|
انت الحيّا من وين مارحت متبـوع !! http://up.graaam.com/p8ic/46d561fdc8.jpg أسبوع مرّ !! ولاوصل منك مرسـال ياقوّ قلبك كيف تقطعنـي أسبـوع ؟! الجوع كافر ! وانت ماترحـم الحـال وانا عليك من الولـه ميـت ٍ جـوع ياللي غيابك صعب يطري على البـال تركتنـي ضايـق وحايـر ومفجـوع ماكنّـي الا: شايـب ٍ فاقـد عـيـال وماكنك الا: محرّم ٍ حـق مشـروع !! يفوع لـك قلبـي ليـا مـر الاطـلال ياليت مالـي قلـب يشتـاق ويفـوع حسبي عليك شلـون قطّعـت الآمـال بآآآموت لاصار الامل فيـك مقطـوع ياصاحبـي ماكـل نــزّال رحّــال انت الحيّا من وين مارحت متبـوع !! نسيانـي لـزول ٍ بالاعمـاق يختـال اصعب على صاحبك من حبة الكـوع لو الثمن في شوفتـك عمـر رجـال كان الثمن من يوم ماغبت مدفـوع !! ولو القدر مـا تـم قولـه ليـا قـال ماضاق صدر ولا انحنى راس مرفوع ياصاحبـي عشقتنـي فعـل وخصـال وانا عشقتك شعر واحساس وطبـوع وشلون تتركني كذا لا اشهـب الـلال وقدّام عيني تجف ينبوع .. ينبوع !! وانا عشانـك جيـت والغيـم همّـال اسيّـل الوديـان واداحـم جـمـوع ماردّنـي عنـك سوالـيـف عــذّال تزعل عليّ ربوع وتقـدّر ربـوع !! كان المهم اعيشـك جنـون ووصـال ويكون لي كلمه ولـي راي مسمـوع واليوم ضاقت بي مـن الجـال للجـال فرقاك تقصـم ظهـر وتحـز وتلـوع لو جيت شفت الحال ماسـرّك الحـال في غيبتك ضايـق وحايـر ومفجـوع هذا غياب اسبوع وشلون لـو طـال طالبك .. لايطوّل غيابك عن اسبوع !! لشاعرها ::: مفرج بن قاسم السهلي { شاعر المحدار} |
رد: انت الحيّا من وين مارحت متبـوع !! الجوع كافر ! وانت ماترحـم الحـال وانا عليك من الولـه ميـت ٍ جـوع ياللي غيابك صعب يطري على البـال تركتنـي ضايـق وحايـر ومفجـوع كلمات تنزف الم ووجع الفراق رائعه ومؤلمه معا،، ذووق كنق واختيار حلوو ورائع والقصيدهـ جوناااان وربي صح السان الشاعر وسلمت اناملك يعطيك العافيه ماقصرت والله،، وفا http://www.3z.cc/sml/30/0001.gif |
رد: انت الحيّا من وين مارحت متبـوع !! الله روعة القصيدة صح اللسان شاعرها وسلمت يمينك على النقل المميز |
رد: انت الحيّا من وين مارحت متبـوع !! وفا الماسه وحساسه صحت ابدانكم وشاكر لكم تشريفكم لصفحتي دمتم بود |
رد: انت الحيّا من وين مارحت متبـوع !! ياصاحبـي عشقتنـي فعـل وخصـال وانا عشقتك شعر واحساس وطبـوع وشلون تتركني كذا لا اشهـب الـلال وقدّام عيني تجف ينبوع .. ينبوع !! صح لسان الشاعر وسلمت يمينك يالكنج ع الاختيار الرائع قصيد بمنتهى الرقي والجمال لاتحرمنا من ذووقك الراقي دمت بهذا التألق تحيتي لك |
| الساعة الآن 01:51 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..