليال المقابيل
حبّك سكن قلبي من اوّل ومازال=يسكن بوَسط القلب بالصبح والليل
يحرم على غيرك يجي فيه نزّال=لو ذقت من حبّك عذاب وغرابيل
والله مااسمع فيك واش ٍ وعذال=ماني من اللي يسمع القال والقيل
لا من ذكرتك يجري الدمع همّال=شوق وغلا من قلب يانافل الجيل
من حرّ مابي حلّ بالحال حلال=ودموع عيني مثل وبل المخاييل
ماكلّ مابالقلب للناس ينقال=وانا الذي في الحب شفت التهاويل
الله يجازي من رمابي على الجال=واصبحت من بعده سواة المهابيل
أبعد ولا جا منه خط ّ ٍ ومرسال=وانا بشوق ٍ له بعثت المراسيل