|
هل أنت مهموم ؟؟؟ أعزائي دعونا نفتح النقاش ونتبادل النصائح ، فما أكثر ضغوط الحياة وما أنكد الدنيا واحقرها ( لقد خلقنا الإنسان في كبد ) ، فلا غريب أن يخوض احد منا يوما عاصفة مع موقف مؤلم او خبر مزعج فيكابدها وتكابده & الصبر جميل ومفتاح الفرج & والجزع مذموم & قال الشاعر لا تحسب إنك الحالك في دنيا الهم ملتاعي ^ كل ترا عنده هموم يصاليها لا تجزع ترا ماللجزع داعي ^ اصبر على الحال لين الله يسويها اصبر ترا الليل يجي من عقبه اشعاعي ^ ومن كتب له خطوة لابد يمشيها ## عزيزي ما ذا تفعل تلقائيا اذا اصابك هم ما او قلق او صدمة او ......... ) نعم الصلاة والذكر اساس الحل ومفتاح السعادة ولكن بالنسبة للأعمال الاخرى والتي تحد من الصدمة ، ماذا يحضركم منها؟ ومن جرب ؟ السفر او كوب من القهوة ومحيط هاديء أوالخخخخخخخخخخخ خخخخ ؟؟؟؟؟؟؟؟؟؟ اتتظر مشاركتكم للفائدة !!!!! |
رد: هل أنت مهموم ؟؟؟ حياك الرب وقد أستثنيت الأمور الدينية وهذا مفروغ منه للمسلم عندما يحصل له ماينغص حياته اليومية فاللجوء أولا وأخرا لله تعالى . وبالنسبة لي الهم يطاردني وأطرده بإبتسامة عريضة وسعة صدر والقلق يجي عندما تفاجأ بسفر مفاجيء خارج الوطن وعليك التجهيز للسفر في ساعات وابلاغ أسرتك . بالتأكيد القلق يشمل جميع الاطراف وفي الطيارة اذا كانت منتهية صلاحيتها وتحتاج الرحلة 6 ساعات وفوق وووووووووو . والصدمة هي التي لااتحملها اضعف وكأنني طفل رضيع فقد والدته تنهال الدموع وتضيق بي الدنيا وارتكب اخطاء فادحة في تصرفاتي . باقي الهموم والضيقة والزعل أجد في قناة السودان واليمن الفضائيتين ملاذي أقفــّل على نفسي وارفع الصوت ساعات واجد الهم راااااااح والضيقة تلاشت مع اما الغضب عند حدوث خلاف عائلي وسيلتي الخروج من البيت وركوب السيارة وتشغيل الاف ام والاّ مقطع لفيروز او محمد عبده (دنياك يالغالي ماتستاهل الضيقة) واقرب ستار بوكس وكوب شاهي اخضر بالنعناع لين تهدأ الامور وارجع للبيت وسلامتكم ---------- |
رد: هل أنت مهموم ؟؟؟ كلمة مهمومه شوي .. مابغيت شي من هالدنيا وصار .. كل شي يجي عكس ما ابي .. و هونتها لكنها عيت تهون ولقلت راح الهم الاقيه قدام .. فيني آلم ما مر في قلب مطعون وفيني حزن مامر بعيون الايتام.. أصحاب انا والهم واحباب ونمون ماهي صداقة يوم هي عشرة اعاوم .. والهم سجاني وانا فيه مسجون ان قام حظي طاح وان طاح ماقام .. تقول مابه انسان غيري بهالكون حطمت بهمي كل الارقام الحزن في عيني فيه اسمي مدفون تتحقق الاحزان وتخيب الاحلام والهم اقابله بالصلاة والدعاء وبالبكي اذا كنت بالحالي لاني ما احب ابكي قدام احد واغلب الاوقات اكابر وكنه مايفرق معاي اللي حصل .. |
رد: هل أنت مهموم ؟؟؟ كل شخص يحمل الهم والحزن فهذي هي سنه الحياه ابالنسبه لي احب ان اكون وحدي بهذي الحاله واحط قرأن حتى الصلاه والله تهدي لانك تصلي وانت تعبان راح ترتاح وبعدين اكتب الي في بالي اكتب السبب او اي امر احس ارتااح بهذي الحاله إذا اشتملت على اليأس القلوب *** وضاق بها الصــــدر الرحيب وأوطنت المكاره واطمــــأنـــت *** وأرست في أماكـــنــها الخطـــوب ولم تر لانكشاف الضر نفعا *** وما أجدى بحيلته الأريـــــــب أتاك على قنوط منــــك غوثٌ *** يمُنُّ بها اللطيف المستجـــيب وكل الحادثات وإن تنــــاهت *** فموصــــول بها فرج قريب إخوتي لما الحزن فلنفوض أمرنا إلى الله فإنه بصير بالعباد وإنّه القائل ((وإذا سألك عبادي عني فإني قريب أجيب دعوة الداع إذا دعان)) ربنا ظلمنا أنفسنا وإن لم تغفر لنا وترحمنا لنكونن من الخاسرين |
رد: هل أنت مهموم ؟؟؟ الهموم آآآهـ من الهموم اكيد كل شخص تمر عليه ظروف وضغوطات وحزن وامور كثيرهـ من مصائب الدنيا،، كثير مريت باشياء وللحين أمر فيها في حياتي لدرجة انو فترهـ طويله نسيت طعم الضحكه شنو تكون نسيت الفرح صار كل شي يمر علي حتى لو كان مضحك ومفرح احسو عادي،، لما اكون مضايقه وحزينه افضل انو ابتعد عن أي شخص قدامي وخاصة لما اكون معصبه ومضايقه عشان ماتطلع مني كلمه بدون قصد تزعلهم مني وبعض الاحيان الجأ الى اختي أو صديقتي بعد الله،، الله يعين الجميع ويبعد عنا وعنكم الهموم والحزن،، يعطيك العافيه ماقصرت،، وفا http://www.3z.cc/sml/30/0001.gif |
| الساعة الآن 04:59 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..