|
من يجرؤ يتكلم ومن يجرؤ يقول؟!! مرحبا ومرحبا والفي تحيه والسلام من صميم القلب لحاضر نقاشنا كيفكم ياربع الجماعه ههههههه اربكم بخير وطيبين موضوعي يا احبابي لان ما لي حبايب سواكم هو اكيد الكل يبي يعرفه واكيد الكل معاني منه سواء مره او رجل او بنت او ولد او ام او ابو بصراحه موضوعي نقاشي جدى جدى جدى يالبيه المهم موضوعي هو مهنة نقل المعلمات( واعني )بنقل المعلمات ليس نقل المعهود من مراكز الاشراف التربوية . بمعنى ان الحين الرجال قاموا يمتهنون مهنة نقل المعلمات من شاب وشايب والنقل يكون بمناطق بعيده عن الديره اللي هم فيها يعني اللي في الرويضه تاخذ نقل سياره لا يقل عن 1000 في الشهر للمنطقه المعينه فيها ياترى هل في ذالك عيب على الرجل اعني انه وهو يمتهن هاذي المهنه ويبي يكمل نصف دينه وتلقاه المرأة ينقل معلمات ما تبيه ليه مدري ؟؟؟؟؟ لا وياليتها على االمرأة بس !!الا حتى المجتمع اللي حولها يخربون عليها حتى لو انه صالح وفالح قالوا فيه ان ما عنده وظيفه ثابته .... وانا يوم كتبت هذا الموضوع ابي الكل يناقش فيه لاني بصراحه معانيه منه وابي حلولكم واراكم. واتمنى انكم نفيدوني جزيتوا خيرا . همسه::::::::::: :::::::::::::: بالحوار لغة القوة وليست القوة لغة الحوار |
رد: من يجرى يتكلم من يجرى يقول مرحبى ومرحبى والفي تحيه والسلام من صميم القلب لحاضر نقاشنا :1: ورى ورى هههه ياحليلك ياهوهو على بالك بتلعبين علينا ان هالكلام منك تراها اغنية طقاقات ههههه المهم كيفكم ياربع الجماعه ههههههه اربكم بخير وطيبين وشلون تجي ياربع الجماعة ابي افهم :006: المهم موضوعي هو مهنة نقل المعلمات( واعني )بنقل المعلمات ليس نقل المعهودمن مراكز الاشراف التربوية . بمعنى ان الحين الرجال قامويمتهنون مهنة نقل المعلمات من شاب وشايب والنقل يكون بمناطق بعيده عن الديره اللي هم فيها يعني اللي في الرويضه تاخذ نقل سياره لا يقل عن 1000 في الشهر للمنطقه المعينه فيها ياترى هل في ذالك عيب على الرجل اعني انه وهو يمتهن هاذي المهنه ويبي يكمل نصف دينه وتلقاه المرة ينقل معلمات ما تبيه ليه مدري ؟؟؟؟؟ لا وياليتها على على المرة بس الا حتى المجتمع اللي حولها يخربون عليها حتى لو انه صالح وفالح قالو فيه ان ما عنده وظيفه ثابته .... شوفي ياقلبي ياهوهو بما ان انك طلبتي الصراحة في الرد انا بكون صريحة معك وبتكلم عن نفسي .. بالنسبة للشغله مو عيب لانها شغله شريفة وفيها طلب للرزق والتعفف من السؤال .. هذا بالنسبة للشغله .. اما بالنسبة للزواج عن نفسي ماراح اقبل بواحد يشتغل كذا ... اكيد بتقولين لي ليه .. ؟!!! 7 7 7 بقولك اصبري لا تستعجلين .. خخ 7 7 اولا : هذي المهنة فيها خطورة على حياته وماراح اضمن سلامته من الحوادث .. ومن يوم يطلع من البيت وانا على اعصابي لين يجي ... لذا وشهوله القلق هذا كله .. ثانياً : لا سمح الله لا سمح الله صار له حادث ومات من بيصرف علي وعلى عيالي ... فرضنا انه ما مات طيب وجته اعاقه ومنعته من العودة لعمله مره ثانية برضوه هنا بيصير الوضع صعب نفسيا وماديا .. بيجلس مقابلني لا معاش يمشي له ولا تقاعد يستفاد منه .. ثالثا : ما اقدر اطلب منه يوديني او يجيبني لانه اكيد تعبان من المشاوير لذا بصير مراعيه لوضعه وبترك اموري واحتياجاتي عشانه .. رابعا : اخاف على نظرة المجتمع لي ولعيالي ان ابوهم يشتغل سواق معلمات لذا ماراح اقبل واكيد فيه بنات عادي مايرفضون الي يشتغل كذا لان همهم الاول والاخير الستر وعلى قوله اخونا المصريين ( ظل راقل ولا ظل حيط ) فليه اخذ واحد مايناسبني لا وظيفين ولا اجتماعيا وانا اؤمن بمبدا التكافو بجميع انواعه .. وهذا رائيي وحريتي الشخصية همسه::::::::::: :::::::::::::: بالحوار لغة القوة وليست القوة لغة الحوار ياربيييييه :36_1_6: 7 7 7 لطش عيني عينيك :36_11_6: 7 7 بعلم عليك 7 7 تقبلي مروري يالغلا كله |
رد: من يجرى يتكلم من يجرى يقول ههههههههههههههه ههههههههههههههه هههههههههههه ياااااااااااااا البى والله قلبتس يا الماستي وبعدين هاذي نضرتس يالغاليه وبناضر وجهات نضر الجميع ولا هنتي على مرورتس |
رد: من يجرى يتكلم من يجرى يقول مرحبا اختي ========> عرفت انك بنت من الاخت الماسه الكلام صراحه نصه مافهمته بس المهم والمضمون انفهم اختي الكريم العمل ليس بعيب وانما العيب التوسل للناس هذه قاعده لا استثناء بها . بالنسبه لرضى الناس اختي فهي ( غايه ) ========> مو غايه اللي بالمنتدى وحده غيرها لاتدرك .. واعتقد لاتخفاك حكايه جحا وحماره وحاله مع الناس . ان كنت تؤمنين فالاكيد تؤمنين برسوله .. والرسول الكريم حث على العمل لا على التوسل للناس بالعاميه =======> حطي اذن من طين واذن من عجين وتزوجي سياتي زمن على الناس يبحثون عن عامل نظافه ليتزوج منهم تمنياتي لك بالتوفيق |
رد: من يجرى يتكلم من يجرى يقول انا مثل الاخ عازف قعدت اجمع بهالجمل الين مافهمت الي مكتوب بالنسبه لي ماراح اوافق لنفس الاسباب الي ذكرتها اختي الماسه |
رد: من يجرى يتكلم من يجرى يقول عمل الرجل في شتى المجالات دامه شريف موب عيب بالعكس ع الاقل ماجلس بالبيت راح يجاهد ويترزق وشنو ذنبه اذا ماحصل له وظيفه ثانيه يالغلا كثير بنات تزوجو من رجال وظيفتهم بس سواقة اجرهـ وعاشو معهم وجابو اولاد وسعيدين ومرتاحين الحمدلله والله كريم ورزاق،، والرجال اذا كان على دين وخلق وطيب وظيفته ماتعيبه واذا على كلام الماسه بالنسبه للحوادث لاقدر الله هذي كلها اقدار ( مايصيبنا الا ماكتبه الله لنا ) ويمكن ماتكون هذي وظيفته ويموت او يتعرض لحادث هذي اعمار وكلها بيدالله موب مقتصرهـ على وظيفه معينه،، يعطيك العافيه ماقصرتي نقاش حلووو وفا http://www.3z.cc/sml/30/0001.gif |
رد: من يجرى يتكلم من يجرى يقول شاكره مروركم يالغالين عندي عازف ,طفشانه,وفاء العيون |
رد: من يجرؤ يتكلم ومن يجرؤ يقول؟!! هلا اختي ,, بنظري اهم شي انها وظيفه ولا يذل نفسه لاي انسان حوله يعني متحمل مصاريفه وهذا بحد ذاته يشجع البنت انها توافق عليه انه يرضى لنفسه ان يهدر صحته ووقته بس عشان يأمن رزقهم عني بوافق بس ان كان شي بيمنعني هو شي واحد الغيرهـ يعني يودي معلمات ويجيبهن اكيد لا والا الله يعين كل يوم بخاويه هههههههههههه موضوع رائع للنقاش يعطيك العافيه |
رد: من يجرؤ يتكلم ومن يجرؤ يقول؟!! هوى الديرة تحية طيبة وبعد اللي يشتغل في نقل الملعلمات او اي شغلة شريفة مثلها يعني مهيب وظيفة رسمية اشوف انه احسن من الموظف العادي لعدة اسباب منها زيادة الدخل باضعاف عن الموظف ايضا تكون اجازته بيده يعني باي وقت بالله مهوب احسن من الموظف اللي راتبه لا يتجاوز 6000 ريال وبعدين وش فيه ناقص ضرس والا ناقص اصبع تقبلي مروري |
رد: من يجرؤ يتكلم ومن يجرؤ يقول؟!! هوأفضل زوج عانا الحياة الصعبة وجمع المال الحلالا بالله عليك أقطع مخ أفكاري في الموضوع وأسالك لو طلب هو أيد قريبة لك أو واحديملك ألافالريالات كسبها بطريقة غير مشروعة وانتي تعلمي من تنصحينهابة بكل أمانة شكراهوى الديرة على الطر ح |
رد: من يجرؤ يتكلم ومن يجرؤ يقول؟!! أجد فية صفات طيبة مثل : 1-النوم مبكر 2-التركيز دائم من صفاتة 3-الصمت في أدب 4-الحياء 5-الاهتمام بالسيارة 6-مراعات ظروف الركاب 7-الزواج باحد الفتياة التي يوصلها ولاكثرمن وحدة أحياننا 8-الاعتناء بالمظهر الدائم الحسن الهندم القيافة التحليق واكررالشكر لك هوى الديرة على الطر ح الممتاز والموضوع الجميل ونطمح المشاركات من الجميع لكي نعرف مانجهله والمزيد من الارى فية |
رد: من يجرؤ يتكلم ومن يجرؤ يقول؟!! هاوي كابتن ابك حنى ما نبي ذى المواصفات وبعدين شاكره للجميع المرور |
رد: من يجرؤ يتكلم ومن يجرؤ يقول؟!! أهم شي عمل شريف وهناك كثير من النساء ليس لديهم إعتراضاً حول العمل والأهم أنه عمل شريف وأن أحترمت ذاته وقدرته فستقبل بالتأكيد ولن تكون نضرة المجتمع مهمة لها وإن كانت ضيقة هذه حول العمل في مجالات غير وأن تواجدت الثقة المتبادلة فلن يكون هذا تعقيداً وأمراً نناقشه تحيتي لك |
رد: من يجرؤ يتكلم ومن يجرؤ يقول؟!! اخوي جسد انا معك في العمل الشريف بس فيه متطلبات حياتيه لازم اخذها بعين الاعتبار والنظرة التثقبيه لها بمعنى امنى بالله واشتغل هاذي الشغله الشريفه وجت الاجازه وش يسوي وين يروح هو وعياله وحريمته قلي يا احي الكريم |
رد: من يجرؤ يتكلم ومن يجرؤ يقول؟!! موعيب العمل كهذا شكرا هوى الديره |
رد: من يجرؤ يتكلم ومن يجرؤ يقول؟!! اهلين هوى الديرة اقتباس:
ماله الا يقلب الباص ليموزين والا خط البلدة والله ان يسحب على المدرسات اذا كان عنده مثلاٌ اعمال حرة مؤسسه مثلاٌ ولا عمال والا محلات مافيه مشكله ابد الا بالعكس بيكون مرتاح والحرمه مرتاحه ومن رايي اهم شي الامان الوظيفي لكن اذا ماكان عنده الا الله ثم هالباص اللي يكد عليه صعبه يستقر |
رد: من يجرؤ يتكلم ومن يجرؤ يقول؟!! بإختصار من الاخر .. ماكوو عيب .. والله من الدلع فيكن .. اللي تخاف على زوجها من الحادث واللي مري كيف ... المكتووب بيوصله لو انه على فراشه عندك .. العمل شريف .. موو عاجبكن انطقن بالبيت ولا عاد درسن >> بينجلد هوى الديره .. أستمري .. أسلوب رائع .. |
رد: من يجرؤ يتكلم ومن يجرؤ يقول؟!! بياض وابو سيف سلمتو على الرد ولاهنتو على المرور |
رد: من يجرؤ يتكلم ومن يجرؤ يقول؟!! ياجعلك تمهل يالحفيد ههههههههههههههه هه ياخي لا تنجلد ولا شي ههههههههههه بس ابي اقولك ان اسلوبي تسذا يعني طبيعتي وهاذي انا وهاذي خلاقيني ههههههههههههههه ههه سلمت على الرد والمرور (يا صيدله) ههههههههههههه اوه الحفيد نسيت |
رد: من يجرؤ يتكلم ومن يجرؤ يقول؟!! طبعا قضيه المعلمات والنقل وتوظيفهن في مناطق بعيده .. مش موجوده عندنا ... أو نادرنوعا ما في الامارات ونادر ايضا نشوف موظفه ما تقود سياره وتعتمد علي نفسها في النقل والمعلمات كذلك .. . ابصراحه الشغل الحلال مو عيب ... انا ارفض الارتباط بشخص بهذه الوظيفه ... احترامي للجميع واصلي هوى الديره .. ... تعجبني جرئتك بالحوار .. يحفظج الرحمان يا قمر .. |
رد: من يجرؤ يتكلم ومن يجرؤ يقول؟!! انا اظم صوتي مع صوت اخوانب واخواتي فعمله ما فيه عيب ابدا العيب هو من يجلس بدون عمل |
رد: من يجرؤ يتكلم ومن يجرؤ يقول؟!! هوى الديره 000 بصراحه موضوعك جميل 000وطريقة طرحك له 000جدآ حلوووه لكن انا بشارك في هالموضوع بعجاله مثل مايقولون 000لان صلاة الجمعه قربت 000وروح اصلي 00 انا استغربت مثل هالنظرات السلبيه لاصحاب هالمهنه 000لاني بصراحه اول مره اسمع احد يشوفهم بها النظره 000واللي يمكن تشوفها النساء فقط 00 000000000000000 0 الماسه وحساسه 00اختلف معك ووووووووووووووو وووواجد 000000000000000 00 لكن برجعلكم بعديييييييييييي ييييييييييييييي ييييييييييييييي ن |
رد: من يجرؤ يتكلم ومن يجرؤ يقول؟!! اخواني ابوطارق وعبد الرحمن مشكورين ولاهنتو على المرور ياغالين عندي |
رد: من يجرؤ يتكلم ومن يجرؤ يقول؟!! هانحنو نعود لكم 000 المهم موضوعن حلووووووووو0000 وبصراحه مادرينا انه مهم 000خاصه للنساء وفيه هالنظره الغير سليمه (من وجهة نظري ) لها المهنه بالعكس مافيها أشيء 00 وهي وسيلة رزق مشروعه 00وطيبه 000ولافيها شي وبعدين اللي موعاجبها 000هذا ولا سواقين الليموزين سعوديين ومتزوجين 00وهذولا سواقين الشاحنات 00وسواقين الباصات 00 ووووو استغرب مثل هالنظره 0000 اما مسألة الحوادث 0000وانها ممكن يصاب 00مثل ماقالت الماسه حنا الواحد منا معرض يجيه اي شيء سواء كبير اوصغير اصابه قويه اوبسيطه حتى لو هو مايسوق 0000 هذي اشياء من رب العالمين 00ويجب نؤمن بالقدر 000ونتوكل على الله ولا ماعاد رحنا ولاجينا 00ولاركبنا سيارات 00 اختصارا00000000 بين الرياجيل كبار وشباب 00مافيه هالنظره ابد لكن انتن يالنساء مادري 00000000 ثانكيوا 000000000000لكم جميعآ |
رد: من يجرؤ يتكلم ومن يجرؤ يقول؟!! ارحب ارحب حي الله اللي رجع ورد ومرحبى فيك يا بو داحم ههههههههههههههه ه معليه اظني امون لاني من الديرة خص ههههههههههههههه ههههه ولا تزعل الى قلت لك ابو داحم ترى ابو داحم اسمن عزيزن علي عشان كذا احب اسمي كل من اسمه عبد الرحمن ابوداحم . واله يالاجودي ان البلا ء ما يجيك الا منا انا يالنسوان . ولاهنت على عودتك ياخوي |
| الساعة الآن 03:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..