قصة خطبت بنت

السلام عليكم و رحمة الله و بركاته



شاب جامعي خلوق اراد ان يتزوج ...لكن امه العجوز تكفلت له بأن تبحث

له عن فتاة تعرفها وتدخل مزاجها لان مو كل بنت على حد زعمها تصلح

لها.... اخوات هذا الشاب ذكروا له زميلتهم في الكلية وهي فتاة رائعة

وآية في الجمال والاخلاق واجتماعية بشكل كبير ... ومن كثر ما

يتكلمون عنها تعلق قلبه بها وطلب من أخواته ان يكلموها عنه ... بدأ

البنات بالحديث لتلك الفتاة عن اخوهم واخلاقه الرائعة ودمه الحفيف

وحفاظه على الصلاة واحتقاره للشباب اللي يرقمون .. ومن هالحكي ..

المهم .. البنية المسكينة تعلقت فيه وحبته وتمنت اليوم اللي يجمعها

به ... لكن المشكلة انهم من قبيلتين مختلفة وكيف يقنعون الام العجوز

بها البينة الحلوة ... وبعد مشاورات... وتعرفون النساء وحيلهم وبالذات

بنات هاليوم ..

بعد يومين اتصلت البنية المتيمة على اخوات الشاب وقالت: مافيه
الا

اني اتعرف على امكم شخصيا اللين اخليها تعجب فيني وهي بنفسها

اللي تخطبني له.... قاموا يفكرون شلون تتعرف على امه ؟ طرى على

بالها ان ابوها وامها بيحجون هذي السنه



قالت :وش رايكم تودون امكم للحج بنفس الحمله اللي بيروحون فيها

اهلي وانا ابقنع اهلي ان يودوني معاهم ....؟


ومن يومها وهي تحن على اهلها ابي احج معكم ؟ قالوا لها :ماعندنا

مانع والحج فريضه على كل مسلم وودنا انك تروحين وتقضين فرضك

انبسطت وقالت له ان اهلها بيودونها للحج معهم والدور عليه اللحين

عشان يخلي امه تروح للحج

واول ماوصلوا لمكه وهي تتشوف لها في السكن اللي هم ساكنين فيه

وكل وقت وكل صلاه وهي جنبها وبالليل تساعدها بقراءه الدعاء... ولما

جاء يوم عرفه راحت تجمع لها الحصى وتقول لها هذا الحصاه اكبر وتعور

ابليس وتعطيها .. ولما راحوا يرجمون كانت معها بكل خطوه من

خطواتها... ولما جاء اخر يوم من ايام الحج وكانوا بيطوفون
الوداع راحت

تسلم عليها وتحضنها وتقول لها والله اني احبك زي امي واني ارتحتلك

ياخاله وتهل من دموع التماسيح وراحوا للمطار عشان يرجعون لديرتهم

ولما وصلوا استقبل الولد امه وابوه من المطار وقعد يسئلهم عن حجهم

وعسى ماتعبتوا ومن هذا الكلام وبعدها قال: يمه عسى ارتحتي بحجك

؟ قالت ياولدي والله انه احسن حج ذا السنه الله يخليك لنا قال :عسى

الناس اللي معك طيبين وارتحتي لهم؟ قالت :والله ماعليهم ناس اجاويد

بس والله ماضيق صدري الا بنت لزقة كانت معنا نشبت بحلقي هناك ما

شفت ملقوفة ومطفوقة مثلها الله يعيين اللي بياخذها
ههههههههههههههه ههههههههههههههه هههههههه


=============== =============== ==========

ياقرادة حظ البنت

مسكينه البنت سوت كل اللي عليها من طيب واخلاق

وبعدين طلعت مضايقه منها،،

بس الفايدهـ اللي اخذتها البنت اداء الحج،،

يعطيك العافيه ع القصه الحلوهـ ماقصرت

اسمح لي بنقلها هنا

وفا

وانا اقرا القصه
قلت اكيد الام بتخطب البنت
وجت نهايتها العكس تماما
والسبب قصص
ابو طارق المفرفشه
ولا احلى

أنا أقول أي شي مو لوجه الله خالص مايدووم.
صحيح.