مجالس الرويضة لكل العرب - ألا ياعذولي كف عذلك بدون احـراج

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - ألا ياعذولي كف عذلك بدون احـراج (http://www.rwwwr.com/vb/t14668.html)

ألا ياعذولي كف عذلك بدون احـراج

يسعدني ان اقدم لكم شاعر كبير بقصائده واخلاقه
الا وهو الشاعر الكبير / سعود عبدالهادي الوسمي المطيري
وهذه احدى روائعه واتمنى اني وفقت بالاختيار

/

*

\

ألا ياعذولي كف عذلك بدون احـراج
دخيلك ترى بعض العـرب ماتحمّلهـا

انا منتحي والمنتحي صعـب ماينعـاج
يدوس المخاطـر بالقـدم ويتساهلهـا

يشوف الدروب الكايده كنهـا الديبـاج
يزور السباع الضاريه فـي مداهلهـا

حداه الغرام وصابه من الغرام خـلاج
عيونه تهـل الدمـع ماكـف هاملهـا

على من تمكن في ضميري غلاه ولاج
نحا وانتحا في راحة النفس واشغلهـا

حبيبن لبيبـن لبـق للنفـس والمـزاج
عطوفـا رؤؤفـا بالقلـوب وتعاملهـا

خبيرا بسلم الحب والعـرف مايحتـاج
حوى واحتوى كل الصفات ومسائلهـا

تمريع بعودن ناعم انعم مـن الكربـاج
لياهب نسناس الهوى غصـب ميّلهـا

غريبا بوصفه في جميع الوطا مـاداج
تجلاّ وجـل اللـي عطاهـا وكمّلهـا

بعقل وثقل من فوق رووس العذارا تاج
وهذا الذي عندي رفع شـان منزلهـا

ولو كان ماحصّلت للجرح منه عـلاج
مخايل مزونه تتعـب اللـي يخايلهـا

رفيعا مقامه عن هوى العاشق البـلاّج
شريف المسـار وسيرتـه مايحوّلهـا

اسرني بحبه غصب ماعاد فيه افـراج
ونفسي اسيـره مالهـا عفـو يشملهـا

لعل وعسا يعطف على العاشق المحتاج
بعطفه ولطفـه بـذ نفسـي توسّلهـا

انا المغرم اللي ضاع في غبّة الامواج
ولاعـاد اميّـز بيـن حابـل ونابلهـا

وسـلامـتـكـم