يانوف ردي الصوت تكفيـن يانــــوف

يانوف لي مده وانـا امـد بالشــــوف=وزرقى اليمامه ابحـرت دون شوفـي
شافت جيوش الحرب بالعين يانـــوف=وانا عجـزت اشـوف زولٍ يطوفـــــي
عدى ديار الغـرب واحتـده الخـــــوف=وانـا علـى فرقـاه ارقـب حتوفـــــي
اسمه على اسم البنت متميز وصـــوف=اوصاف واجد مـا حوتهـا الهنوفـــــي
عمره ثمان وعشر وعيونـه سيــــوف=تطعن سويدا القلب في وسـط جوفـي
ولا الحشى ويش الحشى خصر ملهوف=ملفـوف بالديبـاج ضامـر لهـــــوفـي
ياضامـر السرجـوف يابانـــــي ردوف=تطوي رهيف الثوب وقـت الوقوفـي
ولا النهد مزمـوم نابـي ومحفــــــوف=ما نشـه الشيـال حجمـه نصوفــــــي
والشفه الحمرا كما التـوت مقطــــوف=وعاجٍ تـلالآ مـن وراهـا رصوفــــــي
والخد ويش الخـد ابيـض ومكفـــــــوف=حمـار ربـه مـا انلطـم بالكفوفـــــــي
والخشم توصيفه على ثامـن حــــروف=الـدال ياللـي تنتـبـه للحـروفـــــــــي
ولا الجديـل اللـي مثنـى ومعكـــــوف=شبرين ينزل عـن حـدود الردوفـــــي
والعنق ويش العنق ناتـق ومعـــــروف=بالشامه اللـي حـدر خـده تشوفــــي
قامه وجسمٍ زيـن والسـاق ملفــــــوف=ولاشرعـة للحايـف اللـي يحوفــــــي
يانوف ردي الصوت تكفيـن يانــــوف=ما شفتي المزيـون بيـن الصفوفــــي
متى يزل القيض ثـم يبـرد الطــــــوف=ويزيـن جـوك ياحسيـن الوصوفـــــي
حتى ترد لـدارك اللـي بـها احــــــوف=وانشد بعيد الـدار عـن زول نوفــــي

وسلامتكم وشاكر حظوركم

منقولة

ياسلام عليك ياكابتن . صحيح اختيار كباتن

قصيدة معبرة وجميلة ودقيقة في الوصف

تسلم ع الاختيار ياذوق ياعسل انت يابو الكباتن

ياضامـر السرجـوف يابانـــــي ردوف
تطوي رهيف الثوب وقـت الوقوفـي

صح لسان الشاعر

تقبل مروري

الكابتن مادريت عن تعميم المدير
ممنوع تنزيل المواضيع اليوم ياويلك منهم
مشكور على الابيات الاكثرمن رائع

اختيار موفق اخوي كاتبن


لاهنت على هيك ذائقة رائعة بالفعل



تقبل مروري



همس الشفايف


.
.
.

مشكور اخوي /الرسام على المرور بس مو المرور فقط أنت من فلا حطة الشعر الذي يعتمد عليهم أحنا نبي شرح لبعض المعاني الي تدوخنا مانعرف المعنى لها ياليت وتكرم تلقط لنا كم كلمة و تشرح لناالمعنى حقها
ابو طارق
لاتبوق ولاتخاف
همس يعطيك العافية على المرور