مجالس الرويضة لكل العرب

في مرحلة الثانوي التوجيهي كانت المدرسة تقوم لنا برحلات الى بعض الجامعات والكليات وكان الغرض التعرف عليها لتحديد مسارك بعد الثانوي المهم ما اطول عليكم رحنا زيارة لجامعة الملك سعود وزرنا عدة أقسام منها قسم علوم الفلك وقسم علوم الأحياء وكذلك قسم الطب البشري المهم ما أتذكر المسميات الصحيحة لها يوم دخلنا دخلنا غرفة كبيرة في المساحة وفيها زي الأسرة بس من ستيل وفوقها جثث أوادم مغطيه بمفرش أبيض وفيها ريحه غريبه ريحة المادة الحافظة لهذه الجثث المهم عرفنا انا دخلنا غرفة التشريح دخلت صراحة وكان للموقف دهشة ورهبه في نفس الوقت المهم كان معنا دكتور مسئول من الجامعه يشرح لنا كيف يسوون بالجثه وكيف تتم عملية التشريح وكيف ان الجامعه تحضر هذه الجثث من خارج المملكة وانهم غير مسلمين ألخ.
وكنا نمر من بينها المهم وأنا امر التفت على اليمين من جهة جدار الغرفة واشوف مجلى مثل مجلى مطبخ اي بيت ولكن بدال الصحون والملاعق تشوف أذن راس جمجمه يد ورجل أعضاء بشريه طبعا قام الدكتور يقلب المجلى وكل شوي يطلع لنا جزء .صراحة ما تغدييت ذلك اليوم .
وكانت الجثث لرجال ونساء ومرينا على ثلاجة الموتى ودخلنا على الدكتورة الموجودة فيها وكانت تقراء في كتاب لا ولحالها في غرفة مسكرة بعيدة عن الغرفة الكبيرة .
طبعاً فضول بعض الشباب وده يشووف ألي تحت الغطاء للجثث فكان معنا شخص شبه مسئول عن هذه الغرفة حارس لها فقال تبغون تشفون يوم رفع الغطاء عن الجثه القريبه منا فأذا هي أمرائه كشف عنها ولكن لم أكمل النظر لها بسبب هول الموقف حيث أن المادة الحافظة تغيير من شكل الجثه وتصبح شبه مخيفه.
شاهد الحديث انه في عالم ألماني متخصص في علم التشريح ويعتبر أحسن واحد في العالم وله 6 جثث في جامعة الملك سعود( طبعا الكلام هذا قديم فيوجد تغيرات حصلت بعد هذاك الوقت) طبعا يشرح جسم الأنسان قطعه قطعه وعظله عظله وعظمه عظمه المهم هذا مقطع لبعض الجثث ألي شرحها وشفت زيها في الجامعه يخلي الجثه شرائح.
وسبحان الخالق.
http://funzu.com/index.php/crazy-vid...n-science.html
صحيح.