مجالس الرويضة لكل العرب - بدعٍ بدعنابه وحناله وجينابه وسرنابه ويعجز بدع قافه كل سادات iiالعرب

هذي قصيدة لزعيم الشعر وفرعونه ناصر الفراعنة

مو دربن دربن زي ماقال المصفوق


	بدعٍ بدعنابه وحناله وجينابه وسرنابه ويعجز بدع قافه كل سادات iiالعرب في وقت حيفه صار شيفه حد سيفه من رهيفه يبتر الهامات والجمهات والعظم iiالجليد الورع جاله بالفشاله والجهاله لحيةٍ مدري من اي دار نبتت والبنيه جالها ذقن iiوشنب يالله دخليك من عنا الدنيا دخيلك انت يا حامي خليلك وانت يا حاجي حجا البيت iiالعتيد شفت الشعر فيه الجعر شين الظهر حتى الشعر واصبح بحر والذيب راع الطيب في بحره نشب والحر عام اول تحول صار شوّل يوم غوّل والدهر طوّل وحول بالذيابه يا iiعبيد القاف ضمه له وليد امه وطبح في مجمه وسط فمه ماسكٍ رضّيعته منه iiشرب وابن القبيله كالحليلة شف شليلة في مقيلة رابطٍ رجله وذيله مع حصيله وسط قيد في وقتٍ ادلم ازلم اظلم فيه الاعجم صار شاعر في زمانٍ كل ما وسطه iiعجب وقتٍ به الشاعر تغيّر لا يجار ولا يجيّر فالعرب سموى الذنب يدور من يشري iiالقصيد الشعر عوّد في يد البزران والخبلان والسفهان حتى ضاع منه الشان واجنب وانسحب وصحنا ونحنا يوم رحنا فالقصيد اجناب يوم انّا هله في مدهله في زاخر ابحوره iiنجيد يا منادي ٍ بإسم البداوه والحلاوه والطراوه والنعومه والليونه في خدودك تقتلب عيش البدو كله قساوه يالقطاوه ما تشاوه وانتوا ما شفتوا من الدنيا على الدنيا iiشديد خل الشعر لمحيسن وعجران مع راكان مع نمر ابن عدوان مع ابن احميد شيخٍ iiبالادب والقاضي محمد وابن لعبون راع افنون يم ديار مي والشوامي مالكٍ تاج iiالنشيد والعوني بوقتٍ مضاله والخلاوي راشدٍ مفرقٍ وسط السماء نجمٍ ورا نجمٍ رهب وبديوي الوقداني وابن سبيّل ببدع المعاني والذويبي عند سرحاني ثنا بسيفٍ iiجديد ودغيّم الظلماوي وابن شريم وابن دويرج ومثل الجبرتي وابن هذالٍ iiكسب بيض القوافي والرهافي يوم هاف الجد لين السد زين الخد ما طاول على البيدا iiصعيد وابن ربيعه والسديري هم بحور القاف ياعراف اما الوقت ذا فالشعر ما عده iiنضب واللي بقوا شقف ابلحه اتفل عليهم لعنبو منهو غذاهم والعن آبو آبو ثواهم والكديد والله ما يمسك لساني عن بياني في المعاني والكلام المقرحاني من نواني iiبالعطب ما كتب لي منه ابتلي غصبٍ علي حكم ٍ جلي ومكمّلي من عند العرش iiالمجيد حاورت جن الليل يوم اسهيل جر الذيل مثل الخيل في دوٍّ بعيد الدار باطراف iiالقصب شامي على الغبه صلفته عقب شفته ما عرفته يوم حفته والمصيقيل ابن نزاع الهضيد في وسط ديرة مستديرة والضبا ابها مستذيره والهبايب مستثيره والقوافي iiتلتهب شبت هجوسي مثل نيران المجوسي وانثنت عني لبوسي وانثنالي كل شيطانٍ iiمريد واللي إيتحداني يقرّب ثم يجرّب والمعرّب ما يدرّب حاضر ابحاضر قنا وسيفٍ iiعضب ما كسّر اقفول الحديد الكايدات الصالبات الشامخات الصامتات إلا الحديد ومااقول ما بالوقت ذا شعار فيه اللي يجيب القاف صنع انظاف لا زعزع على كوره iiوجب بس آه يا قل قلهم ولا كلهم لو كان شاعر معه اباعر قادرٍ في سبكة القاف الجويد

منقول