|
غضي وكني على الكبد مطعون اغضي وكنى على الكبد مطعون /~ _______________ _______________ __________ راحة الانسان ببيته والزوج يلاقي راحته اذا وفقه ربي بزوجه مع طيب الاصل كريمه نفس وكذا راحه الزوجه اذا ربي وفقها برجال يقدر حقوقها وما يجفى عليها .. كان لاحد افراد اسره ال سبيله *من شمر* أربع بنات من بينهم مطيره بنت ابن سبله اللى خلدتها مراثي زوجها محمد بن فهيد .. محمد بن فهيد من رجال القصيم المعروفين وهو مؤسس بلدة الأسياح وكان على عاده العرب كريم .. تعرف على والد مطيره وتزوجها في إحدى سفراته الى الشمال . عرف عن مطيره واهلها الكرم وحسن التصرف .. وبعد زواجه منها كان يثق فيها لدرجه انه اعطاها الحريه كامله في كيفيه التصرف وكانت هى اللى تقوم بكل شوون البيت وتسد محل زوجها بسفراته وتكريم ضيوف زوجها وتحفظ لكل ناس مقامهم .. فاذا جا ضيف لزوجها ترسل اللى يشوف لها الضيوف ويوصل لها عددهم ويحدد لها مكانتهم .. وكانت دائما تصيب بالرأى لعيشتها قبل ببيت ابوها الكريم اللى مايتعداه الضيف .. ومن بين ضيوف زوجها ابن سليم *امير عنيزه* وكان معه 500 رجل توهم راجعين من مطارده احدى القبائل اللى سطت على عنيزه .. وبعد مااخذو حقهم استضافهم محمد بن فهيد وجلس معهم بالمجلس ولادخل لبيته وكل شي من امور الضيافه يوصل للضيوف بدون تقصير .. وماقام محمد بن فهيد الا مع ضيوفه يقلطهم على الاكل .. بعد فتره جا امير عنيزه ومعه كم شخص وحلو ضيوف على ابن فهيد وكان كل شوي يقوم ويجلس ويكثر الترداد لداخل بيته ولاارتاح لين قلطهم على الاكل .. استغرب الامير هالتصرف من ابن فهيد وقال يمكن الدنيا دارت به وان الضيافه احرجته .. عرض الامير على ابن فهيد يساعده ان كان محتاج .. لكن ابن فهيد رد : ان الخير كثير ..ويمكن انك استغربت كثره ترددي على البيت ودخولي .. السبب مطيره راحت لربها ... وتزوجت زوجه ثانيه لاتحسن التصرف الا برأيي وتوجيه منى .. كان ابن فهيد معجب بزوجته ورامى حمل الضيوف عليها وهى قايمه بواجبها على احسن وجهه وقصائده اللى رثا بها مطيره لاتزال حيه تشهد على اصل وكرم مطيره وحب زوجها لها .. * * * من مراثي زوجها فيها .. أطلـب عــــــــــــسـ ـــــى الـجـنــه منــــازال مطيره ............... ...... حيث ان به طبع على البيض ماصــــار مع زيـنــــــه الوافـــي بها زود ســيـــــــــــ ـــــره ............... .... دبـــــره وعـــــرف وكل شي بمـــقــدار لاجــــــو على هــــجـــن من أرض الجـــزيــــره ............... ..... وتعومـســوا عنهم رديــيــن الأشـــــوار ان جــيـــت للــمــطـبـــخ الى فــيــه نــيــــــــره ............... ..... تلقى الحطب عنده تقل شـــغـــل نـــجــــار ماهيب خطــو العــلـــــــه المســـتـــــــ ديــــــره ............... ..... يجي العـتيـم وطـامـى الــقـــــــدر مـــافـــار يادلاك ويــــن اللـــى خــطـــاهـــا قصـــيـــــــره ............... ..... مـن جـيـته مـــــــاقـــط فاضـــت من الـــدار ياعـنـــــــــك مايســمــــع نبــاهــــا قصــيـــره ............... ... ولا قط شفـت الغــــيــظ مـنـــها والاكـــــــــد ار الا ومــــع قـــصــــرة خطـــــاهـــا ســتــيـــره ............... . جتنا وراحـت مـا اسـمعــت صوتــهــا الجــــــار ومن مراثيه ايضا ,, ياونتي ونــــــة مـــعـيــد نــــزرهــا ............... ..... جلف وهى من فـوقها الغرب مشطـــون على الذي راحت بناصف شهـرهــا ............... ..... انا اتجـبـــر والعـــويـــل يـصـــيــحـــون وضعتها في مـظـلـم مــن حــفــرهـا ............... ..... اغضي وكـنـى على الكــبــد مـــطـــعــون اذكر محاسنــهــا واعــدد سـيــرهــا ............... ..... لاجــو على عـــوص النجــايب يـحــثـــون كـم كـرمة للـضــيـف كل شكــــرهــا ............... ..... لاقـــلــت حـطـو عـــدتـــه مــاتــجــي دون * * * وانجب ابن فهيد من مطيره اربعه اولاد .. واخواتها الثلاثه تزوجو من وجهاء الرجال .. وحده منهم تزوجت ابن جرباء,والثانيه من ابن عجل والاخيره من آل شريم .. الله يرحمها ويرحم موتى المسلمين .. |
رد: غضي وكني على الكبد مطعون ومازال في نساء مثلها يكرمون الضيف حتى وان لم يكن الزوج موجود اهل الكرم والجود مرثيه رائعه لبنت شمـــــــــر رحمها الله واسكنها فسيح جناته شاكره لك ماقدمت اخي الكابتن تحيتي لك |
رد: غضي وكني على الكبد مطعون آآميـــن روووعه مانقلته لنا يداك قصة تبين اصايل الحريم ’’ مو حريمنا الحين |
رد: غضي وكني على الكبد مطعون دمووووووع الشووووووق تسلمي على المرور لكن ماأعتقد أن في هذا الوقت من يقدر ويكرم الضيف لان الثقة معدومة عند الجميع من افراد المجتمع الافئة لازلوا في الهجر |
رد: غضي وكني على الكبد مطعون روحي اقول صدقتي الان مافية أحد لان الثقة معدومة الله يكافي الزمن السابق أنفتاح اكثر بس الان الله يجيرك |
| الساعة الآن 09:12 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..