|
((( المرجله صعبه ولاهيب تنطال ))) بعد الغياب التمس من كرمكم العذر وأتمنى ان تنال هذه القصيده استحسانكم وترتقي الى علو ذائقتكم محبكم
ياصاحبي بهديك من در الأقـوال=وكلّ على ماقال يشعـب ذلولـه المرجله صعبه ولاهيـب تنطـال=ولا هيب تجنى بالرخى والسهوله المرجله نار حطبها مـن المـال=ومجمار عزّ يدفي اللي لجولـه والرجل مايذكر بلا طيب وأفعـال=ومن كان طيـب خلدنـه فعولـه وياصاحبي لاصرت للحمل شيـال=قدمك ثمـان الطايلـه والحمولـه الديـن الأول والعبـاده والاعمـال=ثلاث هي لب الظفـر والرجولـه ولا خير في رجل بلا ذكر وأقبال=للي جميع الخلق غصب اخضعوا له والوالدين اتعب لراحتهم اجـلال=تكسب رضى ربك وتكسب قبولـه والصبر خله داخل الصـدر نـزال=وبإذن الله الكايد يهون وتنوله والصاحب اللي كل يوم على حال=جنب طريقه وأتركه فـي ميولـه ويكفيك عن رفقة ملاييـن ونـذال=واحد ليا مال الدهـر مـا يزولـه والرحم صله وتالي الوقت ترحال=والله يا صل من وفا في وصولـه هذي ثمان ان صبتها قيل رجـال=ورجلاٍ بلياها بليا رجوله سيف بن مهنا آل مهنا |
رد: ((( المرجله صعبه ولاهيب تنطال ))) يامرحبا والله يامسهلا بابو مهنا من طول الغيبات جا بالجزلات ابيات مايحتاج يامسندي عزالله انها كمايل الهرج اقتباس:
الله يعطيك العافيه ولا تقاطع فينا ترانا مشتاقين لك ولقصيدك |
رد: ((( المرجله صعبه ولاهيب تنطال ))) ويكفيك عن رفقة ملاييـن ونـذال ....واحد ليا مال الدهـر مـا يزولـه . . لله درك ياسيف و صح الله لسانك بيت عن ألف بيت فعلآ.. عوداً جميدآ بإذن الله كل التحايا لك |
رد: ((( المرجله صعبه ولاهيب تنطال ))) المرجله صعبـه ولاهيـب تنطـال ولا هيب تجنى بالرخى والسهولـه المرجله نار حطبهـا مـن المـال ومجمار عزّ يدفـي اللـي لجولـه والرجل مايذكر بلا طيـب وأفعـال ومن كـان طيـب خلدنـه فعولـه = الشاعر سيف بن مهنا = وقد أفتقدناك واليوم تطل علينا برائعتك في النصح ولعنبوا رجل مايضم الثمان لاخير فيه لادنيا ولا اّخره تسلم فديتك ----- |
رد: ((( المرجله صعبه ولاهيب تنطال ))) اقتباس:
هلا وغلاء يابوسيف مرورك شرفني ياذيبان ونورت المتصفح وصح بدنك أ خ و ك |
| الساعة الآن 07:47 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..