|
غلا المـــهـور بسم الله الرحمن الرحيم السلام عليكم ورحمه الله وبركاته اطرح بين ايديكم موضوع غلا المهور والذي هو مهم لكل الجنسين وبالذات للمقبلين على الزواج من الشباب اولا- المهر المبالغ فيه. في هذا الوقت أصبح مبالغه في المطالبه بالمهور قد تصل عند البعض الى 100 الف وهناك بعض العوائل تحدد المهر بمبلغ معين مثلا بين الـ 40 والـ 50 ألف والبعض لا يطلب الا الشي اليسير البسيط بين الـ 10 والـ 30 الف ثانيا-الطلبات وكثرتها فبعض العوائل تطلب اقامه الزواج في فنادق خمس نجوم او قاعات افراح معينه ذات المبلغ الفلاني هذا غير ( فناتق ) العرس لتعقيد الزوج وتحميله الديون . ............... ............... ............... ............... ............... ............... .......... أسئله للمتزوجين . كم كلف زواجك : 1- مهر ؟ 2- قاعه الافراح ؟ 3- تأثيث ؟ 4- هل تحملت ديون أم استطعت توفير المبلغ ؟ أتمنى من الجميع أن يفيد ويستفيد |
رد: غلا المـــهـور غلا المهور هو سبب تاخير زواج كلا الجنسين اتوقع الغلاا كان في السنين الماضيه ولكن بوقتنا الحاضر المهر لايزيد عن 80 واقله 50 وهذا المعقوول الدنيا في غلاء وكل شي في الاسواق ارتفع سعره وكثير ماسمعنا بعض القبائل حددت المهور بينهم ان تترواح بين وبين وهذا هو الحل الافضل الله يوفق الجميـــع طرح رائع تشكر عليه تحيتي لك |
رد: غلا المـــهـور شموخ انسان : الوضع حاليا يختلف عن سابقه أحمدوا ربكم ماارتفعت المهور مثلها مثل موضة غلاء الاسعار التي اجتاحت العالم والمهر حاليا قيمة سيارة كامري 40 ألف للزوجه و30 ألف تأثيث و12 ألف اجار شقة في الرويضة كم تصير ؟ 82 ألف ريال وذبيحتين واللي تطلب قصر افراح قل لها بحفظ الله واذا مصرّه الله يخلي الاستراحات . اكيد الزواج ديون تقطع الراس من الرقبه والحل بناء المستقبل اولا بناء بيت مهما كان حجمه ومن ثم الزواج والعجلة من الندامه حتى وان كانت زوجتك مديرة بنك فلوسها لاهلها وريال تعطيك اياه تذكرك به في اليوم 100 مره تذكر يوم عطيتك الريال وحنا عند البقاله وانت كنت طفراااااااااااا ن حتى لو سددته في وقته وبدل الريال 1000 المرأة السعودية منانة بل وجشعه ماترحم الزوج ومع هذا تقول حنا شراكه ّ!!!!! ياحليل الهند الزوجه تدفع المهر وفي مصر وعدد من الدول العربية تجهيز عش الزوجية مشترك هاذي الشراكه --\ نعم تزوجت بالديون ومن تزوج بالديون الله يعينه على السكر والضغط والديانه وشكاوي الحقوق ووووووووووووووو ووو -- دمت بخير |
رد: غلا المـــهـور ايييه خل يدفع دم قلبه عليها اجل يبي ياخذها بالساهل!! لان بعض الرجال الي يجيهم كل شيئ بالساهل يملوا منه |
رد: غلا المـــهـور ههههههههاي وشذا الرد يا استاذ محمد يؤيؤيؤه جاي مندفع ههههه والله شوفو انا رائيي من راي طفشانه اجل تبونا بالساهل .. الواحد فيكم اذا جاء بيسافر للخارج وعزابي ماتقل فلوس سفرته عن عشرين الف وتخلص بظرف اسبوع.. ويوم جاء على مهرنا تكاثرتوه .. الله الله عليكم وبعدين انا اتعب واكرف واشقى واعطيه راتبي بارد مبرد .. واخرتها يروح ويعرس علي .. وبعدين انا اشوف المهر حسب البنت ومستواها .. الاجتماعي والتعليمي والشكلي .. اذا كانت تستاهل ( رغم ان كل البنات يستاهلون لكن فيه من تتميز عن الاخرى ) تطلب المهر اللي تبيه ومن حقها يكون غالي وان كانت بنت عادية وناس عاديين فخمسين بذهبها انا اقول فيها بركة ومناسبة جدا .. وبالنسبة لي هالفلوس هاللي بدفعها على هالعالم وبحطها بااوتيل استغلها افضل واخلي الزواج عائلي لان الاهم عندي شهرالعسل ( السفره ) تكون في مكان خارجي وبعيد وتكون مدتها طويلة .. وبالنسبة للديون كل انسان عنده ديون الا ماندر وشي عادي الدين مو غريب .. وهذي مناسبة مهمة في حياة الانسان ولازم تبقى ذكرى خالدة وجميلة في حياة الزوجين .. موضوع حلو تسلم عليه ياشموخ انسان |
| الساعة الآن 08:58 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..