الخــــــــــــ ــــــــــوي والصديق

يقول المهادي والمهادي محمد === وبه عبرةٍ جمل الملأ ما درابها
أنا وجعي مـن علةٍ باطنية === بأقصى الضماير ما دري وين بابها
تقد الحشا قد ولا تنثر الدماء === ولا يدري الهلباج عما لجابها
إن أبديتها بانت لرماقة العدا === وان أخفيتها ضاق الحشا بالتهابها
ثمان سنين وجارنا مجرمٍ بنا === وهو مثل واطي جمرةٍ ما درابها
وطاها بفرش الرجل لو هي تمكنت === بقى حرها ما يبرد الماء التهابها
ترى جارنا الماضي على كل طلبة === لو كان ما يلقى شهودٍ غدابها
ياما حضينا جارنا مـن كرامة === بليلٍ ولو بني الغبا مـا درابها
وياما عطينا جارنا من سبيّة === ليا قادها قوادها ما انثنابها
نرفا خمال الجار لو داس زلة === كما ترفا بيض العذارا ثيابها
ترى عندنا شات القصير بها أربع === يحلف بها عقارها ما درابها
تنال بالمهادي ثمانٍ كوامل === تراقى وتشدي بالعلا من صعابها
لا قال منا خيرّ فـرد كلمة === بحضرة خوف الزرايا وفابها
الأجواد وان قاربتهم ما تملهم === والأنذال وان قاربتها عفت مابها
الأجواد وان قالوا حديثٍ وفوبه === والأنذال منطوق الحكايا كذابها
الأجواد مثل العد من ورده إرتوى === والأنذال لا تسقي ولا ينسقابها
الأجواد تجعل نيلها دون عرضها === والأنذال تجعل نيلها في رقابها
الأجواد مثل الزمل للشيل ترتكي === والأنذال مثل الحشو كثير الرغابها
الأجواد وان ضعفوا فيهم عراشة === والأنذال لو سمنوا معايا صلابها
الأجواد يطرد همهم طول عزمهم === والأنذال يصبح همها في رقابها
الأجواد تشبه قارةٍ مطلحبة === لا دارها البردان يلقى الذرابها
الأجواد مثل الجبال الذي بها === شربٍ وظلٍ والذي ينهقابها
الأجواد صندوقين مسك وعنبر === لا فتحت أبوابها جاك مابها
الأجواد مثل البدر في ليلة الدجى === والأنذال ظلماً تايهٍ من سرابها
الأجواد مثل الدر في شامخ الذرا === والأنذال مثل الشري مرٍ شرابها
الأجواد وإن حايلتهم ما تحايلوا === والأنذال أدنى حيلة ثم جابها
الأنذال لو غسلوا إيديهم تنجست === نجاسة قلوب ما يفيد الدوابها
يا رب لا تجعل بالأجواد نكبه === حيث لا ضاع الضعيف التجابها
أنا أحب نفسي يرخص الزاد عندها === يقطعك يا نفسٍ جزاها هبابها
لعل نفسٍ ما للأجواد عندها === وقارٍ عسى ما تهتني في شبابها
عليك بعين السيح لاجيت وارد === خل الخباري فإن ماها هبابها
ترى ظبى رمان برمان راغب === والأرزاق بالدنيا وهو ما درابها
سقى بالحيا ما بين تيمـا وغرّب === شمال غميق الجوع ملقى هضابها
سقاها الولي من مزنةٍ عقربية === تنثر دقاق الماء في مثاني سحابها
لمطرت ذي ورعدت ذي بساق ذي === سنا ذي وذي بالماء غارقٍ ربابها
نسف الغثا سيبان ماها ليا أصبحت === يجي الحول والماء ناقعٍ في ترابها
دارٍ لنا ما هيـب دار لغيرنا === والأجناب لو حنا بعيدٍ تهابها
يذلون من دهما دهومٍ نجرها === نفجي بها غرات من لا درابها
ترى الدار كالعذرا ليا عاد مابها === حرٍ غيورٍ فكل من جاء زنابها
ياما وطن سمحات الأيدي من الوطا === وعدينا عنها من دنا من هضابها
تهامية الرجلين نجدية الحشا === عذابي من الخلان وأنا عذابها
له بياض عيون الماء منازل === عذب زلال الماء قراحٍ شرابها
سقاني بكأس الحب در منهله === عندلٍ من البيض العذارا أطنابها
أريتك ليا مسنا الجوع والظمأ === واحتر من الجوزاء علينا التهابها
وحما علينا الرمل واستاقد الحصى === وحما على روس المبادي هضابها
وطلّن عذارا من ورانا يشارفن === عماهيج مطوي العبايا ثيابها
ليا نزل منا في منزل هجر نولهـا === مراغيث تستن لولاك في عقابها
غرنا على البراق في جال تيماء === وأخذنا عليه ابلٍ طوالٍ رقابها
طوينا سقي الهلباج عن شمخ الذرا === جيناه مع داويةٍ ما درابها
قطعنابهم الحبل القصير وبيننا === صفون كما أفواه القوالي ارقابها
ولحقوا مغاويرٍ على كور حزّب === على رمك كن الظلام انكسابها
قلت اللهم لا بلّهم وابل الحيا === ولا جاذبوا بيض الترايب ثيابها
ليا سرت منا يا سعود بن راشد === على حرةٍ نسل الجديعي ضرابها
سرها وتلقى من سبيعٍ قبيلة === كرام اللحا في طوع الأيدي لبابها
فلابد ما نفجأ سبيع بغارة === على جرد الأيدي درعوها زهابها
عليها من أولاد المهادي غلمة === لا طعّنوا ما ثنّوا في عقابها
وأنا زبون الجاذيات محمد === ليا عزّبوا ذود المصاليح جابها
محالله عجوزٍ من سبيع بن عامر === ما علمت غرّانها في شبابها
لها ولدٍ ما حاش يومٍ غنيمة === سوى كلمةٍ عجفا تمزا وجابها
يعنونها عسمان الأيدي عن الخطأ === محالله دنيا ما خذينا القضابها
عيون العدا كم نوخن مـن جديلة === لا قام بذاخ السوالف يهابها
أنا أظن دارٍ شد عنها مفرج === حقيقٍ يا دار الخنا في خرابها
وأنا أظن دارٍ نزل يمها مفرج === لابد ينبت الزعفران ترابها
فتى ما يظلم المال ألا وداعة === ولو يملك الدنيا جميعٍ صخابها
فتى يذبح الكوم وسديس وحايل === لا قيل يبزا زادها من عذابها
رحل جارنا ما جاه منا رزيّة === وان جات ما يأتيه منا عتابها
وصلوا على سيد البرايا محمد === عدد مالعا القمري بعالي هضابها

يامل عينٍ بذها كثر السهر=في كل ليلٍ صوب عده ترتوي
عيّت تنام الليل من مبدا الشهر=عافت لذيذ النوم والهاجس قوي
لا ياحياة الشين يادنيا القهر =لا يالزمان اللي تدور وتلتوي
فيك الردي يمشي على روض و زهر=جت له مكانه مثل ماهو يهتوي
ولاّ الكفو في وقتنا اليوم انقهر=من ضدّك المايل يصد وينطوي
من وقتنا الحاضر تشيب وتنبهر =صارت حصَاني اليوم تفرس وتعوي
تصوي على السرحان بالصوت الجهر=من عقب كان الذيب يكويها كوي
إمنولٍ الذيب بعواه اشتهر =ماهمه الراعي ولا كلب إبدوي
ترى الخوي اللي ليا مال الدهر =إيقول حملك ريش وارتك ياخوي
هذا الخوي اللي تشد إبه الظهر=ولاّ الردي فقده ونفعه يستوي

لا جـتـك زلــة مــن رفـيـق تـــوده==رفيـقـك الـلـي مــا تـعــدد مـزايــاه
رفيقـك اللـي تقصـده وقــت شــده==وتنحـل لا مـن شفـت طلـة محيـاه
بـيـنـك وبـيـنـه خـــوّة مـسـتـجـده==متجـول فـي قلبـك أدنـاه وأقـصـاه
حبـل الوصـل بينـك وبيـنـه يـمـده==يمـك يسوقـه قلـب وتشيلـه خطـاه
نفـسـه يطّمنـهـا ولــو فـيـه حـــده==لأجـل الرفـيـق يـكـب شــي تمـنـاه
مـا يتـركـك فــي سهـلـة مجـرهـده==طيّب وهـذا طيـب ساسـه ومجنـاه
صقر ينومس بالقنـص مـن يهـده==وافــي شـبـور وطـيّـبـات نـوايــاه
احـذر خـطـاه لغـيـر نفـسـك تـعـدّه==واحذر يجي غيره ويجلس بمركاه
ادمــح لــه الـزلـة وحــذرا تـضـده==ودور علـى عــذر يـعـذره وتلـقـاه
لا تشيـل نفسـك والجبـل لا تـهـده==واحذر تكـون اللـي نقـل داه بـرداه
بـاب الجـفـا لا فــك عـجـل بـسـده==وإبليس لا ابلس بالقطاعـه تحـداه
أوصـل رفيقـك عاتبـه فــي مــوده==وبيّن له اللي حس بك من خطاياه
واحـذر مجالـس راكبـيـن الاشــده==أشــدة الغـيـبـة رجـــال المـحـابـاه
أهل النكـد وأهـل الوجيـه المصـده==قـوم علـى نقـل السوالـف مضـرّاه
رجـالـهـم دايــــم مـعـشّــي بــبــده==عـزاه ياللـي غـيّـر الــدرب عــزاه
مــا ينفـعـه طـيـب مسـويـه جـــده==لا صار خايب مـا يسـوي سوايـاه
والـقـاف الأول يــا رفيـقـي نـــرده==رفيقك الطيب مـن الصعـب تجفـاه
لا جـتـك زلــه مــن رفـيـق تـــوده==احـذر تنـكـر لــه وبالـشـر تـجـزاه
وصــلاة ربــي عــد منـهـو يــوده==على النبي اللي على الديـن نقفـاه