|
المعاناه من الماء البارد عند قيامك للصلاة الفجر بالبر .... بسم الله الرحمن الرحيم السلام عليكم ورحمة الله وبركاته لاحظت ان الكثير من الاعضاء يعاني من الماء البارد اذا قام لصلاة الفجر فتلقاهم يسألون عن كيفية تسخين الماء وافضل الطرق لذلك ... والحقيقة اني استخدم طريقة قديمة للحفاظ على الماء حار الى الفجر وهي على ما اعتقد طريقة معروفة لاغلبكم لكني احطها ليستفيد منها اللي مايعرفها واللي يعرف هالطريقة يضغط الزر الاخضر الموجود اعلى الصفحة ويطلع من الموضوع ولا كانه شاف شي والوجه من الوجه ابيض ( وكل يصلح سيارته ) الطريقه انك اذا خلصت متعلل بعد العشاء وجيت تنام وسع النار من الوسط حتى تطلع لك ( المله ) ثم جب بريق كبير او قدر او غيره وحط فيه حاجتكم من الماء وحطه وسط الجمر وادفن جوانبه بالجمر اللي طلعت واذا معك ذراية لفه عليه وذا قمت الفجر على خير تلاقي الماء حار بانتظارك واحيا نا تظطر انك تزودة بارد من حرارته هذي الطريقة بكل بساطة يمكن يجي واحد من الميه يستفيد منها .......... وشكـــرا أخوكم ومحبكم .. آلعــود الازرقـ:36_17_4 : |
العود الازرقـ الله لا يهينك على الطريقة المجربة والناجحة بكل المعايير والمقاييس صدقني اللي يعرفها بيشكرك قبل اللي ما يعرفها لانها مفيدة وناجحة وما يحتاج انت راعي بر وتجارب بارك الله فيك العود الازرقـ |
الله لا يهينك العود الازرق بسيطه تصدق اول مره اسمع عنها هذي تصدق عاد انها بصراحه حلوه من علمك اياها ههههههههههههههه هههه ودمت بود |
تسلم العود الازرق |
طريقة مجربة وناجحة وقديمك نديمك تسلم يالعود الأزرق ,,,, |
يعطيك العافيه العود الازرق على المعلومه |
هلا و مرحبا بك العود الازرق الطريقة مجربة و ناجحة بس انتبه يكون الجمر كثير و الماء قليل و يخلص و تقوم الصبح ما تلقى ماء |
مشكور يالعود الازرق على التعليم لاني بصرا حه مااعرفه واللحين اعرفه ومشكور مره ثانيه اخوك/ تركي العتيبي |
العود الازرق مشكور على الطريقه << طريقة ابوها ^_^ |
مشكور العود الازرق وفعلن طريقة مجربة وناجحة جدأ وفية طريقة ثانية يقولون ان في محلات السنيدي بالقصيم سخان يشبك في البطارية ويوضع في الجركل25لتر ويصبح الماء دافي |
العود الازرق بيض الله وجهك (داري انك تبي هالكلمه) بصراحه طريقه شي فالك التوفيق |
بس ان اعرف ان الماء البارد عند الوضو ء لصلاة الفجر يزيد الوجة نور واحتسب الاجر |
تسلم أخوي العود الازرق على الطريقه ودمت |
| الساعة الآن 02:25 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..