ياذيب عاهدني واعهدك ما ارميك

ياذيب كـن اعـواك مـا ودي اوحيـك=واليـا سمعـت اعـواك قلـبـي يلـجـي
وياذيب ما نـي غـاوي اللـي يعويـك=كمـا واحـد مــن حسـتـه مستمـجـي
عسـاك مانتـه فاقـد اهـلـك وغالـيـك=مــدري قنـيـب الـيـاس والا تـرجـي
اصبر كما صبري على كل ما يجيك=والله يـنــادي بـالـسـعـد والـفـرجــي
انـكـان نــدك جــوع تـعـال اعـشـيـك=وابـيـك تسـكـن عنـدنـا مــا تـهـجـي
اقـــــدم الــمــاجــود والله يـحـيــيــك=ورزقي على اللي ماش دونه ملجي
واليـا بغيـت تـروح قـلـي واخـاويـك=ودي بـدرب الذيـب مــع كــل فـجـي
ابـايـعـك واعـــادي الـلــي يـعـاديــك=ومن وين ما سجيت حالف لأسجـي
شوقتنـي ياذيـب مـا ازيـن معـاديـك=الـيـا اختـلـط باللـيـل بـــرد وعـجــي
ولا تصبح الا فـي عـلاوي محاجيـك=والـلـي يـبـي يقتـلـك يـاذيـب دجـــي
ياذيـب لا تــوذي علـيـه ولا اوذيــك=فـي راس مـرقـاب الـخـلا نندمـجـي
وان جاك ضده من عدوك ما اخليـك=وعيب علـى اللـي خوتـه مـا تنجـي
ياذيب عاهدني واعاهدك ما ارميـك=وان بقت بايق في صيامـي وحجـي