عرش بلقيس لعبدالله بن باتل
البارحه ليلـي همـوم و كوابيـس=وأبعد من الجـوزا علـي الوناسـه نفسي وأنا والليـل والهـم وابليـس=كـلٍ علـى الثانـي يبيلـه رياسـه مدري ظروف الحب و لا هواجيس=أو الثلاثـه كلهـن فـوق راســه أو (ن) عقلي صايرن فيـه تنكيـس=وللعقل في بعض الأمـور انتكاسـه يا لايمي لاتلومنـي قبـل ماتقيـس=اللـوم للمهمـوم يـزود قيـاسـه والشر طبعـن للرجـال الهلابيـس=أهل الهـدف والنمنمـه والبلاسـه وأنا معي عقل ومشاعر واحاسيـس=وعيون وأخلاق وقلـب وشراسـه لكن حصلي من زمانـي عواكيـس=وعجزت تالي الوقت لعرف لناسـه هـذا يموهـا بهـرجـن تبالـيـس=وهذا يتجاهلهـا عنـاد و خساسـه وهـذا يغـرك مظهـره بالملابيـس=وهذاك البس منـه شمـاغ ولباسـه وهذا تذعذعلـه هبـوب النسانيـس=وهـذاك تقـل مغمغملـه بطاسـه وللناس بالدنيا حظـوظ وقواميـس=اللي يغرف بـدرام واللـي بكاسـه وليا حصلك من زمانـك تعاميـس=اصبر وللصبـر الجميـل انعكاسـه ودرسك دنياك مـن غيـر تدريـس=ماهو لزوم أنـك تـدرس دراسـه وناسن على ناسن تجنـد جواسيـس=لجل الطمع والسيطـره والنجاسـه وناسن تهجس من غثا الوقت تهجيس=وناسن على ناسن تجيـد السياسـه وناسن تبي عرشن مثل عرش بلقيس=وناسن تبي لو يوم فرقـا التعاسـه والتيس مثل العنز كانه خفى التيـس=والتيس ماهو تيـس لـولا التياسـه |
اقتباس:
ابيات جميله اخي شقران صح لسانك على الابيات الرائعه والكلامات الجميله |
اخي شقران شكرا للتميز في النقل الأدبي صح احساسك ونبض قايلها كل الود لك إيمان |
صح السانك اخوي... تسلم وسلمت يمناك على ماخطت لنا من ابيات رائعه وفااا.. |
صح لسانك ولسان قايلها ماقصرت يالغالي |
الساعة الآن 11:14 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..