|
مرثيــــه (( لـ علـي ابن دحيم السـهلي )) السلام عليكم ورحمه الله وبركاته اعزاء مشرفين واعضاء منتدى مجالس الرويضه اسعد الله مسائكم بكل خير وصباحكم بكل خير اول: بما ان القسم هذا من اقسام منتدى مجالس الرويضه وهو قسم خاص بشعراء اهالي الرويضه حبيت ان انزل هذا القصيده لشاعر الرويضه الشاعر الكبير سيف ابن عفيش السهلي وهي رثاء في اخيه علي رحمة الله عليه واسكنه فسيح جناته وكان يناشد (مشرف) الاهو قصره او مزرعه المغفور له بأذن الله اخيه علي ويشتكي له ماأصابه بعد فقدان اخيه ولا احب ان اطيل عليكم الكلام اتركم مع القصيده وهي تعبر عن مابي داخلها وراك يامشرف طويل الظلالي ... عليك قصر النفس طوافي ومهزوم ياقصر ابو ثامر سقاك الخيالي... عساة يسقيك المطر دايم الدوم وياقصر ياعزي لحالك وحالي... حيل الله اقوى امر من الله مقسوم وياقصر مثلي لوعتك الليالي ... نمسي بحزن ونصبح الصبح بهموم وياقصر فيك اقصد من الروق هالي.. حالي ثبات وصار اليوم مهزوم ياقلب لا تستكثر اللي جرالي.... على ابو ثامر مني حق وملزوم ياليتني فقدت حالي ومالي..... وعلي قعد بقصره وعندنا محشوم محشوم ماقط يوم بالمهونه رماني... مابحث له سر(ن) عن اخوه مكتوم الله يبيحه عد غالي ومالي.... عساه بالجنه عن النار معصوم وياقصر بنرخصك لو كنت غالي...... واليوم يامشرف تغنيبك البوم وسلامتكمـ .... |
الله يبيحه عد غالي ومالي.... عساه بالجنه عن النار معصوم صح لسانك ولسان الشاعر الكبير سيف ابن عفيش السهلي ورحم الله ابو ثامر واسكنه فسيح جناته اخوي عبدالرحمن ماقصرت على هذه القصيده ونتمنى ان نرى قصائد اكثر للشاعر سيف بن عفيش وتقبل تحياتي |
ياقلب لا تستكثر اللي جرالي.... على ابو ثامر مني حق وملزوم ياليتني فقدت حالي ومالي..... وعلي قعد بقصره وعندنا محشوم المرحوم علي بن عفيش معروف بالكرم والشجاعة ونادر اللي مثلة الله يرحمه ويسكن روحه الجنة وتراه مامات لانه خلف لنا ثامر ومحمد وعبدالله كل واحد منهم امير باخلاقة ورجولته والشاعر والدك الله يجزاه خير سيف بن عفيش شاعر شهادتي فيه مجروحه صح لسانه ولسانك ابو سيف هذه القصايد المشهورة اللي لها وزنها وقوتها نبي منها الكثير ولا هنت |
وراك يامشرف طويل الظلالي ... عليك قصر النفس طوافي ومهزوم ياقصر ابو ثامر سقاك الخيالي... عساة يسقيك المطر دايم الدوم مرحبا أخي عبدالرحمن بن سيف بارك الله فيك وصح لسانك ولسان الشاعر ورحم الله علي بن عفيش ابو ثامر رحمة واسعه واسكنه فسيح جناته و البركة ان شاء الله في اولاده |
ياقصر ابو ثامر سقاك الخيالي... عساة يسقيك المطر دايم الدوم وياقصر ياعزي لحالك وحالي... حيل الله اقوى امر من الله مقسوم وياقصر مثلي لوعتك الليالي ... نمسي بحزن ونصبح الصبح بهموم وكأن المكان يرثي صاحبه تصوير رهيب لقوة الحزن رحمة الله عليه صح احساسكم إيمان |
| الساعة الآن 01:34 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..